"Parkent tongi" gazetasi I Расмий канал

#Инсон_қадри

⚡️⚡️⚡️ Ҳоким қабули: Чинорбулоқдаги муаммолар, автоҳалокатга учраган фуқаронинг дарди

Фуқаролар қабулига одамлар муаммоларини ҳал бўлишини истаб келади. Бошига тушган ташвишдан қийналиб турган инсонга ёрдам қўлини чўзмасликдан ёмони йўқ.

Бепарволик ёки инсонни эшитмай “муаммосини ўзи ҳал қилиб олсин”, деган фикрда раҳбар ўзини катта олса, унинг фаолияти хайрли бўлмайди.

Бугун туманимиз ҳокими Сардор Исоқуловнинг навбатдаги фуқаролар қабулида  прокурор Жасурбек Ҳайитбоев, ИИБ бошлиғи Азизбек Алиасқаров, туман Давлат солиқ идораси раҳбари Абдували Маҳаматов ҳамда ҳоким ўринбосарлари, тегишли ташкилот раҳбарлари иштирок этишди.

Қабулда Тўланбой Ражаматов Чинорбулоқ маҳалласи ҳудудидаги муаммоларни ҳокимга гапириб берди.

Унинг айтишича, маҳалладаги “Тошканбой ота” номдаги қабристонда канализация таъмирталаб эканлигини, бу ҳақида туман Экология ва атроф-муҳитни муҳофаза қилиш бўлимига маълум қилганлигини, лекин бугунги кунгача аҳвол ўзгармаганлигини айтди.

Ҳоким қабулда иштирок этаётган туман Экология ва атроф-муҳитни муҳофаза қилиш бўлими масъулидан нега ҳалигача муаммо ҳал бўлмаганини сўради.

Масъул эса мурожаатни “Тошкент сув таъминот” МЧЖ Паркент тумани бўлимига етказганини, муаммо тез кунда бартараф қилинишини билдирди.

Мурожаатчи Чинорбулоқ маҳалласидан ўтувчи катта йўл бўйига пиёдалар йўлакчаси ҳамда болалар боғчасини қуришда ёрдам сўради. Ҳоким бу масалаларни жойига чиқиб, ўрганиб ечим топишини айтди.

Чўққайма маҳалласидан келган фуқаро 2020 йилда уни бир ҳайдовчи уриб кетиши оқибатида умуртқа поғонаси лат еганини, бурни синиб, кўзи хиралашганлигини, лекин ўша ҳайдовчи ҳеч қандай ёрдам кўрсатмаганини айтди.

Унинг мурожаатини Жасурбек Ҳайитбоев ёзиб олди. Прокурор мурожаатчининг талаби бўйича қонунда белгиланган тартибда шикоятини ўрганиб чиқишини таъкидлади.

👉 @PARKENT_TONGI

#Туризм

⚡️⚡️⚡️ Паркент туманида 2025 йилнинг 1 мартига қадар 50 та ҳаво шари ва дельтаплан лойиҳаси ишга туширилади

Ушбу топшириқ 2024 йил июнь ойида давлат раҳбари томонидан берилган эди.

👉 @PARKENT_TONGI

#Видеоселекторда

Айни пайтда Президент Шавкат Мирзиёев раислигида тадбиркорликни ҳар томонлама қўллаб-қувватлаш бўйича жорий йил якунлари ва 2025 йилга асосий режалар юзасидан видеоселектор йиғилиши ҳамда етакчи тадбиркорлар билан бўлиб ўтаётган мулоқотида қуйидагилар маълум қилинди:

Eр ёки давлат мулки ҚҚСсиз сотилади, мобиль алоқа учун акциз солиғи (10 фоиз) бекор қилинади.

Шаҳар чегарасидаги қишлоқ ерларига 2 карра ер солиғини ҳисоблаш тўхтатилади. Нашриёт корхоналари фойда солиғини тўлашдан 5 йилга озод этилади.

Бундан ташқари, IT-park резидентларига барча турдаги солиқларни тўлашдан озод этиш бўйича имтиёзлар 2040 йилгача узайтирилади.

Хусусий мактаб ва боғчалар, хорижий ўқитувчи ва мутахассислар учун берилган барча солиқ имтиёзлари 2030 йилгача амал қилади.

👉 @PARKENT_TONGI

#Хушхабар

⚡️⚡️⚡️ Паркентлик талаба Ислом Каримов номидаги Давлат стипендиясини қўлга киритди

Жорий ўқув йили учун Ислом Каримов номидаги Давлат стипендияларининг ғолиблари эълон қилинди. Улар орасида Паркент туманидан Маржона Қиёмова ҳам бор.

Маржона Қиёмова Кумушкон маҳалласидаги 13-мактабни аъло баҳолар билан тамомлаган.

У айни пайтда Тошкент тиббиёт академияси Биотиббиёт муҳандислиги факультетининг 4-босқичида таҳсил олмоқда.

Ўқув йиллари давомида
Академияда таъсис этилган "Зулфия", "Абу Наср Фаробий", "Соғлиқни сақлаш вазири" номидаги стипендияларига лойиқ кўрилган.

Шунингдек, у 15 дан ортиқ Халқаро олимпиада ва илмий анжуманлар ғолиби бўлган.

Ўтган 2022 йилда Германиянинг Халқаро  лойиҳалар танловида грант соҳибаси ҳамда 2023 йилда "Мирзо Улуғбек ворислари", "InnoWomen" Республика танловларининг ғолиблигини қўлга киритган.

Бундан ташқари, 2023 йилда Озарбайжон ва Жанубий Корея Республикаларида Халқаро мобиллик алмашинув дастурида стажировка ўтади.

Маржона 2023 йилда Президентимиз Шавкат Мирзиёев Фармони билан "Келажак бунёдкори" Давлат мукофоти билан тақдирланган.

Маржона Ўзбекистон Халқ Демократик партияси аъзоси.

Айни вақтда партиянинг "Ёшлар қанот"и Паркент туман координатори сифатида теградошларига намуна бўлиб келмоқда.

Иқтидорли талабанинг  ҳаммуаллифликда "Биофизика" ўқув қўлланмаси ҳамда илмий тадқиқотлари доирасида 20 дан ортиқ хорижий ва республика миқёсида илмий мақолалар ва тезислари нашр этилган.

Маржона Қиёмованинг истеъдоди давлатимиз томонидан муносиб тақдирланди.

У жорий ўқув йилида Ислом Каримов номидаги Давлат стипендиясига лойиқ кўрилди.

Маржона Қиёмованинг ютуқлари бардавом бўлишига тилакдошмиз!

👉 @PARKENT_TONGI

#Диққат_тарқатинг

⚡️⚡️⚡️ Туман ҳокимлигида 24 соат давомида “ТУМАН ШТАБИ” ишламоқда!

Шу кунларда об-ҳавонинг ўзгариши туфайли коммунал соҳаларда юзага келиши мумкин бўлган муаммоларни ўз вақтида ҳал қилиш, шунингдек, бу йилги куз-қиш мавсумини беталафот ўтказиш мақсадида Паркент туман ҳокимлигида 24 соат давомида “ТУМАН ШТАБИ” ишлаб турибди.

Шу боис, туманимиз аҳолиси коммунал соҳалардаги мурожаатларини мутасадди раҳбарлардан иборат штаб аъзоларига етказиши мумкин.

Таъкидлаш жоизки, мазкур штабнинг асосий вазифаси аҳолидан келиб тушадиган мурожаатларни тезкор равишда бартараф этиш чора-тадбирларини белгилаш ва амалга оширишдан иборат.

Ҳурматли туманимиз аҳолиси, куз-қиш мавсуми билан боғлиқ мурожаатларингиз бўлса, қуйидаги телефонларга қўнғироқ қилишингиз мумкин:

Паркент туман ҳокимлиги марказий штабининг — +998-70-72-22-348;  +998-70-72-22-156 рақамлари 24 соат ишлайди!

Штаб раҳбари – Паркент тумани ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари Шавкат Акрамовнинг телефон рақами — +99894-676-53-55;

Штаб раҳбари ўринбосари – Паркент туман Қурилиш ва уй-жой коммунал хизмат кўрсатиш бўлими бошлиғи Улуғбек Маҳкамовнинг телефон рақами — +99899-892-82-80;

"Паркенттумангаз" газ таъминоти бўлими бошлиғи Эркин Валиевнинг телефон рақами —  +99899-406-66-33; Қисқа рақам 104; Диспетчер рақами +998-70-72-22-392;

Паркент туман электр тармоқлари корхонаси бошлиғи Мираббос Мирҳамидовнинг телефон рақами — +99899-926-86-55; Диспетчер рақами +998-70-72-22-981;

"Тошкент сув таъминот" МЧЖ Паркент тумани бўлими бошлиғи Аҳрор Эрматовнинг телефон рақами +99899-491-93-03; Диспетчер рақами +998-70-72-36-014;

Паркент туман Мактабгача ва мактаб таълим бўлими бошлиғи Набижон Юнусовнинг телефон рақами — +99894-404-33-44; Диспетчер рақами +998-70-72-22-092;

Паркент туман Тиббиёт бирлашмаси бошлиғи Бобур Алиевнинг телефон рақами — +99897-260-55-01; Қисқа рақам 103, Диспетчер рақами +998-70-72-24-156;

Паркент туман Фавқулодда вазиятлар бўлими бошлиғи Фарҳод Турсунқуловнинг телефон рақами — +99898-126-75-26; Қисқа рақам 101, Диспетчер рақами +998-70-72-22-405;

Паркент туман ИИБ йўл ҳаракати хавфсизлиги бўлими бошлиғи Дилшод Халиловнинг телефон рақами — +99899-837-12-00; +99898-337-12-00;

👉 @PARKENT_TONGI

#Диққат_қилинг

⚡️⚡️⚡️ Туманимизда ерга оид қонунни бузганларга жами 2 млрд. 761 минг сўм жарима жазоси тайинланган

Кадастр агентлиги Паркент туман бўлими бошлиғи Дилшод Абдураҳмоновнинг берган маълумотларига кўра, жорий йилнинг ўтган 11 ойи давомида туманимизда жами 231 та ҳолатда ер билан боғлиқ қонунбузилиши аниқланиб, шундан 19 таси юридик ва 212 таси жисмоний шахслар ҳисобига тўғри келади.

Улардан 169 нафар жисмоний ва юридик шахсга нисбатан ер қонунчилигини бузганликлари сабабли маъмурий баённомалар расмийлаштирилиб жарима жазоси қўлланилган.

Жумладан, ер майдонларини ўзбошимчалик билан эгаллаш ҳолатлари бўйича МЖтКнинг тегишли моддаси билан 36 нафар фуқарога нисбатан 8 млн. 500 минг сўм, ноқонуний қурилма қуриб олган 91 нафар фуқарога нисбатан 51 млн. жарима жазоси тайинланган.

Шунингдек, тегишли идораларнинг рухсати олинмасдан қурилиш қилиш ҳолати бўйича 17 нафар фуқарога 1 млн. 125 минг сўм, кўчмас мулкка бўлган ҳуқуқни давлат рўйхатидан ўтказиш учун ўз вақтида мурожаат этмаган 25 нафар фуқарога 3 млн. 750 минг сўм жарима жазоси қўлланилган.

Туманимизда шу йилнинг ўтган 11 ойида ерга оид қонунни бузганларга нисбатан жами 2 млрд. 761 минг сўм жарима жазоси тайинланган бўлиб, жарималарнинг 476 млн. 400 минг сўми ундирилган.

Ўз вақтида тўланмаган жарималарнинг 1 млрд. 576 млн. сўми Мажбурий ижро бюроси Паркент туман бўлимига мажбурий ундирув учун юборилган.                               

Бундан ташқари, 149 та ҳолатда 12,34 гектар ер майдонида ўзбошимчалик билан эгаллаш ва ноқонуний қурилмалар қурилгани аниқланган.

Кадастр агентлиги Паркент туман бўлими томонидан берилган огоҳлантирилишлар натижасида 91 та ҳолатда 6,86 гектар ер майдони ихтиёрий равишда туман захирасига қайтарилиб, ноқонуний қурилмалар бартараф этилган.

Яна 58 та ҳолатда 5,48 гектар ер майдонини ўзбошимчалик билан эгаллаш ва ноқонуний қурилмаларни бартараф этиш юзасидан судга даъво аризаси киритилган.

👉 @PARKENT_TONGI

#Жараён

⚡️⚡️⚡️ "Ёшлар боғи"га Янги йил арчаси  ўрнатилмоқда

Янги йил байрамига ҳам оз қолди. Бу байрам безатилган арчасиз ўтмайди.

Туманимиз аҳолисига, айниқса болажонларга ҳақиқий байрам кайфиятини улашиш мақсадида Янги йил арчаси ўрнатилмоқда.

Шу кунларда туман Ободонлаштириш бошқармаси ходимлари "Ёшлар боғи"да арча ўрнатиш билан банд.

Шу билан биргаликда соҳа ходимлари боғда ободонлаштириш ишларини ҳам олиб боришди.

Боғ атрофлари қордан тозалаб, қишга чидамли, манзарали гуллардан экишди.

Ўрнатилаётган арчанинг баландлиги 11 метр бўлиб, турли ўйинчоқлар билан безатилмоқда.

👉 @PARKENT_TONGI

#Матбуот
#Пресс_анонс
        
"ПАРКЕНТ ТОНГИ" ГАЗЕТАСИНИНГ 2024 ЙИЛ 19 ДЕКАБРЬ СОНИДА:

👉 Кўмак ва интилиш ортидаги фаровонлик

👉 Ижтимоий ҳимоя йўлидаги янги ташаббуслар

👉 Мақсад — эзгу, вазифалар — аниқ!

👉 Ободлик кўнгилдан бошланади

👉 Кўп қаватли уйларда муаммолар борми?

👉 Деҳқончиликда "чилла" сувининг афзаллиги нимада?

Шунингдек, газетамиз саҳифаларида туманимиз ижтимоий-сиёсий ҳаётига оид хабарларни ўқийсиз!

👉 @PARKENT_TONGI

#Долзарб

⚡️⚡️⚡️ "Элга хизмат" ярмаркасидаги озиқ-овқат маҳсулотларининг нархларидан хабардормисиз?

Туманимиз деҳқон бозорида фаолият кўрсатаётган "Элга хизмат" ярмаркаси масъулларининг берган маълумотларига кўра алоҳида турдаги озиқ-овқат маҳсулотлари шу кунларда қуйидаги нархларда сотилаётган экан.

Мол гўшти (суякли) – 65 минг сўм

Қўй гўшти (1 кг) – 70 минг сўм

Товуқ гўшти (бутун товуқ) – 24 минг сўм

Олий навли ун (1 кг) – 4 минг 400 сўм

Маҳаллий ун 1-навли (1 кг) – 3 минг 900 сўм

Пахта ёғи (1 л) – 16 минг 400 сўм

Ўсимлик ёғи (1 л) – 17 минг 500 сўм

Шакар (1 кг) – 11 минг 500 сўм

Тухум (донаси) – 1 минг 200 сўм

Гуруч (аланга) – 15 минг сўм

Макарон (1 кг) – 9 минг сўм

Картошка (1 кг) – 4 минг сўм

Пиёз (1 кг) – 2 минг сўм

Сабзи (1 кг) – 2 минг 500 сўм

👉 @PARKENT_TONGI