FOJIA

Keling, yashamaymiz endi.
Yashash charchatdi.
Bir bizmi osmonni ko'tarib turadigan,
Yulduzlarni yoqadigan,
She'rlar yozadigan,
“Sevaman” deb yig'laydigan bir bizmi?!

Keling, yashamaymiz.
KUN KO'RAMIZ endi.
Xudo urganday kun ko'ramiz.

Xech kim bu kunlarni ko'rmaydi.
Bu ko'nlar ham hech kimni ko'rmaydi.
Biz esa ko'rib o'tiramiz bu kunlarni.

“Qanday kun ko'rayotganlarini
Bilmaydi bu odamlar...”, deb
Yig'lab o'tiramiz!..

Usmon Azim