Azaldan shundayin yaralgan dunyo,
Sevish qismat, ayrilmoq taqdir.
Uyimda hech kim yo'q emasu, ammo,
Sensiz boʼm-bo'sh bu uy, negadir.

Bilmadim,
Bu haqda o'yladim uzoq,
Hayotim senmiding,
Yo, sen bu Hayot.
Avvaldan begona edikmi,
Yoki,
Yoki bir lahzada boʼlib qoldik yot!

Bilmadim,
O'zimga o'zimman jumboq,
Oʻzimni savolga tutaman o'zim.
Qani sen koʻzimga tikilibroq boq,
Senga nimalarni soʼzlarkin koʼzim.

Go'yoki begona yurtda yoʼlovchi,
Borar manzilini topmay adashgan.
Chunki,
Chunki men ishongan odamlar koʼoʼoʼpi,
Do'stman deb, kurakka pichoq qadashgan.

Muhabbat haqida yaxshisi tekman,
Bu soʼzdan kuyadi labu-zabonim.
Sevaman!
Sevaman!
Sevaman deya,
Sevmas qilib ketgan sevgan insonim!

Bilmadim..
Hullaski yuribman yashab,
Na sendan,
Na ishqdan,
Na baxtdan darak!
Faqat devordagi buzuq soatga o'xshab,
Bir vaqtni ko'rsatib turibdi yurak

@onlyweonlyme