Ba'zilar badiiy asar asosida olingan filmlarni koʻrishni afzal deb bilsa, boshqalar aynan oʻsha kitobning oʻzini oʻqigan foydaliroq ekanini aytishadi.
Zamonaviy texnologiyalar rivojlanib,kinoindustiya yuksalayotgan bir paytda badiiy asarlar asosida suratga olingan filmlar ommalashmoqda Ayrim insonlar kitob oʻqishga vaqt sarflash oʻrniga shu asarning ekranlashtirilgan variantini tomosha qilishni afzal bilishadi.Boshqalar esa asl manbani oʻqish muhimroq ekanini taʼkidlashadi.Xoʻsh, qaysi tarafning tanlovi oʻrinli?
Bugungi kunda koʻplab mashhur badiiy asarlar ekranlashtirilmoqda.Odamlar vaqtini tejash uchun bu asarlarni oʻqimasdan kinotalqinini tomosha qilmoqda.Film badiiy asarning oʻziga xos talqini boʻlib,uni tomosha qilish ham muhim afzalliklarga ega.Ayniqsa,tarixiy yoki fantastik janrdagi asarlar ekranga moslashtirilganda, tomoshabin oʻsha davr muhitini yoki tasavvur qilib boʻlmaydigan sahnalarni aniq koʻrish imkoniga ega boʻladi.Birinchidan, film qisqa vaqt ichida katta hajmli voqealarni yetkazib bera oladi,bu esa vaqt tejashni istaganlar uchun qulay.Masalan , "Uzuklar hukmdori"trilogiyasini olaylik.Bu asar murakkab va uzoq tasvirlangan boʻlib,har bir tafsilotni oʻqib chiqish ancha vaqt talab qiladi.Filmni tomosha qilish jarayonida inson dunyoni jonli va koʻrgazmali tarzda , mohiyatini qisqa vaqt ichida tushunishga erishadi.Buning natijasi tomoshabinda kuchli taassurot qoldiradi.
Avvalo, kitob oʻqish insonning tafakkurini rivojlantiradi, tasavvur doirasini kengaytiradi.Kitobxon voqealar rivojini oʻz tasavvurida jonlantirib, muallif yaratgan olamni oʻziga xos tarzda qabul qiladi.Buning natijasida inson tasviriy fikrlashni rivojlantiradi va ijodiy tafakkurga ega boʻladi.Bundan tashqari kitob oʻqish til boyligini oshiradi."Jahon adabiyoti" jurnalining yozishicha, koʻpgina dunyoga mashhur kishilar kitob oʻqishning afzalliklarini ta'kidlashmoqda. Masalan, koʻpchilik "Qashqirlar makoni"serialini koʻrgan boʻlsa-da,Chingiz Aytmatovning "Boʻtakoʻz"qissasini oʻqimagan boʻlishi mumkin.Film voqealar rivojini tez va dramatik tarzda ifodalasa-da, kitobni oʻqigan odam obrazlarning ichki kechinmalarini, ularning ruhiy holatini chuqurroq his qiladi.
Mening fikrimcha, inson tasavvurini rivojlantirish,til boyligini oshirish va chuqur mushohada qilishni istasa, kitob oʻqish maqsadga muvofiq.Farzandlar tarbiyasida ham kitobning oʻrni beqiyos.
Xulosa qiladigan boʻlsak,har ikkala usul ham oʻziga xos foydaga ega.Ammo kitob oʻqish inson tasavvurni boyitib,uning tafakkurini chuqurlashtirishini hech qachon unutmaslik darkor.Zero oʻsib kelayotgan avlod uchun asrlar davomida insoniyat boyligi boʻlmish kitoblarni mutolaa qilish, filmlarni tomosha qilishdan koʻra koʻproq foydali ekanligini esdan chiqarmasligimiz zarur.
@ona_tili_milliy_sertifikat_esse1
@ona_tili_milliy_sertifikat_esse1
@ona_tili_milliy_sertifikat_esse1