KATTA ODAM BOʻLAMAN ONA

Koʻnglingizni tugab mahtali,
Kelar baxtli kunlarning gali.
Duo qiling, koʻrasiz hali,
Katta odam boʻlaman ona.

Armonlarning eshigin yopib,
Bir kun omad keladi chopib.
Xalq ichida oʻrnimni topib,
Katta odam boʻlaman ona.

Hech kimsaga qolmas muhtojim,
Muhzunligim olar quvonchim.
Inshaalloh, komil ishonchim,
Katta odam boʻlaman ona.

Istarasi issiq, savlatlik,
Boy badavlat, halol, davlatlik.
Siz aytgandek saxiy, himmatlik,
Katta odam boʻlaman ona.

Koʻrolmaslar bagʻrin tilgancha,
Bir boʻlganni doʻstim bilgancha.
Yuzingizni yoruq qilgancha,
Katta odam boʻlaman ona.

Maqsadlarim koʻnglimda jodir.
Haqdan holis niyyat bajodir,
Sizni xoji qilishga qodir,
Katta odam boʻlaman ona.

✍Odilbek Qodirov 2022

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟