2025-yil muborak bo‘lsin!

Yangi yilga tilaklar
(xazil aralash she‘r)

Kelar ekan yangi yil
O‘z tilagim tilayman
Ataganman hammaga
Birin ketin sanayman

Eng avvalo nomardlarga
G‘urur bo‘lsin or bo‘lsin
Bo‘ydoqlarga keyingi yil
Uch to‘rttadan yor bo‘lsin

Nafsi buzuq insonlarga
Iymon bo‘lsin ziyoda
Uzavtodan toychoq bo‘lsin
Yurganlarga piyoda

She‘r o‘qigan suhandonni
Shirin bo‘lsin so‘zlari
Er poylagan xotinlarni
Oqib tushsin ko‘zlari

Ichuvchiga aroq bo‘lsin
Fokuschiga karomat
Bankerlarga yaxshi sabir
MIB chilarga daromad.

Shifokorga kasal kelmay
Tugab ketsin boyligi
O'qituvchiga o‘sha tilak
Mingga chiqsin oyligi

Alloh degan muslimaga
Uchrasin yigit sofi
Yo‘l haqidek oshib ketsin
Shafyorlarning insofi

Tilayman kuch quvvatni
Ustaga quruvchiga.
Urto‘qmoqni siytaforni,
Tagida turuvchiga.

Yupka kiygan qizlarga
Tilay hech yo‘q ishtonni.
Chidamni talabaga
Domlalarga vijdonni

Musofirga tilagim
Omon kelsin yurtiga
Xalqni aldar yolg‘onchini
Boshliq tepsin ketiga

Yangi yilda har bir inson
Ko‘ngilni shod etishsin
Kimning qilgan niyyati
Yaxshi bo‘lsa, yetishsin

✍Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟