Исроил давлати аллақачон маънавий асосларини йўқотиб бўлган. Уни қўллаётган коллектив ғарбда ҳам, кўпчилик унинг жиноятларини яхши билади. Европа жамоатчилик фикри, тахминан 60-80% Фаластин тарафида. АҚШда ҳам 20 миллиондан ортиқ яҳудий яшайди. Лекин, шунча яҳудийдан бор йўғи тахминан 6-7 миллиони ўзини яҳудий деб тан олади. Қолганлари “мен яҳудий эмасман, Худо асрасин” деб, ўзлигини яширади, яҳудийликдан воз кечишга ҳаракат қилади. Протестант, англасаксон бўлишга ҳаракат қилади.

Буларнинг асосий сабаби – Исроилнинг ваҳший давлат эканлиги. Бу миллат тарихан кўп таъқиб қилинган. Ғарб ва шарқ халқлари, давлатлари яҳудийларни кўп таъқиб қилган. Энди, ўзларининг давлатчилигига эришиб, шу давлатчиликни кенгайтириш мақсадида, мисли кўрилмаган ваҳшийликлар қилмоқда. Бир вақтлар ғарбликларнинг яҳудийларга қилган ваҳшийлигини, бугун яҳудийлар арабларга, фаластинликларга қилмоқда. Ортиғи билан қилмоқда. Буни дунё кўрмоқда.

Парадокс. Яшаб қолиш учун террор сиёсатини олиб бораётган Исроил бир вақтни ўзида глобал норозилик ва нафратга сабаб бўлмоқда. Яъни яшаб қолиш учун ўз умрини қисқартиришга ариза бермоқда. Бугун глобал яҳудийлик чуқур маънавий инқирозда. Инсоният Исроилни ваҳшийлик, адолатсизлик, ёлғон ва муттаҳамлик синоними сифатида қабул қилмоқда. Ҳалиям пропаганда кучли ишлаяпти. Вақти келиб, пропаганда ҳам синади, ҳомий ҳам сўнади. Ўша куни Исроил нақадар ваҳший бўлганлигини тушуниб етади.

@Rabbimov_rasmiy