Nomalarim*

Bugun universitetda yakuniy imtihon testi boʻldi. Katta zalda hamma kompyuterda test ishlashni boshladi. Ekranning bir qismida talabaning pasportdagi rasmi koʻrinib turadi.

Test boshlanishi bilan nazoratchi aka hamma roʻmolli qizlarga qogʻoz stiker berib chiqdi. ,,Rasmingiz ustiga yopishtirib qoʻyingʼʼ deya.

,,Nima qilaylik endi, vaziyat shundaydaʼʼ deb tomoshabin boʻlishdan koʻra, imkoniyati doirasida yordam berdi. Rahmat shunday insonlarga.

@nomalarimm

Yeyishga bir burda noningiz bormi, demak och emassiz.

Koʻchaga chiqish uchun oz boʻlsa ham pulingiz bormi, demak pulsiz ham emassiz.

Oʻzingiz bemalol yurib, ogʻriqlarsiz nafas olyapsizmi, demak kasal emassiz.

Ahvolingizdan xavotir olib, mehribonlik koʻrsatadigan oilangiz bormi, demak yolgʻiz emassiz.

Erta tongda rejalashtirgan ishlaringizni oʻylaganingizdek bajara olmadingiz, lekin hali kun tugagani yoʻqmi, demak hali umidsiz emassiz.

Iymoningiz bor, hayotingiz hali tugagani yoʻq, yaxshi ishlar bilan ,,daftaringizʼʼni bezashga imkoningiz bormi, demak chorasiz emassiz.

Shukr qilishga, baxtli boʻlishga yana nimalar kerak, ayting?!

@nomalarimm

– Iyee, sendayam telegram kanal bormi? Kanali yoʻq kimdir qoldimi oʻzi🤧 Itdayam, bitdayam kanal🥱

Xa, men uchun shunaqa ,,itdayam, bitdayamʼʼ kanal boʻlgani yaxshi (foydali narsalar yoziladiganlarini nazarda tutyapman).

Sabablari koʻp. Birinchi sababi yuritayotgan odamning oʻziga boʻlgan foyda. Ikkinchisi esa boshqalarga.

Tasavvur qiling, hozir qancha-qancha ilk marta uydagilari telefon ishlatishga ruxsat bergan, telegram ilovasini oʻrnatib foydalanishni boshlayotgan yoshlar bor.

Agarda yaxshi kanallar koʻp boʻlmasa, ular keraksiz, beʼmani, qandaydur bachkana yoki reallikdan uzoqda boʻlgan videolar jamlangan sahifalarni kuzatishadi.

Men ustoz emasman, bunaqa narsalarni yozishni menga kim qoʻyibdi. Ana, kuchli insonlarni kanallari bor. Oʻshalarda hammasi toʻliq tushuntirilgan, deyishingiz mumkin. Ammo, oʻsha yaxshi insonning emas, sizning sahifangiz koʻproq maʼqul kelar balki.

Siz-u biz yaxshi narsalar yozib tursak, kanal koʻpligidan biri boʻlmasa boshqa biriga qoʻshiladi odamlar. Foydasiz emas, kerakli narsalar oʻqiydi. 100 ta yozganingizdan faqatgina 1 donasi taʼsir qilib, amal qilsa ham siz uddalabsiz.

Foydali, odamlar ma'naviy manfaat oladigan sahifalarni koʻpaytiraylik.

@nomalarimm

Qandaydir vaziyatda sizning fikringizni soʻrashsa, ,, menga farqi yoʻqʼʼ demang.

,,Xa, boʻladiʼʼ yoki ,,men rozimanʼʼ deng.

Bir necha marta sizdan ,,farqi yoʻqʼʼ ni eshitishganidan keyin sizga farqi bor boʻlgan vaziyatlarda ham soʻrashmaydi.

Alohida fikrga ega ekanligingizni bildirib turing. ,,Farqi yoʻqʼʼ demang.

@nomalarimm

– Qizim, kecha men senga qanday ish buyurgandim?
– Kirlarni osishni
– Sen nima qilding?!
– Ularni afv etdim😌

@nomalarimm

Eʼtiborni jalb qilish oson, ammo aqlni jalb qilish unday emas.

Mubashshir Ahmad

Oʻz ustingizda ishlang, rivojlaning. Aqllari sizda qolsin.

@nomalarimm

Boshlangʻich sinfligimda maktabga borishimga uydagilar har kuni yoʻlkiram (taksiga beriladigan pul) uchun pul berardilar.

Agar biror kun dadam bilan birga ketsam yoki birorta qarindoshimiz meni koʻrib qolib yoʻlkiramni toʻlab qoʻysalar mendan baxtli odam boʻlmasdi. Chunki oʻsha 500 soʻm yoki 1000 soʻm oʻzimga qolardida) Toʻgʻri tushligim uchun ham pul berishardi, lekin rejadan tashqari oʻzimga tegishli boʻlgan pul boshqacha edi)))

Akam, opam uchun bu pul arzimas edi, men uchun esa juda qiymatli.

Chunki mana shu pulga nimalar kelishini bilardim. Bufetimizda 2 ta bulochka yoki bir boʻlak pirojniy yokida 2 ta pirojka berardi bu pulga.

Vaqt masalasida ham shunday. Agar siz behuda sarflayotgan har bir daqiqangizni qanday qiymatli ishga alishtira olishingizni bilsangiz, u sizga qimmatli boʻladi.

Bitta reelsʼning oʻrniga 2 marta istigʻfor aytishim mumkin edi, telegramdagi maqsadsiz yozishmalardan koʻra 1 bet kitob oʻqisam boʻlardi, ortiqcha uxlaguncha onamga yordam bersam boʻlardi va hokazo...

Mana shularni bilmagan odam ,,arzimagan vaqtku, faqatgina 10 sekund, atigi yarim soatʼʼ deb umrini sarflab yuborishadi. Ular uchun mana shu daqiqalar xuddi meni yoʻlkiramdan qolgan 500 soʻm pulimdek arzimas.

Oʻzingizga tegishli boʻlgan vaqtingiz evaziga nimalar olishingiz mumkinligini oʻylab oling. U qimmatli boʻla boshlaydi.

@nomalarimm