Нишондаги гаплар

#сарказм

ИККИ ШОИР

Аҳли шоир эди Маймун ва Айиқ,
Бири танқид, бири мақтовга лойиқ.
Айиқда бўлса ҳам савлат ва виқор.
Маймуннинг китоби ҳар ойда чиқар,

Маймун достон битар шоҳнинг савтидан,
Айиқ ўрмон аҳли манфаатидан...
Бир куни Айиқни олиб келдилар,
Тиғ тираб бўйнига “айб”ин илдилар.

— Шоирликни ўрган Маймундан, маймоқ,
Ҳар сатри мисли бол, бамисли қаймоқ!
Шоирлар шоҳ ишин куйлаши керак,
Ундан сўнг халқ ғамин ўйлаши керак.
Мақтаъ бу – мақташдир, шарафлаш қисми,
Матлаъда жаранглаб турсин шоҳ исми!
Шоҳимиз ҳаммага меҳрибон, мушфиқ,
У ҳақда шеър ёзиб, айтайлик қўшиқ.

У мунофиқ шоир “дўст”маслагидан,
Юз бурди, қайтмади ўз маслагидан.

Пинҳона, оғзаки буйруқ берди Шер,
“Панжасини қирқинг, ёзолмасин шеър!"
(Ким ўзар жанглари тинмайди абад,
Токи бисёр экан қалбларда ҳасад.)

Изин йўқотдилар Айиқнинг, пинҳон,
Шохга шеър битади ҳар кун Маймунхон.

Ўзбектош ТЎРАХОНЛИ

Нишонига тегадиган гаплар фақат бизда: @nishondagi_gaplar_tegadi

#ибрат

Айрим келинлар хали ёшман, гўзалман, дея эрига сал уришиб қолса:
— Ойимникига кетаман, жавобимни беринг! — дейди. Жахли чиққан эр эса:
— Кетсанг кетавер, бор йўқол! — дея жавобини бериб юборади! Уйига равона бўлган келин эса,
— Эрим бир ҳафтада менга зор бўлади! — деб ўйлаб онасиникида юраверади!

Эркаклар эса бор йўғи бир кунгина ўйлаши мумкин экан, қолган кундан бошлаб имкон қидира бошлашар экан. Мабодо ажрашса кимга уйланишим мумкин дея…

Эркак табиатан уруғлантирувчи бўлгани сабаб ҳамиша туғдиришига ишончи комил бўлиб, аксар ҳолларда бола белимда, хотин йўлимда қабилида фикр қилишар экан.

Аразлаб кетган келинларда эса бир ойдан кейин,
— Ия, нега эрим ялиниб келмаяпти, ё бирортаси бормикин, бекор қилдим, гап қайтаришим нотўғри бўлди, уйдан кетмасам бўларкан?! — деган хаёл ўтиб, эрининг яхши хислатларини эслай бошлар экан, агар эри зуғум қилмаган, урмаган бўлса…

Шундоқ экан, қизлар, эркаклар сиз ўйлагандек бағрини ерга бериб эхх хотиним бекор кетиб қолди, дея азоб чекмайди, ҳамиша имкон қидиришади вазиятдан чиқиш учун, хомтаъма бўлманг, уларнинг табиати ер шўр бўладими, бетуз бўладими ерга уруғ қадовчилардир, шуни унутманг…

Бу дехқон қурмагурлар ерга уруғ қадашни Одам Атодан ўрганишган, сиз бўлмасангиз бошқа боғни обод қилиб кетишаверади! Боғбону, дехқонингизни хеч қачон ёлғиз қолдирманг! Олчоқ ва бемаъни хаёллар ила ўзингизни бахтсиз, болаларингизни етим қилманг!

Нишонига тегадиган гаплар фақат бизда: @nishondagi_gaplar_tegadi

#сарказм

Бит шеригига мақтанди:
— Мен яқинда бир амалдорнинг қоп-қора, қалин мўйловига кириб олгандим. Жуда мойли жой экан. Амалдор тўсатдан қаттиқ аксириб юборса бўладими.
— Хўш-хўш, кейин нима бўлди?
— Полга учиб тушдим. Қарасам, бир оппоқ, нозик оёқ турибди. Бу хушқомат котибанинг оёғи экан. Шаппа момиқ оёққа ёпишиб, ўрмалаб кетавердим, кетавердим. Иссиқ биқинига жойлашиб олдим.

Иккинчи битнинг сабри чидамабди:
— Хўш-хўш, кейин-чи, кейин нима бўлди?
— Айтсам, ишонмайсан, эрталаб уйғониб, кўзимни очсам, яна ўша амалдорнинг мўйловида ётибман-да...

Нишонига тегадиган гаплар фақат бизда: @nishondagi_gaplar_tegadi