Navoiy davlat konchilik va texnologiyalar universiteti

#Xalqaro_hamkorlik

"КАМАЗ" AJ (Rossiya) Navoiy davlat konchilik va texnologiyalar universiteti talabalarini mazkur korxonada amaliyot va stajirovka o'tashga taklif etmoqda.

Sharoitlar:
🏠 Bepul turar joy, ichki transport;
🍽🍛 Ish vaqtida bepul ovqatlanish;
🚌 Shahar bo‘ylab bepul ekskursiyalar;
💰 Oylik maosh: bir oyga 8,5 mln – 11,5 mln so‘m;
📆 Stajirovka muddati: 3 oy (iyun, iyul, avgust)

‼️👉 Rus tilini bilish talab etiladi.

📝 NDKTU Xalqaro hamkorlik bo‘limiga murojaat qilish
☎️ Tel.: +998913353399

#Faoliyat

MUHANDISLIK SOHALARIDAGI OLIMA AYOLLAR SAFI KENGAYMOQDA

Navoiy davlat konchilik va texnologiyalar universitetida kunduzgi va sirtqi ta’lim shakllarida 11 ming nafarga yaqin talaba tahsil olayotgan bo‘lib, ularning 30 foizini xotin-qizlar tashkil etadi.

Oliy ta’lim muassasasida faoliyat yuritayotgan fan doktorlari 38 nafar, fan nomzodlari va falsafa doktorlari 167 nafardan iborat. Ularning 35 nafari olima ayollardir. Shundan 3 nafari fan doktori, professor ilmiy unvoniga, qolganlari fan nomzodi va falsafa doktori ilmiy darajalariga ega.

Ayni vaqtda universitet tayanch doktoranturasida tahsil olayotgan jami 72 nafar doktorantlarning 27 nafari hamda 102 nafar magistrlarning 52 nafarini xotin-qizlar tashkil etadi.

Muhandislik, iqtisodiyot va qishloq xo‘jaligi sohalarida malakali kadrlar tayyorlab kelayotgan universitet faoliyati misolida jamiyatda olima ayollar o‘rni tobora kengayib borayotganligini qayd etish mumkin.

© NDKTU Axborot xizmati

Bizni kuzatib boring:

NDKTU RASMIY KANALI

#Xalqaro_hamkorlik

UNIVERSITETGA XORIJIY DELEGATSIYA VAKILLARI TASHRIF BUYURDI

Navoiy davlat konchilik va texnologiyalar universitetiga strategiya nazariyasi va metodologiyasi bo‘yicha dunyoda taniqli olim Vladimir Lvovich Kvint rahbarligida M. Lomonosov nomidagi Moskva davlat universitetining Strategik tadqiqotlar markazi vakillaridan iborat delegatsiya tashrif buyurdi.

Mehmonlar dastlab NDKTUning bugungi faoliyati, bu yerda yaratilgan imkoniyatlar bilan tanishtirildi. Shundan so‘ng, “Mintaqaviy va korporativ strategiyalar” kafedrasi faoliyati ko‘zdan kechirildi.

V.L.Kvintning taqdimot-ma’ruzasi barchada katta taassurot qoldirdi. Unda “NKMK” AJ Boshqaruvi raisi – Bosh direktori Q.Sanaqulov ham talabalarga strategik bilimlarning inson hayotidagi ahamiyatinini hayotiy misollar asosida batafsil tushuntirdi.

Uchrashuvlarda tegishli soha bo‘yicha o‘zbek tiliga tarjima qilinayotgan asarlar, kelgusidagi vazifalar ham muhokama qilindi.

© NDKTU Axborot xizmati

Bizni kuzatib boring:

NDKTU RASMIY KANALI

#Eʼlon

“ZIYO ULASH” — KITOB ULASHISH AKSIYASIDA FAOL ISHTIROK ETING!

Oʻzbekiston Respublikasi Adliya vazirligi tomonidan “Ziyo ulash” ijtimoiy aksiyasi oʻtkazilmoqda. Respublikamizdagi davlat xizmatlari markazlarida kitob almashish uchun maxsus “Ziyo ulash” burchaklari tashkil etilgan. Loyihada ishtirok etmoqchi bo‘lsangiz:

1. Kitoblar hadya qilish. Ya'ni o'zingiz o'qigan, lekin hali boshqalarga foydasi tegishi mumkin bo'lgan kitoblarni davlat xizmatlari markazlaridagi “Ziyo ulash” burchaklariga olib keling.
2. Atrofingizdagilarni — do'stlaringiz, hamkasblaringiz va boshqa davlat tashkilotlari xodimlarini ushbu tashabbusda ishtirok etishga da'vat eting.
3. Ushbu xayrli tashabbus haqida yaqinlaringizga aytib bering, ijtimoiy tarmoqlarda ular haqida yozing.

Ushbu kitoblar boshqalar tomonidan erkin o'qilishidan tashqari, jamlanib, kam ta'minlangan, ijtimoiy himoyaga muhtoj oilalarga tarqatiladi.

© NDKTU Yoshlar bilan ishlash, ma’naviyat va ma’rifat bo‘limi

Bizni kuzatib boring:

NDKTU RASMIY KANALI

#Xalqaro_hamkorlik

AKADEMIK MOBILLIK ASOSIDA QIRG‘IZISTONDA TAHSIL OLGAN TALABALARIMIZGA SERTIFIKATLAR TAQDIM ETILDI

Navoiy davlat konchilik va texnologiyalar universiteti 15 nafar iqtidorli va faol talabasi 24-fevraldan 1-mart sanasiga qadar Qirg‘izistonning O‘sh texnologiya universitetida akademik mobillik asosida tahsil oldi.

Elektr-energetika, Mashinasozlik texnologiyasi, Konchilik ishi va Iqtisodiyot yo‘nalishlari bakalavr va magistratura dasturlarida tahsil olayotgan talabalar o‘z sohalarida xorijiy tajriba va amaliyot bilan tanishish imkoniga ega bo‘ldi.

Dastur yakunida har bir talaba sertifikatga ega bo‘ldi. Ayni shu kunlarda NDKTU “Iqtisodiyot va menejment” kafedrasi mudiri Mels Rashidov O‘sh texnologiya universiteti talabalariga makroiqtisodiyot sohasida ma’ruza darslari ham o‘tab qaytdi.

Ikkala oliy ta’lim muassasasi o‘rtasidagi amaliy hamkorlik jarayonlari jadal davom ettirilmoqda.

© NDKTU Axborot xizmati

Bizni kuzatib boring:

NDKTU RASMIY KANALI