Navoiy viloyati prokurori A. Mirzayev tomonidan Navoiy shahrida joylashgan Olimpiya va Paralimpiya sport turlariga tayyorlash markazida kurash sport turlari bo‘yicha mas’ullar va sportchilar bilan uchrashuv o‘tkazildi.

Unda viloyat sport boshqarmasi, viloyat yunon-rum va erkin (ayollar) kurash sport turlari federatsiyalari ijrochi direktorlari, viloyatning barcha hududlaridagi sport maktab direktorlari, trenerlar, hakamlar hamda yosh sportchilar ishtirok etdilar.

Uchrashuvda sportchilarning taklif, fikr va mulohazalari tinglanib, ular uchun zarur sharoitlar yaratish, qo‘llab-quvvatlash, trenerlar va hakamlarning malakasini oshirib borish, zarur tibbiy yordam ko‘rsatish yuzasidan tegishli ko‘rsatmalar berildi.

Bundan tashqari, federatsiyalarning 2024-yildagi natijalar sarhisobi va kelgusidagi vazifalar muhokama qilinib, zarur chora-tadbirlar belgilab olindi.

💼 Navoiy viloyati Sport boshqarmasi axborot  xizmati

🌐Web-Sayt | 📱Telegram | 📱Facebook | 📱Instagram | 📱Youtube