Hammamizga ma’lumki 2025 yil barcha bo‘g‘indagi kasaba uyushmalari tashkilotlarida muhim jarayonlar yili hisoblanadi. O’zbekiston kasaba uyushmalari Federatsiyasining Navoiy viloyat Kengashi joriy yil 14-28  yanvar kunlarida  11 ta tuman va shaharlarda tizimdagi kasaba uyushmalari хodimlar, ish beruvchilar, davlat hokimyati va boshqaruvi organlari rahbarlarining mehnat qonunchiligi bo‘yicha huquqiy savodxonligini oshirish, boshlang‘ich kasaba uyushmasi tashkilotlariga jamoa shartnomalarining bajarilishi hamda hisobot saylovlarini o‘tkazilishi bo‘yicha joylarda o‘quv - seminarlarini o‘tkazib kelmoqda.
Bugun  Navoiy viloyatining chekka va olis Tomdi va Uchquduq tumanlarida viloyat Kengashining mas’ul xodimlari O.Bobomurodov, X.Xalilov, A.Raxmatov hamda tuman Adliya bo‘limi rahbarlari ishtirokida tashkilotlarda jamoa shartnomalarining  bajarilishi, boshlang‘ich tashkilotlar raislari va faollariga jamoa shartnomalarida xodimlar uchun belgilangan imtiyozlardan foydalanish, yangi qabul qilinayotgan jamoa shartnomalarini yangi maketga moslashtirish,  qolaversa teng ahamiyatli mehnatga teng haq to‘lanishini ta’minlash uchun asosan ayollar va erkaklar band bo‘lgan kasb va lavozimlar ro‘yxatini kiritish hamda  hisobot- saylov konferensiyalarini yoqori saviyada o‘tkazish, xodimlarning  mehnat qonunchiligi  bo'yicha  huquqiy  savodxonligini  oshirish to‘g‘risida  yig‘ilganlarga tushuntirildi. Seminar davomida xodimlar tomonidan o‘zlari qiziqtirgan savollarga mas’ullar tomonidan javoblar berildi. O‘quv-seminarlar tuman, shaharlarda davom etmoqda.