AFSUSKI YILLARIM

ОТАМ АЙТГАН ЙЎЛДАМАН

Юриб ўнгу сўлдаман,
Гоҳ ёмғир гоҳ дўлдаман.
Кам бўлмадим ҳаётда,
Отам айтган йўлдаман.

Давлат топдим тахт топдим,
Шиддат топдим шахд топдим.
Қадамимда бахт топдим,
Отам айтган йўлдаман.

Тупқоғу зари дурли,
Ҳар бир кўчаси нурли.
Юриб ўтмоқ ҳузирли,
Отам айтган йўлдаман.

Йўлим тўсмас ҳатто ҳас,
Кўрганлар қилар ҳавас.
Адашмай деб ҳар нафас,
Отам айтган йўлдаман.

Бас келиб ёв сўзига,
Боқиб арслон кўзига.
Ўхшай дея ўзига,
Отам айтган йўлдаман.

Ишлари ҳам соз бўлган,
Зўрлар ишқибоз бўлган.
Қишлари ҳам ёз бўлган,
Отам айтган йўлдаман.

Бу беш кунлик дунёда,
Доим бўлдим зиёда.
Султоним, мен шаҳзода,
Отам айтган йўлдаман.

Бирга қўймас ёлғизлаб,
Арслон ўғлим деб сизлаб...
Юрибман жаннат излаб,
Отам айтган йўлдаман.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

BOY BOʻLAVERING

Osmondagi oy boʻlavering,
Qoʻlim yetmas joy boʻlavering,
Biz gʻaribmiz sizku malikam,
Boyga tegib boy boʻlavering.

Chiroylisiz, goʻzal, eng goʻzal,
Biz boʻlmadik sizga teng goʻzal.
Yomon soʻzni bizga deng goʻzal,
Boyga tegib boy boʻlavering.

Sevganimiz boʻldimi ayb?
Koʻnglimizni qildingiz mayb...
Ketavering, keting jilmayib,
Boyga tegib boy boʻlavering.

Yuragimga urgancha yor tiq,
Oʻzin qildi oʻzgaga tortiq...
Keragidan sevibman ortiq,
Boyga tegib boy boʻlavering.

Tilim tiysam bu dilim dogʻliq,
Muhabbatning dardi nechogʻliq...
Sevgi boʻlsa choʻntakka bogʻliq,
Boyga tegib boy boʻlavering.

Qorsiz qolsa qulamas qoya,
Yorsizga ham yoʻqdir nihoya.
Siz men uchun mangu hikoya,
Boyga tegib boy boʻlavering.

Ushlasamda bilagingizdan,
Joy topmadim tilagingizdan.
Surgun qilib yuragingizdan,
Boyga tegib boy boʻlavering.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Севма мени шунчаки...

Сенга атаб умримни,
Бердим борим кўнглимни.
Тингла айтар сўзимни,
Севма мени шунчаки.

Меҳр бергин кўп ортиқ,
Сен ўзингни қил тортиқ.
Бари ўзингга боғлиқ,
Севма мени шунчаки.

Ширин бўлсин рашқинг хам,
Войдод дейин дастингдан.
Жой ажратиб қасрингдан,
Севма мени шунчаки.

Борим шуда қабул қил,
Кўнглим сенга шуни бил.
Баҳтли бўлиб баҳтдан кул,
Севма мени шунчаки.

Севгин куюб ўт бўлиб,
Қаттиқ ишққа лим тўлиб.
Ишқингни бер минг ўлиб,
Севма мени шунчаки...

Нурулло Нурлий

Кетмайди...

Бир парча киймсиз туғилдим,
Бошланди сўнгра кўп камларим.
Тўғилдим демак мен тутилдим,
Мен билан кетмайди ғамларим.

Бошимни урдим хўп тошларга,
Мол дунё йиғдимда жамладим.
Не кунлар тушмади бошларга,
Мен билан кетмайди камларим.

Юришни бошламай югурдим,
Ёнсин деб ёрқинроқ шамларим.
Билмадим нега ҳам улгурдим,
Мен билан кетмайди дамларим.

Ўттизни кўрмайин сочда оқ,
Сўнишни бошлади шамларим.
Гуноҳлар кўп бўлди йўлим доғ,
Мен билан кетмайди ғамларим.

Шериксиз туғилдим улғайдим,
Кўзимдан қуриди намларим.
Мен шуни кимлигин билсайдим,
Мен билан кетмайди ғамларим...

Бир ўзим келдимми кетаман 😢
Нурулло Нурлий

БОЙ БЎЛДИМА МАНА БУГУН

Камбағал деб боқмаганлар қани бугун,
Менсидилар менсимаслар мани бугун.
Кечагина қўл учида кўрсатганлар,
Кўриб қўйинг бой бўлдима мана бугун.

Акам десам кўксимданей итардингиз,
Саломимга алик олмай ўтардингиз.
Энди мақтаб бошингизга кўтардингиз,
Кўриб қўйинг бой бўлдима мана бугун.

Сўраб борса совчиларим қайтарганлар,
Қаранг энди севаман деб айтарканлар.
Кўзин тикиб йўлларимни кутарканлар,
Кўриб қўйинг бой бўлдима мана бугун.

Давр оти бир унда, бир бунда дунё,
Айланади, ўзгаради кунда дунё...
Суяр экан пулинг бўлса шунда дунё,
Кўриб қўйинг бой бўлдима мана бугун.

Оддий эди юришлару устларимей,
Кўп эдида чўнтакда кам кўстларимей.
Чойхонага айтмай қўйган дўстларимей,
Кўриб қўйинг бой бўлдима мана бугун.

Йўқчиликда кўпчилик юз буриб кетди,
Синовлар ҳам бир шапалоқ уриб кетди.
Омад келиб энди ишлар юриб кетди,
Кўриб қўйинг бой бўлдима мана бугун.

Онам бир кун зўр бўлади болам дерди,
Фарзандингиз ҳалол ишлаб ризқин терди.
Ота онам дуо қилди, Худо берди,
Кўриб қўйинг бой бўлдима мана бугун.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Жонинг соғми айтгин дўстим..

Доим қувнаб ўйнаб бирга,
Ёшлик пайти бирга ўстим.
Қара қанча йиллар ўтди,
Жонинг соғми айтгин дўстим.

Тақдир йўллар айро қилди,
Кўпайди-да каму кўстим.
Соғинч бугун бағрим тилди,
Жонинг соғми айтгин дўстим.

Кўзлар шундай сўқир экан,
Ёронларга қўлим чўздим.
Хар холатда дўстим деган,
Жонинг соғми айтгин дўстим.

Билдим бугун керагимсан,
Муштоқ бўлиб йўлинг тўсдим.
Жигардайн жигаримсан,
Жонинг соғми айтгин дўстим.

Пулда эмас қадр қиммат,
Борсан ўзинг, борман дўстим.
Ўтар вақт ҳам, ўтар кулфат,
Жонинг соғми айтгин дўстим.
Нурулло Нурлий

SINFDOSHLARIM

Eslaganda koʻzda yoshlarim,
Oʻn bir yillik partadoshlarim.
Yaxshimisiz sogʻ omonmisiz,
Ey oʻzimni sinfdoshlarim.

Har qayoqda boʻldik hayotda,
Ex u damlar hamisha yodda.
Sodda edik juda ham sodda,
Ey oʻzimni sinfdoshlarim.

Qogʻozlarga yozilgan xatlar,
Telbalarcha ilk muhabbatlar....
Oʻsha paytlar oʻsha suhbatlar,
Qaytsa edi sinfdoshlarim.

Oʻsha goʻzal maktab yoshida,
Oʻsma boʻlar edi qoshida...
Kutar edim kecha boshida,
Bilar edi sinfdoshlarim.

Darsdan qochib daydishar edik,
Goh urishib aytishar edik.
Uyga birga qaytishar edik,
Oʻz oʻzimni sinfdoshlarim.

Bilmasdi tashvishu gʻamlar,
Oʻylantirmas edi bu kamlar.
Qaytmas boʻlib ketdi u damlar,
Ey oʻzimni sinfdoshlarim.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

MEN SENI SEVIB QOLDIM

Bedor sogʻinib toldim,
Har nafas yodga oldim...
Yuragimni fatx etding,
Men seni sevib qoldim.

Tutqich bermas jayrasan,
Borsam yoʻlim qayrasan.
Kuydirib yor yayra san,
Men seni sevib qoldim.

Kutib koʻngilda dodu,
Aldamchi koʻzlar shodu...
Qilgansan qandoq jodu,
Men seni sevib qoldim..

Ishq degan shaharchadan,
Kel baxt degan darchadan...
Boshqachasan barchadan,
Men seni sevib qoldim.

Nozlaring bir yuk jonim,
Ayblaring suyuk jonim...
Vafosi buyuk jonim,
Men seni sevib qoldim.

Goʻzalsan oy, falakdan,
Yigʻilsa har malakdan...
Ishon yurak yurakdan,
Men seni sevib qoldim.

Baxtim qoʻyib garovga,
Chiqqandekman bir ovga...
Berolmayman birovga,
Men seni sevib qoldim.

Qosh kamon, kiprik oʻqdir,
Koʻzlar olovdir choʻqdir...
Tarifinga soʻz yoʻqdir,
Men seni sevib qoldim.

Soʻzga quloq solmayman,
Ketma koʻnib qolmayman....
Sensiz yashay olmayman,
Men seni sevib qoldim.

Qildingku bedor endi,
Senda oʻzim bor endi.
Menikisan yor endi,
Men seni sevib qoldim.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Дўстларим..

Қоқилганда хамрохим бўлган,
Бирга ўйнаб бирлашиб юрган.
Хар кунимда елкадош турган,
Омон бўлинг менинг дўстларим.

Сизлар бордир ёруғдир дунё,
Мехрингиздан таралар зиё.
Улар жонин соғ сақла Худо,
Омон бўлинг менинг Дўстларим.

Сиз қувонсагиз юзимда кулгу,
Қалқиб турар юракдан туйгу.
Яқин келмас ғам ташвиш  қайғу,
Омон бўлинг менинг Дўстларим.

Кунда йўқлаб холим сўрайсиз,
Олислардан омад тилайсиз.
Адашганда сира кулмайсиз,
Омон бўлинг менинг дўстларим.

Соғинганман битгайман ашёр,
Дўстларим бор дунёларим бор.
Барчангизга бўлсин омад ёр,
Омон бўлинг менинг дўстларим.. .
Нурулло Нурлий

ONANG BOʻLARKAN

Bazan baxting soʻlarkan,
Koʻzinga yosh toʻlarkan.
Shunda yoningda qolgan,
Faqat onang boʻlarkan.

Oʻz dardini yutgan ham,
Qoʻllaringni tutgan ham.
Yoʻllaringni kutgan ham,
Faqat onang boʻlarkan.

Chindan yaxshi koʻrguvchi,
Kunda holing soʻrguvchi.
Senga jonin berguvchi,
Faqat onang boʻlarkan.

Unutar doʻstu yoring,
Tegmay qolganda koring.
Doim yodida boring,
Faqat onang boʻlarkan.

Sen kuyganda u yongan,
Sen deb oʻzidan tongan.
Gʻalabangdan quvongan,
Faqat onang boʻlarkan.

Bir duo, bir diydori,
Jonu taning madori.
Hamma dardinga dori,
Faqat onang boʻlarkan.

Ziyon boʻlsa ishingda,
Bezovta jon qushingda...
Oʻlsa ham ex tushingda,
Faqat onang boʻlarkan.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

КEРИЛМА ДЎСТ

Отинг чопиб ўзгариб,
Мол дунёга берилма.
Тўрт сўм топиб ўзгариб,
Керилма дўст, керилма.

Зўриман дединг бугун,
Қулоғим единг бугун.
Кеча ким эдинг, бугун
Керилма дўст, керилма.

Дунё, беш кунлик дунё,
Гоҳ кун, гоҳ тунлик дунё...
Эмас устунлик дунё,
Керилма дўст, керилма.

Кулиб отиб ҳандасан,
Гўё ўлмас тандасан.
Сен ҳам мендек бандасан,
Керилма дўст, керилма.

Пул қўлнинг кири дерлар,
Тўярсан қучса ерлар.
Мақтанчоқ бўлмас шерлар,
Керилма дўст, керилма.

Кимга баланд жой бўлу,
Биров етмас той бўлу...
Ҳаммаданам бой бўлу,
Керилма дўст, керилма.

Бошга келса кулфатлар,
Кетар сохта улфатлар.
Улар фойдангни хатлар,
Керилма дўст, керилма.

Мансаб, пул вақтинча йўл,
Ўтаверар қўлма қўл...
Аввалгидек одам бўл,
Керилма дўст, керилма.

Ёшликдан ҳар онида,
Оқибат қон қонида...
Эски дўстлар ёнида,
Керилма дўст, керилма.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

YOR YORINGIZ AYTIB BERAY TOʻYINGIZDA

Oʻn sakkiz yosh eng gullagan boʻyingizda,
Kelin boʻlib kuydirdingiz koʻyingizda...
Armonginam rozimisiz oʻzim borib,
Yor yoringiz aytib beray toʻyingizda...

Bir jilmayib menga yoqib qoldingizda,
Endi esa yurakka oʻt soldingizda...
Koʻzingizga boqib turib, oldingizda,
Yor yoringiz aytib beray toʻyingizda...

Oppoq libos egningizda yaltirasin
Meni koʻrib yuragingiz qaltirasin...
Koʻzlaringiz yoshin toʻkib moʻltirasin,
Yor yoringiz aytib beray toʻyingizda...

Boshingizdan sochsin tillo zarralarin,
Unutmayman otangizning zardalarin...
Hilpiratib goʻshanganing pardalarin,
Yor yoringiz aytib beray toʻyingizda...

Yolgʻonchi qiz, boylikka oʻch xonim oʻlan,
Aytilganda chiqib ketsin jonim oʻlan...
Dunyodagi eng ogʻringli oxang bilan,
Yor yoringiz aytib beray toʻyingizda...

Eslaysizmi sogʻinganda yigʻlab jonim,
Oʻzga tursa sochlaringiz silab jonim...
Tez qaytaman baxtingizni tilab jonim,
Yor yoringiz aytib beray toʻyingizda...

Oy boʻldingiz mening qoʻlim yetmasin deb,
Ketdingizey qolsam baxtsiz etmasin deb...
Sevganlarim yodingizdan ketmasin deb,
Yor yoringiz aytib beray toʻyingizda...

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

OʻGʻLINGIZ ZOʻR BOʻLADI ONA

Choʻntak pulga toʻladi ona,
Tashvish gʻamlar soʻladi ona.
Xudo berib, omadim kulib,
Oʻgʻlingiz zoʻr boʻladi ona.

Hozircha toy minganimcha yoʻq,
Yoʻqchilikdan singanimcha yoʻq.
Kecha kunduz tinganimcha yoʻq,
Oʻgʻlingiz zoʻr boʻladi ona.

Koʻzlaringiz boʻlmas sira nam,
Umringizda uchramaydi kam.
Ishonchingiz oqlash uchun ham,
Oʻgʻlingiz zoʻr boʻladi ona.

Siz haqqimga duo qiling bas,
Toʻxtamayman yoʻldan bir nafas.
Sizga hamma qiladi havas,
Oʻgʻlingiz zoʻr boʻladi ona.

Saroy qurar kundek kechasi,
Siz boʻlasiz qirolichasi...
Maqtashadi hali nechasi,
Oʻgʻlingiz zoʻr boʻladi ona.

Oz qoldi marraga yetamiz,
Allohga shukrlar etamiz...
Ikkimiz xojiga ketamiz,
Oʻgʻlingiz zoʻr boʻladi ona.

Orzu qilgan maqsadim katta,
Siz duoda, men harakatda.
Xudo berib bir kun albatta,
Oʻgʻlingiz zoʻr boʻladi ona.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟

Соғинч..

Йўлларим ёпилди тўсиқлар бўлди,
Кўринмас туманлар қўпайди яна.
Кўнглим хам хўрсиниб ғуборга тўлди,
Соғиндим тугалмас мехрингиз Она.

Зулматдан чиқолмай нурга интилиб,
Тополмай ахтариб келяпман мана.
Кўзларим соғинчим қўйди билдириб,
Тугалмас мехрингиз согиндим Она.

Сочларим оқини санайман ногоҳ,
Ошкора дардини кўрсатар тана.
Изладим ва лекин топмадим паноҳ,
Тенги йўқ мехрингиз согиндим Она.

Бағримда ўт бўлиб ёнар соғинчим,
Ҳаётдан ўқсиниб қилдимда гина.
Учрамас яқин дўст битта овунчим,
Топилмас мехрингиз согиндим Она.

Тенги йўқ дунёда инсон ўзингиз,
Мехрингиз борини бергансиз Она.
Яшайди талпиниб Нурлий ўғлингиз,
Соғиндим мехрингиз согиндим Она.
Нурулло Нурлий