NamTSI NEWS | RASMIY KANAL

🌍 Namangan To‘qimachilik Sanoati Institutining xalqaro ilm-fan maydonidagi ishtiroki!

Namangan To‘qimachilik Sanoati Institutining “To‘qimachilik sanoati mahsulotlari texnologiyasi” kafedrasi professor-o‘qituvchisi, texnika fanlari nomzodi, dotsent Xabibullo Parpiyev Xitoyning nufuzli, ARWU reytingida 500-o‘rinlaridan joy olgan ZHEJIANG SCI-TECH Universitetida o‘tkazilgan 2024 International Conference on the Cooperation and Integration of Industry, Education, Research and Application xalqaro konferensiyasida muvaffaqiyatli ishtirok etdi.

🔬 Ilmiy tadqiqotlar va fikr almashish:
Dotsent Xabibullo Parpiyev o‘zining ilmiy tadqiqotlari natijalarini taqdim etib, zamonaviy materiallar va aqlli ishlab chiqarish texnologiyalari bo‘yicha dunyoning yetakchi olimlari bilan fikr almashdi. Ushbu tadbir ilmiy tadqiqotlar, ta’lim va sanoat sohalarini integratsiya qilishga qaratilgan bo‘lib, global miqyosda innovatsion yondashuvlarni ishlab chiqishga xizmat qiladi.
Tadbir davomida olimimizning ilmiy ishlanmalari muhokama qilinib, yangi texnologiyalarni amaliyotga joriy qilish imkoniyatlari ko‘rib chiqildi. Bunday hamkorlik institutimizni xalqaro miqyosda tanilishiga, ilm-fan sohasidagi yetakchi mavqeini mustahkamlashga xizmat qiladi.

Mazkur ishtirok Namangan To‘qimachilik Sanoati Institutining innovatsion tadqiqotlarga qaratilgan strategiyasini namoyon etadi. Shuningdek, ushbu muvaffaqiyat mamlakatimiz ilmiy salohiyatini rivojlantirish va xalqaro hamkorlikni kengaytirish yo‘lida muhim qadamlardan biri hisoblanadi.

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube

NamTSIda “Munozara” intellektual turniri bo'lib o'tdi

🏛Oliygohimizda talabalarimizning bilim va mantiqiy fikrlash qobiliyatlarini rivojlantirishga qaratilgan “Munozara” intellektual o'yini muvaffaqiyatli tashkil etildi.
📚 Ushbu intellektual tadbirda ishtirokchilar o‘zaro fikr almashib, tanqidiy tahlil va muloqot ko‘nikmalarini yuqori darajada namoyish etdilar.

🔍 Munozara mavzusi dolzarb masalalarni qamrab olib, talabalarimizga turli nuqtai nazarlardan yondashish va mavzularni chuqur tahlil qilish imkonini berdi.
💡Jamoalar a’lo darajada tayyorgarlik ko‘rsatib, qizg‘in bahs va mantiqiy xulosalar orqali tadbirga o‘zgacha ruh bag‘ishladilar.

🏆 Natijalar:
🥇 1-o‘rin: "Venera" jamoasi
🥈 2-o‘rin: "Diamond" jamoasi
🥉 3-o‘rin: "Olmos" jamoasi

G‘olib jamoalar va faol ishtirokchilar esdalik sovg‘alari bilan taqdirlandi.

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube

📚 "O‘zbekiston madaniy merosi jahon to‘plamlarida"

Institutimizda "O‘zbekiston madaniy merosi jahon to‘plamlarida" loyihasi doirasida chop etilgan bir qator yangi kitob-albomlarning taqdimoti o‘tkazildi. Tadbirda ushbu asarlar talabalarga tanishtirilib, ularning mazmun-mohiyati haqida batafsil tushuntirish berildi. Ushbu asarlar:

"Abu Ali ibn Sino asarlari qo‘lyozmalari Turkiya kutubxonalarida"
"O‘zbekiston Rossiya arxivlari to‘plamlarida saqlanayotgan XIX asr va XX asr boshlariga oid tarixiy fotosuratlarda"
"O‘zbekiston amaliy sanʼat va hunarmandchilik tarixi davlat muzeyi to‘plami"
"Kushon podsholigi: sulolalar, davlat, xalq, til, yozuv, dinlar"
"Xitoy donishmandlari"

Mazkur asarlar O‘zbekistonning madaniy va tarixiy me'rosini, amaliy sanʼati va hunarmandchiligini chuqur o‘rganish, shuningdek, qadimiy qo‘lyozmalar, fotosuratlar va falsafiy asarlarning ilmiy-nazariy tahlilini osonlashtirishga xizmat qiladi.

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube

🌟"Yoshlar Oqshomi" – Talabalar uchun mazmunli kecha!

Namangan To‘qimachilik Sanoati Institutida talaba-yoshlarning bo‘sh vaqtlarini mazmunli o‘tkazish va ularni ijtimoiy faollikka chorlash maqsadida ijara xonadonlarida istiqomat qiluvchi talabalar ishtirokida "Yoshlar Oqshomi" tadbiri tashkil etildi. Tadbir institut tyutorlari Sotvoldiyev Kozimjon va Vojhidova Mohigul tashabbusi bilan uyushtirildi.

🎉 Tadbir tafsilotlari:
Kechaning boshida talabalar tomonidan tayyorlangan osh barchaga baham ko‘rildi. Tadbir davomida jonli musiqa va kuy-qo‘shiqlar yangrab, talabalar o‘z raqs mahoratini namoyish etishdi. Yoshlik shukuhini his etgan talabalarning quvonchi va ijobiy kayfiyati tadbirni yanada ko‘tarinki ruhda o‘tkazdi.

Institutning Yoshlar masalalari va ma’naviy-ma’rifiy ishlar bo‘yicha prorektori Jamshidbek Yuldashev o‘z nutqida yoshlarni faollikka chorlab, talabalik davrlarini mazmunli va sermahsul o‘tkazishning ahamiyati haqida so‘z yuritdi.

Shuningdek, institutning Yoshlar ittifoqi boshlang‘ich tashkiloti yetakchisi Adhamjon Qurbonov talabalar bilan samimiy muloqot qilar ekan, ularga kelgusidagi intilishlari va o‘qishlarida omad va zafarlar tiladi.

Ushbu kecha talabalar o‘rtasida do‘stona muhit yaratish, bir-birlarini qo‘llab-quvvatlash va ijodiy salohiyatlarini namoyish etish uchun yana bir imkon bo‘ldi. Institutda bunday tadbirlar muntazam o‘tkazilib, yoshlarning ijodiy va ijtimoiy rivojlanishiga ko‘mak berishda davom etadi.

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube

📚"Mening sevimli adibim" insholar tanlovi natijalari

Namangan To‘qimachilik Sanoati Institutida "Ma’rifat ulashib" dasturi doirasida talaba-yoshlarning kitobxonlik madaniyatini rivojlantirish va adabiyotga bo‘lgan qiziqishini oshirish maqsadida "Mening sevimli adibim" mavzusida insholar tanlovi tashkil etildi. Ushbu tanlov tyutor M.Vahidova tashabbusi bilan dizayn ta’lim yo‘nalishi talaba-qizlari o‘rtasida o‘tkazildi.

Tanlov davomida talabalar o‘zlarining sevimli adiblari ijodiga bag‘ishlangan fikr va mulohazalarini yoritib, ijodiy salohiyatlarini namoyon etishdi.

✨Natijalar:
🥇1-o‘rin: Adhamova Ruxshona Avazbek qizi
🥈2-o‘rin: Abdumannonova Diyora Do‘stmajon qizi
🥉3-o‘rin: Abdurahmonova Oydinaxon Abdulhamid qizi

🎉G‘oliblarni tabriklaymiz!
Tanlovda g‘olib chiqqan talabalarning ijodiy ishlari institut ma’naviy-ma’rifiy tadbirlarida namoyish etilishi rejalashtirilgan. Ushbu tanlov yoshlarning adabiyotga bo‘lgan mehrini oshirishda muhim qadam bo‘ldi.

📖Kitob o‘qing, ma’rifat ulashing!

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube

❗️Diqqat muhim eslatma!!!

Namangan to'qimachilik sanoati institutida ochiqlik, shaffoflik va halollikni ta’minlash hamda mazkur jarayonlarda jamoatchilik nazoratini kuchaytirish maqsadida, vijdonli hamda korrupsiyaning har qanday ko‘rinishiga yo‘q deya oladigan talaba-yoshlarni hamkorlikka chorlaymiz!

Agarda siz yakuniy va oraliq nazorat imtihonlari hamda professor-o‘qituvchilar tomonidan berilgan topshiriqlarni topshirish jarayonlarida korrupsion holatlarga duch kelsangiz, @NamTSI_karrupsiya_bot telegram bot yoki +998954004304 +998936772677 ishonch telefon raqamlariga xabar qoldirishingiz mumkin.

Xabar bergan talabaning shaxsi qat’iy sir tutiladi. (2017-yil 3-yanvar kungi “Korrupsiyaga qarshi kurashish to‘g‘risida”gi O‘zbekiston Respublikasining O‘RQ-419 sonli Qonunining 28-moddasi.)

Eslatib o‘tamiz, Siz o‘z murojaatlaringizni 1-bino 311-xonada faoliyat yurituvchi xodimga ma’lum qilishingiz mumkin.

Namangan to'qimachilik sanoati instituti Matbuot Xizmati

🕊Telegram | 📱Facebook | 📱Instagram | 📺Youtube