NamMTI Zakovat klubi

NamMTIda "Eko-turizm Zakovat" intellektual musobaqasi o'tkazildi

Namangan muhandislik-texnologiya institutida 2025-yil “Atrof-muhitni asrash va „yashil“ iqtisodiyot yili” davlat dasturi ijrosini ta’minlash hamda Oliy ta'lim, fan va innovatsiyalar vazirligining
2025-yil 29-yanvardagi topshiriq xatiga asosan "Eko-turizm Zakovat" intellektual musobaqasi tashkil etildi.

Bu kabi intellektual musobaqalarni tashkil etishdan ko'zlangan asosiy maqsad talabalarning ekologik madaniyatini yanada oshirish, atrof-muhit va tabiatga ehtiyotkorona munosabatda bo'lish, tabiiy resurslardan unumli foydalanish kabi ko'nikmalarni mustahkamlashdan iborat.

Musobaqaning yakuniy natijalariga ko'ra Iqtisodiyot fakultetining "Evrika" jamoasi I-o'rin, "Marketolog" jamoasi II-o'rin, "Kelajak menejerlari" jamoasi III-o'rin natijani qayd etishdi.

Musobaqa so'ngida g'olib jamoalar diplom va esdalik sovg'alari bilan institut ma'muriyati tomonidan rag'batlantirildi.

©️Namangan muhandislik-texnologiya instituti Axborot xizmati

NamMTIda "Zakovat Quiz" intellektual musobaqasi o‘tkazildi

2025-yil 29-yanvar kuni Namangan muhandislik-texnologiya institutining 1-Talabalar turar joyida Yoshlar bilan ishlash, maʼnaviyat va maʼrifat bo‘limi va O‘zbekiston yoshlar ittifoqi boshlang‘ich tashkiloti, "Zakovat" klubi koordinatorlari tomonidan "Zakovat Quiz" intellektual musobaqasining navbatdagi soni tashkil etildi.

Yuqori pozitiv atmosfera, yangi bilim va tajribalarni taqdim etayotgan intellektual musobaqa orqali yangidan-yangi iqtidor hamda yuqori salohiyatga ega bo‘lgan talabalarni kashf etishga erishilmoqda.

Ushbu loyihalarni tashkil etishdan asosiy maqsad esa talabalarning bo‘sh vaqtlarini mazmunli tashkil etish, o‘zaro do‘stlik eng muhimi bir jamoa bo‘lib ishlash ko‘nikmasini yanada mustahkamlashdan iborat!

©️Namangan muhandislik-texnologiya instituti Axborot xizmati
Telegram |Facebook | Instagram | X | YouTube

“NamMTI Quiz” intellektual o‘yini o‘tkazildi

Bugun Namangan muhandislik-texnologiya instituti 1-sonli talabalar turar joyida Yoshlar ittifoqi koordinatorlari tashabbusi bilan talabalar uchun “NamMTI Quiz” intellektual o‘yini tashkil etildi. Tadbir talabalarning bilimini sinash, ularda jamoaviy ishlash ko‘nikmalarini rivojlantirish va ilmiy faollikni oshirish maqsadida o‘tkazildi.

Intellektual o‘yinda talabalar turli yo‘nalishlar bo‘yicha savol-javoblarda ishtirok etishdi. Savollar talabalarning nafaqat nazariy bilimlarini, balki mantiqiy fikrlash qobiliyatlarini ham sinovdan o‘tkazdi. Jamoalar o‘rtasidagi raqobat qizg‘in tus oldi, bu esa tadbirga yanada ko‘proq qiziqish uyg‘otdi.

Mazkur intellektual o‘yin talabalar o‘rtasida ilmiy va ijodiy faollikni oshirishga katta turtki berdi. Ishtirokchilar ushbu tadbirdan katta taassurotlar olishdi va bunday o‘yinlar kelgusida ham muntazam tashkil etilishi kerakligini ta’kidlashdi.

“NamMTI Quiz” o‘yinlari talabalarning bilimini yanada boyitish, ijodiy fikrlash qobiliyatlarini rivojlantirish va jamoaviy hamkorlik muhitini shakllantirishga xizmat qilmoqda.

🇺🇿 NamMTI Yoshlar ittifoqi axborot xizmati
@nammti_yoshlari