“HUDUDIY ELEKTR TARMOQLARI” AJ NAMANGAN HUDUDIY FILIALI | RASMIY KANAL

Yangi Namangan tumanining ayrim hududlarida elektr ta’minotida vaqtinchalik uzilishlar bo‘ladi.

Joriy yilning  25-noyabr dushanba kuni soat 09:00 dan 18:00 gacha “Namangan hududiy filiali” AJning  elektr qurilmalari va tarmoqlarini favqulodda uchganligi sababli avariya xolatlarini oldini olish maqsadida:

Yangi Namangan tumanidagi 110/10 kVli "Chamanzor" nimstansiyasidan chiquvchi 10 kVli "Chamanzor" havo tarmog‘ida mukammal ta‘mirlash ishlari olib boriladi. Buning natijasida,  Yangi Namangan tumanining    "Mehnatobod", "Atanganguzar","Yangi Zamin","Ishonch"  mahalla fuqarolar yig'inlari hududlarida ayrim joylarida iste’molchilarga elektr energiyasini yetkazib berilishida vaqtinchalik uzilishlar sodir bo‘ladi.

Yuqoridagilardan kelib chiqib, iste’molchilardan keltiriladigan noqulayliklar uchun uzr so‘raymiz!

Yangi Namangan TET (69)-228 79 04,  koll markazi 11 54

✅Prezidentimizning xalqchil tashabbus va g‘oyalari;

✅Hukumat oldiga qo‘ygan ustuvor vazifalar;

✅ “O‘zbekiston–2030” Strategiyasi asosida ishlab chiqilgan, Oliy majlisda taqdim etilgan Vazirlar Mahkamasining 5 yillik Harakat dasturi 10 ta ustuvor yo‘nalishni qamrab olgan.

Shuningdek, ushbu yo‘nalishlar doirasida iqtisodiy-ijtimoiy tarmoqlar kesimida 400 ta chora-tadbir aniq belgilab olingan.

Telegram | Facebook | Instagram | YouTube | X | Veb-sayt

Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi aʼzolarini tayinlash toʻgʻrisida”gi Farmoni

O‘zbekiston Respublikasi Oliy Majlisi Qonunchilik palatasining 2024-yil 21-noyabrdagi tegishli qarorlari bilan O‘zbekiston Respublikasi Vazirlar Mahkamasining a’zoligiga nomzodlar ma’qullandi.

1. O‘zbekiston Respublikasi Konstitutsiyasining 109-moddasiga muvofiq:

Achilbay Jumaniyazovich Ramatov – O‘zbekiston Respublikasi Bosh vazirining o‘rinbosari;

Djamshid Anvarovich Kuchkarov – O‘zbekiston Respublikasi Bosh vazirining o‘rinbosari – O‘zbekiston Respublikasi iqtisodiyot va moliya vaziri;

Jamshid Abduxakimovich Xodjayev – O‘zbekiston Respublikasi Bosh vazirining o‘rinbosari;

Zulayxo Baxriddinovna Maxkamova – O‘zbekiston Respublikasi Bosh vazirining o‘rinbosari - Oila va xotin-qizlar qo‘mitasi raisi;

Laziz Shavkatovich Kudratov – O‘zbekiston Respublikasi investitsiyalar, sanoat va savdo vaziri;

Botir Erkinovich Zaxidov – O‘zbekiston Respublikasi kambag‘allikni qisqartirish va bandlik vaziri;

Ibroxim Yulchiyevich Abdurahmonov – O‘zbekiston Respublikasi qishloq xo‘jaligi vaziri;

Shavkat Raximovich Xamrayev – O‘zbekiston Respublikasi suv xo‘jaligi vaziri;

Sherzod Saidjanovich Xidoyatov – O‘zbekiston Respublikasi qurilish va uy-joy kommunal xo‘jaligi vaziri;

Ilxam Rustamovich Maxkamov – O‘zbekiston Respublikasi transport vaziri;

Jo‘rabek Tursunpulatovich Mirzamahmudov – O‘zbekiston Respublikasi energetika vaziri;

Bobir Farxadovich Islamov – O‘zbekiston Respublikasi tog‘-kon sanoati va geologiya vaziri;

Sherzod Xotamovich Shermatov – O‘zbekiston Respublikasi raqamli texnologiyalar vaziri;

Aziz Abdukaxarovich Abduxakimov – O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vaziri;

Asilbek Anvarovich Xudayarov – O‘zbekiston Respublikasi sog‘liqni saqlash vaziri;

Xilola Uktamovna Umarova – O‘zbekiston Respublikasi maktabgacha va maktab ta’limi vaziri;

Kongratbay Avezimbetovich Sharipov – O‘zbekiston Respublikasi oliy ta’lim, fan va innovatsiyalar vaziri;

Adxam Ilxamovich Ikramov – O‘zbekiston Respublikasi sport vaziri;

Ozodbek Axmadovich Nazarbekov – O‘zbekiston Respublikasi madaniyat vaziri;

Akbar Djurabayevich Tashkulov – O‘zbekiston Respublikasi adliya vaziri;

Baxtiyor Odilovich Saidov – O‘zbekiston Respublikasi tashqi ishlar vaziri;

Abdulla Xamidullayevich Kuldashev – O‘zbekiston Respublikasi favqulodda vaziyatlar vaziri;

Po‘lat Razzaqovich Bobojonov – O‘zbekiston Respublikasi ichki ishlar vaziri;

Baxodir Nizamovich Kurbanov – O‘zbekiston Respublikasi mudofaa vaziri O‘zbekiston Respublikasi Vazirlar Mahkamasi a’zolari etib tayinlansin.

O‘zbekiston Respublikasi Konstitutsiyasining 114-moddasiga muvofiq, Qoraqalpog‘iston Respublikasi hukumatining boshlig‘i O‘zbekiston Respublikasi Vazirlar Mahkamasi tarkibiga o‘z lavozimi bo‘yicha kiradi.

2. Mazkur Farmonning ijrosini nazorat qilish O‘zbekiston Respublikasi Bosh vaziri A.N. Aripov zimmasiga yuklansin.

O‘zbekiston Respublikasi Prezidenti
Sh. Mirziyoyev

Telegram | Facebook | Instagram | YouTube | X | Veb-sayt

Газ сарфи ва харажатларини онлайн режимда кузатиш имконини берувчи мобиль илова тест синовида ишга туширилди

Жорий йил ёз фаслида “Ҳудудий электр тармоқлари” АЖ томонидан янги “HET Billing Mobile” мобиль иловаси ишга туширилганида, истеъмолчилардан “Табиий газ истеъмоли учун ҳам худди шундай мобиль илова ишлаб чиқилса, дуруст бўларди”, деган кўплаб таклифлар билдирилганди.

Шу каби таклифлар инобатга олиниб, Энергетика вазирлиги ҳамда “Ҳудудгазтаъминот” АЖ томонидан аҳоли истеъмолчиларининг табиий газ сарфи ва харажатларини онлайн кузатиш имконини берувчи “Hudud Gaz Ta‘minot” мобиль иловаси тест синовида ишга туширилди.

Айни пайтда истеъмолчилар мазкур иловани Android ҳамда iOS операцион тизими қурилмалари орқали бепул юклаб олишлари мумкин. Мобиль илова дастури автоматлаштирилган ҳолда янгилаб борилади.

Мазкур илова орқали истеъмолчилар бевосита кунлик ва ойлик кесимида табиий газ истеъмолини кузатиб бориш, хусусан, газ ҳисоб рақамларига тўлов қилиш ҳамда суюлтирилган газ истеъмолчилари ўз ҳисобларини тўлдириш ва бириктирилган баллонлар рўйхатини кўриб бориш имкониятига эга бўладилар.

Иловани юклаб олгандан кейин унга тегишли шахсий ҳисоб рақами ҳамда One ID хизмати орқали уланиш мумкин.

Telegram | Facebook | Instagram | YouTube | X | Veb-sayt

#Energetika_xavfsizligi_oyi

Kundalik hayotimizda elektr jihozlaridan xavfsiz foydalanish bo‘yicha mazkur ko‘rsatmalarga rioya qilsak, kelib chiqishi mumkin bo‘lgan noxush vaziyatlarni oldini olgan bo‘lardik.

Facebook | Telegram | YouTube | Instagram | X | het.uz

Prezidentimiz iqtisodiyot va aholi daromadlarini o‘stirishda yuqori qo‘shilgan qiymat yaratadigan sanoat tarmoqlariga alohida ahamiyat qaratish kerakligini qayd etdi.

Vazirlar Mahkamasining investitsiya kompleksi kelgusi yilda iqtisodiyotimiz uchun muhim bo‘lgan 300 dan ziyod yirik loyihani ishga tushirishi va to‘liq quvvatlar bilan ishlashini ta’minlashi zarur.

Jumladan, “Yoshlik-I” konida birinchi bosqichga, “Muruntov” konida esa keyingi bosqichlarga start beriladi. Shuningdek, Samarqandda yiliga 910 ming tonna mineral o‘g‘itlar ishlab chiqaradigan kompleks, 600 ming tonna mahsulot beradigan metallurgiya korxonasi, Zarafshonda kaustik soda zavodi, Nukusda isitish tizimlari ishlab chiqarish quvvatlari foydalanishga topshiriladi.

Navoiyda mikro-GESlarni barpo etish bo‘yicha barcha bosqichlar o‘z resurslarimiz asosida tashkil qilingani yurtimizda sanoat kooperatsiyasi va mahalliylashtirish imkoniyatlarini to‘liq ishga solish uchun barcha sharoitlar mavjudligini ko‘rsatdi.

Shuning uchun, sanoat kooperatsiyasi va mahalliylashtirish bo‘yicha katta dastur qabul qilinishi belgilandi.

Iqtisodiyotni energiya resurslari bilan ishonchli ta’minlash va energiya samaradorligini 2 karra oshirishga alohida e’tibor qaratish kerakligi ko‘rsatib o‘tildi.

Telegram | Facebook | Instagram | YouTube | X | Veb-sayt

Chortoq tumanining ayrim hududlarida elektr ta’minotida vaqtinchalik uzilishlar bo‘ladi

Joriy yilning 22-noyabr, juma kuni “Hududiy elektr tarmoqlari" AJ Namangan hududiy filalining elektr qurilmalari va tarmoqlarini joriy ta’mirlash yillik rejasiga asosan va ularda sodir bo‘lishi mumkin bo‘lgan avariya holatlarining oldini olish maqsadida, 35/10 kVli "Ipakchi" nimstansiyasida joriy ta'mirlash ishlari olib boriladi.

Buning natijasida shu kuni soat 09:00 dan kech soat 18:00 ga qadar "Bog' ", "Yangobod", "Bag'rikenglik", "Komillik", "Navro'z", "Tinchlik" mahalla fuqarolar yig'inining bir qismida hamda "Oyqiron" kichik sanoat zonasi hududida iste'molchilarga elektr energiyasini yetkazib berilishida vaqtinchalik uzilishlar bo'ladi.
“Ishonch telefoni” +998694121105 Call-markaz 99894900-11-54

"Hududiy elektr tarmoqlari" AJ Namangan filiali Chortoq tuman ET

“Avto24” – yoqilg‘i quyish, gaz to‘ldirish va elektr quvvatlash shoxobchalari haqida ma’lumot beruvchi ilova test sinovida ishga tushirildi

Sir emas, har yili kuz-qish mavsumida avtomobil haydovchilar boshqalarga nisbatan ko‘proq aziyat chekishadi. Ularning asosiy muammosi kunning sovuq paytlarida qayerda yoqilg‘i quyish yoki avtomobilini siqilgan hamda suyultirilgan gaz bilan to‘ldirish mumkinligini aniqlashtirishning imkonsizligida edi.

Va nihoyat endilikda bunday muammolarga barham beriladigan bo‘ldi.

Energetika vazirligi hamda “Hududgazta’minot” AJ tomonidan har bir hududdagi eng yaqin yoqilg‘i quyish, avtomobilni siqilgan yoki suyultirilgan gaz bilan to‘ldirish va elektromobillar uchun quvvatlantirish shoxobchalarini topish, narxlarni taqqoslash, borar manzili hamda vaqtini aniq rejalashtirish imkonini beruvchi “Avto24” mobil ilovasi test sinovida ishga tushirildi.

Ayni paytda iste’molchilar mazkur ilovani Android va iOS operatsion tizimi qurilmalari orqali bepul yuklab olishlari mumkin.

“Avto24” ilovasi avtomobil egalariga hududlardagi barcha yoqilg‘i hamda quvvatlash shoxobchalarini bitta xaritada tezda topish, real vaqt rejimida hozirgi vaqtda mavjud yoqilg‘ining narxi, zaxirasi va qulayliklari haqida aniq ma’lumotga ega bo‘lish, elektromobil egalari uchun maxsus quvvatlash punktlarining lokatsiyalarini aniqlash singari imkoniyatlarni taqdim etadi.

Shuningdek, iste’molchilar ilova orqali o‘zlariga ma’qul manzilning reytingini ko‘tarish, yoqilg‘i sifati hamda narxi haqida sharh qoldirishlari ham mumkin bo‘ladi.

Mobil ilova dasturi avtomatlashtirilgan holda yangilab boriladi.

Telegram | Facebook | Instagram | YouTube | X | Veb-sayt