Namangan davlat universiteti 🇺🇿

Alisher Navoiy tavalludining 584 yilligiga bag‘ishlangan “Nazm va navo” tadbir bo‘lib o‘tdi.

Namangan davlat universitetining sirtqi bo‘limida buyuk mutafakkir, so‘z mulkining sultoni Alisher Navoiy tavalludining 584 yilligiga bag‘ishlangan “Nazm va navo” nomli adabiy-ma’rifiy tadbir bo‘lib o‘tdi. Ushbu tadbir sirtqi bo‘limning 4-kurs musiqa ta’limi yo‘nalishi talabalari tashabbusi bilan tashkil etildi.

Tadbir davomida buyuk shoir va mutafakkir Alisher Navoiyning hayoti, ijodi, uning adabiy merosi, xususan, “Xamsa” turkumi va devonlari haqida batafsil fikrlar bildirildi. Navoiyning mumtoz adabiyotimizdagi beqiyos o‘rni, uning so‘z san’ati va g‘azalnavislikdagi bebaho hissasi talabalarning chiqishlari orqali yana bir bor yodga olindi.

Tadbir davomida Navoiyning hayotiga oid sahna ko‘rinishlari namoyish etilib, shoirning g‘azallariga bastalangan kuy va qo‘shiqlar iste’dodli talabalar tomonidan ijro etildi. Bu esa tadbirga o‘ziga xos ruh bag‘ishlab, ishtirokchilarga unutilmas taassurot qoldirdi.

Mazkur adabiy-ma’rifiy kechada musiqa ta’limi, filologiya va tillarni o‘qitish hamda tasviriy san’at va grafika yo‘nalishlarida tahsil olayotgan talabalar faol ishtirok etdilar. Tadbir nafaqat Alisher Navoiy merosini keng targ‘ib qilish, balki yoshlarning ijodiy salohiyatini namoyon etishga ham xizmat qildi.

Ushbu tadbir buyuk shoirning adabiy merosini chuqur anglash va keng targ‘ib etishga qaratilgan bo‘lib, ishtirokchilarga unutilmas zavq ulashdi.

🌍 Namangan davlat universiteti axborot xizmati

Bizni rasmiy sahifalarimizda kuzatib boring:

🌐Veb-sayt|📱Facebook|📱Instagram|📱YouTube

👍👍👍👍👍👍👍👍👍👍👍

🇫🇮 Ayni kunlarda Jahon tillar fakulteti fakultetlararo chet tillar kafedrasi mudiri Nodira Rashidova Finlandiyaning Helsinkiy shahrida xalqaro malaka oshirish kursida ishtirok etmoqda.

O‘zbekistoning bir nechta universiteti rahbar xodimlari "Ta’limda menejment" nomli xalqaro malaka oshirish dasturida o‘qish uchun Finlandiyaga yo‘l olishdi.

Hozirda ular Finlandiyaning Helsinki shahrida joylashgan, Top-300 talikdan o‘rin olgan University of Jyväskylä (Jyvaskyla universiteti)da mashg‘ulotlarni boshlashdi.

Bundan tashqari Shvetsiya, Laplandiya va Turkiyaning Top-500 talikka kirgan universitetlarida ham trening mashg‘ulotlari bo‘lib o‘tishi dasturga kiritilgan.

🌍 Namangan davlat universiteti axborot xizmati

Bizni rasmiy sahifalarimizda kuzatib boring:

🌐Veb-sayt|📱Facebook|📱Instagram|📱YouTube

👏👏👏👏👏

2025-yilning 4-6 fevral kunlari Toshkent viloyati mezbonlik qilgan sportning Badminton turi bo‘yicha “Universiada-2025” musobaqalarining Respublika final bosqichi bo‘lib o‘tdi.

Mazkur musobaqaning aralash juftlik bahslarida Namangan davlat universiteti jamoasi vakillari faxrli 1-o‘rinni qo‘lga kiritdilar.

💐 Musobaqada ishtirok etgan barcha talabalarga omad va zafarlar tilaymiz!

🌍 Namangan davlat universiteti axborot xizmati

Bizni rasmiy sahifalarimizda kuzatib boring:

🌐Veb-sayt|📱Facebook|📱Instagram|📱YouTube

👍👍👍👍👍👍👍👍👍👍👍

👍 Avval xabar berganimizdek, Namangan davlat universiteti Fizika kafedrasi mudiri B.Abdulazizov Belarus Milliy Texnika universiteti bilan xalqaro kelishuvlarga erishgan edi.

🤝 Hamkorlik doirasiga quyidagilar kiradi:

- Talabalar almashinuvi;
- Hamkorlikda tadqiqot olib borish;
- Hamkorlikda ta’lim va o‘quv dasturlari;
- Hamkorlikda ilmiy nashrlar, akademik jurnallar, o‘quv materiallari va ilmiy tadqiqotlarni rivojlantirishga hamda akademik farovonlikka xizmat qiladigan umumiy ma’lumotlar bilan almashish bo‘yicha kelishuvlar kiradi.

Ushbu hamkorlik universitetimizning ilmiy salohiyatini yanada yuksaltirish, innovasion tadqiqotlarni rivojlantirish va xalqaro tajriba almashish imkoniyatlarini kengaytirishga xizmat qilishi, shubhasiz.

🌍 Namangan davlat universiteti axborot xizmati

Bizni rasmiy sahifalarimizda kuzatib boring:

🌐Veb-sayt|📱Facebook|📱Instagram|📱YouTube

👏👏👏👏👏

Namangan viloyatida "Universiada-2025" Kurash musobaqasining hududiy bosqichi o‘tkazildi.

Namangan viloyatidagi barcha oliy ta’lim muassasalari talaba-yoshlari o‘rtasida "Universiada-2024" sport musobaqalarining Kurash turi bo‘yicha hududiy bosqichi bo‘lib o‘tdi.

Ushbu nufuzli bellashuvda viloyatimizning 8 ta oliy ta’lim muassasasidan jami 150 nafar talaba ishtirok etdi.

Musobaqada Namangan davlat universiteti talabalari ham ishtirok etib, 7 ta vazn toifasida 1-o‘rinni egalladi hamda respublika bosqichiga yo‘l oldi.

💐 Musobaqada ishtirok etgan barcha talabalarga keyingi bosqichlarda ham omad va zafarlar tilaymiz!

🌍 Namangan davlat universiteti axborot xizmati

Bizni rasmiy sahifalarimizda kuzatib boring:

🌐Veb-sayt|📱Facebook|📱Instagram|📱YouTube