Vaqtincha

Yozish - sizni oʻzgartiradi

Ilmni olish (oʻqish, koʻrish, tinglash qaysi yoʻl bilan boʻlsa ham), qayta-qayta takrorlash, anglaganlarini yozib borish, uni kimgadir oʻrgatish, gapirib berish, hayot tarziga oʻsha ilmdan hosil boʻlgan amalni kiritish.. bular ilmni mustahkamlanib, toʻlaqonli egallanib borish darajalari desak boʻladi, sababi bir narsani oʻrganish, oʻqish, eshitish bilangina inson oʻsha ilmga mutlaq ega boʻladi degani emas, chunki ilm qachonki amalda aks etishgacha kelsa, ana unda ilmdan koʻzlangan maqsad hosil boʻladi

Soʻngi vaqtlarda juda koʻp podcast va suhbatlar tinglayapman, va har biridan kamida bitta postlik xulosa va fikrlar yigʻiladi, ammo ularni asosan jismoniy boshqa biron harakat (biron joyga ketayotganda, sport mashgʻulotlari, uy ishlari kabi) bilan bandligimda eshitayotganim uchun yozishga imkonim boʻlmayapti, yoki keyin yozishga oʻzim ham qunt qilmayapman

Lekin yozish oʻsha tinglaganlarimdan olgan juda kam boʻlsa ham xulosalarimni, men anglagan qandaydir ilmlarni mustahkamlashning kerakli choralaridan biri ekanini ham bilaman, va agar yozish niyatim jiddiy boʻlsa, oʻsha podcastni imkonim boʻlishi bilan oʻtirib, xotirjam holatda yana bir marta tinglab chiqaman va albatta yozaman, avval daftarimga kengroq xulosalarni, soʻngra kamroq hajmli qilib telegramda post koʻrinishida yozib, ulashaman

Davomi bor.. (juda uzun boʻlib ketsa, toʻliq oʻqilish ehtimoli ham kamayadi deb, qolganini boshqa postga yozishga qaror qildim ^_^)

Yodimga tushib ketdi..

Kichikligimdan to shu kungacha ota-onam tomonlaridan ilm olishga kuchli targʻib, qoʻllab-quvvatlov boʻlgan, alhamdulillah, oʻsha vaqti buni qanchalik qadrli ekanini sezmaganman lekin, ota-onam oʻzlarida bor imkoniyatlar bilan, bizni har tomonlama hech kamsiz katta qilishgan, tarbiya, ilm berishgan ekan, alhamdulillah, mana ulgʻaydik, hayot bizga ham turli kunlarni, turli yoʻllarni koʻrsatyapti, oilada olgan tarbiyamiz, ota-onamizdan koʻrgan oʻrnagimiz shu kungacha uyaltirmadi, adashgan boʻlsak biz adashdik, ammo oʻsha uyda olingan asos, uyda qurilgan fundament doim toʻgʻriligiga qayta-qayta amin boʻldik, hamd)

Dadamlarni shu soʻzlari hech esimdan chiqmaydi, qiyin kunlarimizda, moddiy yetishmovchilik vaziyatlarida ham qachon kitob/daftarga, ilm oʻrganishga pul soʻrasam, yoki iymanib soʻrolmay yursam, - "qizim, san mandan kitobga deb pul soʻrasang qayerdan boʻsayam topib beraman, san bunisini oʻylamay qachon kerak boʻlsa soʻragin, san yaxshi oʻqisang boʻldi.." derdilar

Ehhh, bu qanchalik ajoyib xotiralar, qancha yozsam shuncha kam, ota-onamga qancha rahmat aytsam shuncha kam aslida 🥲

Robbim ulardan rozi boʻlsin, bergan tarbiyalarini, bizga koʻrsatgan ishonchlarini goʻzal tarzda oqlashga muvaffaq qilsin)

Post muallifi kim ekanini bilmayman, ammo postni oʻqib turib, xuddi oʻz dadamlarni koʻrgandek, ularni firklarini oʻqigandek boʻldim..

Shunday ota bilan neʼmatlantirganiga cheksiz hamdlar boʻlsin, eng yaxshi tarbiya qanday boʻlsa menga shunday tarbiya bergan, eng goʻzal oʻrnak qanday boʻlsa menga doim eng goʻzal oʻrnak boʻlgan, eng zoʻr qoʻllab-quvvatlash, himoya qilish qanday boʻlsa doim meni qoʻllab, yonimda, ortimda togʻday turib bergan, eng yaxshi otalik qanday boʻlsa xuddi shunday otalik qilganim.. shunday insonning farzandi boʻlganim menga ham ulkan masʼuliyat, ham faxr boʻlgan alhamdulillah)

Univеrsitеtda o'qiyotkan qizlarga yaxshi yеrdan sovchi kеlib, "o'qishini davom ettiraveradi, o'zimiz o'qitamiz", dеgan va'daga ishonib bеrib, kеlinni olvolgandan kеyin o'qitmay qo'yishgani sabab janjallar yoki xafagarchiliklarni ko'ramiz.

Birinchidan, agar qizingizning o'qishi siz uchun juda qimmatli bo'lsa, uni birovning insofiga topshirmasligiz kеrak edi. Topshirdingizmi, dеmak siz uchun o'qish u qadar qiymatli emas ekan, "yaxshi joydan" kеlib qolgani uchun imkonni boy bеrgingiz kеlmagan bo'lsa. O'zingiz qo'riqlay olmagan narsani boshqa birov qo'riqlab bеrmagani uchun xafa bo'lib yurmang.

Ikkita stulga birdan o'tirib bo'lmaydi. Xullas, tanlov qilish kеrak. Tanlov oqibatlariga ham rozi bo'lish kеrak.

Mеn studеnt qizimning 6 yillik o'qishi tugamagungacha hech qanday sovchilar va takliflarni ko'rib ham o'tirmaymiz, dеb qat'iy tayinlaganman. Ayolimga kim bo'lishidan qat'i nazar, mеnga xabar qilmasdan rad javobini bеrish vakolatini topshirganman.

Yozda qizim O'shga ta'tilga qaytgan paytda bir xususiy klinikada praktikada yuradi. Qizimga ham tayinlaganman: "katta xotinlar bo'yi yеtgan qizlardan kimning qizisiz, uyingiz qayerda, ota-onangizning telefonini bering", dеb so'rashadi, istihola qilib o'tirmay, konkrеtno javob bеr, o'sha yеrda bu tеmani yopib kеl dеb tushuntirganman.

Bizning jamiyatda qizlarning o'qib, sal yoshi kattalashsa, "QARI QIZ BO'LIB QOLASAN" dеb qarindosh va yaqin ayollardan bo'ladigan ruhiy bosimlar kuchli. Bo'lib ham, biz qishloqda yashaymiz, bizda odamlar ancha konsеrvativ. Shu paytda ota qiziga dalda bo'lishi kеrak dеb bilaman. Hech qanday qari qiz dеgan tushunchadan vahima qilmaslikni, hammaning tеngi chiqishini, o'qiganlar bilan o'qimaganlar tеng bo'lmasligini tushuntirib poddеrjka qilib turish kеrak.

Qizlarimning o'qishi mеn uchun eng prioritеt narsaki, mеn buni birovning insofiga topshirolmayman.

○ Feysbukdan
#OTA

Kitob nomi shunday edi

Bu kitobni texnologiyalar qurshovi kundan kunga kengayib borayotgan bu zamonda farzand tarbiya qilayotgan, qiladigan har bir inson oʻqishi juda muhim, zarur deb oʻylayman

Faqatgina bu kitob emas, farzand tarbiyasiga oid juda cheksiz kitoblar, maʼlumotlar bor, ularni hammasini oʻqib imkonimiz boʻlmasa-da, hech boʻlmasa shu yoʻlda oʻzimiz uchun kerakli va yetarli darajada kichik boʻlsa ham qadam tashlashimiz shart!)

Farzandlar bizga beriladigan omonat, ularni imkonimiz boricha sof fitratida saqlab, goʻzal tarbiyalashimiz kerak)

Raqamlashgan dunyoda farzand qanday tarbiyalanadi

Qarorlaring insonlarga maʼqul kelishi, yoki sen ularga maʼqul kelishing shart emas..

Odamlarga yoqaman deb hech harakat qilma, ming urinsang ham doim hammani birday rozi qilolmaysan, baribir ular sendan rozi boʻlishmaydi

Yaxshisi, oʻzing xohlagandek, shaxsiy chegaralaringni himoya qilib, oʻz qadriyatlaringa tayanib, oʻzingga maʼqulini tanlab yasha, tamom.)

@muvaqqot - barchasi vaqtincha aslida!

Baʼzida shunchaki toʻxtash kerak!

Oxirgi 1-1,5 oy ichida hayotimda juda koʻp oʻzgarishlar boʻldi, men hayolimga ham keltirmagan oʻzgarishlar:

- Men band boʻlayotgan barcha proyektlar, ishlarim toʻxtadi, yaʼni men ulardan ishdan chiqdim
- ayrim sabablar bilan hamma darslarim, kurslarim ham toʻxtadi
- bir muddat umuman telefon, va ijtimoiy tarmoqlardan foydalanmadim
- shunchaki hech qanday zarur, band qiluvchi ishlar, vazifalar qolmadi menda.. yaʼni qatʼiy belgilangan kun tartibi, tigʻiz boʻladigan kunlik rejalar hammasi yoʻq edi

Avvaliga oʻzimni butunlay huvillab qolgandek, gʻirt bekorchidek his qildim, chunki men shunday tigʻiz, ketma-ket ishlar, darslar rejalangan juda band kunga oʻrganib boʻlgandim, menda shunchalik koʻp vaqt bor ediki, kunimda xuddi 1 kun emas, 2 kunlab yashayotgandek tuyulardi..

Boshida shunchaki hammasiga rozi boʻlib, jimgina dam oldim, va bu vaqtni oʻylash, tafakkur qilish bilan oʻtkazdim, va qanchalik ijtimoiy tarmoqlar, elektron olamga bogʻlanib qolganimni, oʻzim bilmagan holda, ishlarim bilan bandman deya oʻzimni aldab, hali u tarmoqdan bu tarmoqqa oʻtib, aslida juda koʻp vaqtimni telefonda behuda sarflashimni angladim..

Bu juda ogʻir va achchiq haqiqat boʻldi men uchun, sababi oʻzimni telefonga aslo qaram boʻlmagan, irodali, faqat muhim ishlar bilan band boʻluvchi inson deb oʻylardim.. aslida unaqa emas boʻlib chiqdi, bu shu qadar alamli tuyildi-ki.. qachon bu qadar oʻzgarishga, ijtimoiy tarmoqlarga bogʻlanishga ulgurdim va shu kabi yana bir qancha savollar..

Keyin esa oʻylash va afsuslanishdan toʻxtab, oʻzimni va amallarimni toʻgʻrilashga kirishdim, telefon yoʻq, internet yoʻq, nima qilamiz albatta kitob oʻqiymiz.. eng zoʻr terapiya - soatlab qimirlamay kitob oʻqishni anchadan beri qilolmayotgandim va bu ayni imkoniyat edi, mazza qilib kitoblar oʻqidim)

Keyin esa yana bir qancha foydali ishlar: sport bilan jiddiyroq shugʻullanish, yangi sport turini oʻrganish, ovqatlanish tarzini toʻgʻrilash, yana sogʻlom ovqatlanishni odat qila boshladim, oʻrganayotgan tillarimdan uzilib qolmaslik uchun self-study bilan kuniga bir necha soatdan dars qildim, juda aʼlo darajada emas, lekin toʻxtab ham qolmadi.. va yana shu kabi yana bir qancha foydali odatlar qoʻshildi kun tartibimga...

Erkinlik (boʻsh qolish), hamma narsa oʻz ixtiyoringda qolishi - yanayam koʻproq masʼuliyatli boʻlishga, senga kerak boʻlgan vazifalarni oʻz vaqtida bajarishga, oʻzing uchun harakat qilishga turtki boʻladi, senga kerakmi qilasan, kelib hech kim qilib bermaydi)

Va yana koʻproq oʻylash imkoni borligi uchun ham qilayotgan xatolaring, kamchiliklarni tan olish va toʻgʻrilashga, sen qilishing mumkin boʻlgan, potensialing yetadigan bir emas, yana bir qancha ijobiy tomonlaringni kashf qilishga, ularni sinab koʻrishga, nima boʻlsa ham avvalgidan yaxshiroq boʻlishga turtki va imkon boʻladi

Yaʼni nima demoqchiman, baʼzida dam olish, shunchaki biroz toʻxtash, tin olish zarar qilmaydi, aksincha juda foydali boʻlishi, prioritetlarni toʻgʻrilab olishga, yangi rejalar, yangi maqsadlar uchun boshqacha energiya va ishtiyoq bilan davom etishga, yoʻlning avvalini tahlil qilib, keyingi qismini aniqroq chamalab olishga yordam berishi mumkin

Yaxshi dam, mehnatga hamdam deyishadiku)

@muvaqqot - barchasi vaqtincha aslida!

Mukammallik kutmang..

Ilm, amal va axloq - mana shu uch xislat insonni inson qiladigan eng muhim xislatlar desak mubolagʻa boʻlmaydi menimcha, chunki bular insoning dunyo va oxiratdagi maqomini belgilaydigan, va ularga koʻra bu maqomni koʻtaradigan yoki tushuradigan asosiy xislatlar

Va ularning har biri alohida oʻrin va ahamiyatga ega, ammo ular doim ham bir insonda birdek jamlanib kelolmaydi, biriga ega boʻlish boshqalarining ham borligini bildirmaydi, yoki birining yoʻqligi boshqalari ham yoʻqligiga dalil boʻlolmaydi, juda ilmli boʻlish, amallarga xaris va axloqli boʻlishning, yoki juda axloqli boʻlish ilmli va amalli boʻlishning ham belgisi emas
Ilmsiz axloqlilar yoki ilmli axloqsizlar juda serob bir atrofga nazar solsak, bu ham asli Allohning tavfiqi va fazlidan)

Dunyoda hech bir inson har tomondan mukammal boʻlolmaydi, komillik faqat Allohga xos, qaysidir tomonida qandaydir kamchilik boʻladi har insonning, aytaylik bir inson juda ilmli ammo u hamma bilganiga ham amal qilmaydi, qilolmaydi chunki u inson, unutuvchi, yoki bir inson juda axloqli ammo ilmdan juda koʻp nasibador boʻlmagan, ammo oz boʻlsa-da bilganiga amal qiladigan boʻlishi mumkin

Yaʼni siz hech qachon bir insonning ilmiga, axloqi yoki amaligagina qarab unga butunlay xolis baho berolmaysiz, atrofdagilarga oʻrnak boʻladigan darajada juda ilmli boʻlsa-da ammo amali ilmiga munosib boʻlmasa, ilmiga havas qiling, oʻrnak oling kifoya, ammo amali uchun uni malomat qilish oʻrinli emas, boshqalarida ham ayni shunday)

Nima demoqchiman, juda ilmli, juda amalli, va juda axloqli boʻlsa ham, hech bir inson siz unga havas qiladigan, uni oʻzingizga kumir qilib oladigan darajada har tomonlama mukammal emas, dunyoda faqat birgina komil inson Rasululloh 🕋 - bundan 1400 yil avval yashab oʻtganlar, bas, oʻrnak olsangiz ulardan oʻrnak oling, ularga taqlid qiling, ularga oʻxshashga intiling tamom!)

Dunyoda esa hech bir insonga u darajada qattiq ixlos qilib, bogʻlanib qolmang, bir kun boshqa tomondagi kamchiliklari koʻrinib qolganda umidlaringiz uzilib qolishi mumkin)

Mukammallik kutmang.. mukammal boʻlishga ham intilmang.. albatta ilmingiz, axloqingiz va amallaringiz ustida birday ishlang, harakat qiling hammasida ilgarilasangiz bu faqat foydangizga hujjat boʻladi, ammo biling, siz mukammal boʻlish uchun yaratilmagansiz, bu yer dunyo)

@muvaqqot - barchasi vaqtincha aslida!

Masʼuliyat

Hayotga, aynan oʻz hayotingizga pushti koʻzoynaklaringizni yechib, asl haqiqat bilan boqishni vaqti kelmadimikan?!

Qachongacha bu dunyodan, odamlardan nimadir kutib yashaysiz, ular sizga nimadir qilib berishlari kerak, nimadirni boshlashingiz uchun nimadirni kutishingiz kerak.. qachongacha axir.. charchamadingizmi bunday bahonalar qilishdan, oʻz masʼuliyatingizni birovga agʻdarishdan?!

Hayotda yashar ekansiz, oʻzingiz uchun, orzularingiz uchun kimnidir kafil qilib olmang iltimos, kimdir kelib siz uchun orzularingizni roʻyobga chiqarib, goʻzal kelajak qurib bermaydi, yoki siz uchun ilm olib, til oʻrganib, mehnat qilib, xohishlaringizga yetkazib qoʻymaydi, yoki iymoningiz, amallaringiz, ibodatlaringiz uchun ham aslo kimdir masʼul emas!

Sizni dunyoga keltirgan, shu kungacha tarbiya qilgan ota-onangiz, sizga ilm oʻrgatgan, oʻrgatayotgan ustozlaringiz, har doim yoningizda boʻladigan yaqinlaringiz, tanishlaringiz, yoringiz, farzandlaringiz.. hech kim, hech kim siz uchun hech narsaga masʼul emas!

Sizga kerakmi, oʻzingiz harakat qiling, oʻzingiz intiling, tamom!

Kelajakda unday qilaman, bunday qilaman deb hayollar surishni hamma ham eplaydi, lekin bugun, hozir oʻz masʼuliyatini boʻyniga olib, oʻsha kelajak uchun harakat qilishni hamma ham eplay olmaydi!

Oʻrningizdan turing, maqsadlaringiz uchun qoʻlingizdan kelgani qadar, Allohga ishonib harakat qiling, sabablarni ushlang va duo qilib, xayrlisini soʻrang tamom, kimdirdan nimadir kutishni, qandaydir moʻjizaviy kunlar kelishini, nimadir oʻzgarib qolishini kutishni bas qiling,

dunyodan, odamlardan behojat boʻling, Alloh sizni barcha hojatlaringizni zimmasiga oladi!

Bugun uchun ham, erta uchun ham.. boshqacharoq qilib aytsam dunyoyingizni ham, oxiratingizni ham gʻamini bugun, siz - oʻzingiz qiling, faqat oʻzingiz!)

"Men qilmasam, kim qiladi?"
"Kim men uchun yashab beradi, kim men uchun amal qiladi, kim men uchun oxiratda javob beradi?" deb oʻylab koʻring, javobi esa aniq:
- "Hech kim, mutlaqo hech kim"

Dunyo-ku mayli oʻtar, amallab yashab olarsiz, lekin Oʻsha kunda Uning huzurida, siz oʻzingiz har biriga yolgʻiz oʻzingiz javob berasiz, unutmang!

@muvaqqot - barchasi vaqtincha aslida!

Bu murojaat faqat qizlarga)

Oramizda ingliz tilini intermediate/ pre-intermediate darajada oʻrganayotgan, yoki endi shu darajaga oʻtgan onlayn tarzda oʻrganishni xohlaydigan, rejalashtirib yurgan qizlar bormi?)

Birga oʻrganishga sherik kerak, ustoza bilan 2-3 kishilik guruhda boʻladi darslar (pullik, albatta ^^)

Agar boʻlsa, kommentda xoy deb yuboring, aloqaga chiqamiz)

Kitob doʻkonlarni aylanish, yangi chiqqan kitoblarni varoqlab, oʻqib koʻrish, anchadan beri oʻqiyman deb qidirib yurgan kitoblarimni izlash, koʻp kitoblar orasidan "trend"dagilarini emas oʻzimga yoqqanlarini, muammolarimga yechim beroladiganlarini tanlab-tanlab sotib olish men uchun haqiqiy antistress 🤩

Ziyo, Anor, Naqshi, Qamar, Hilol Nashr, iBook, Ildiz.. va yana bir qancha men nomini bilmagan kitob doʻkonlar)

Chorsu → Xadra maydoni

Mana shu oraliq barcha kitobxonlarning eng sevimli, eng yoqimli manzillaridan biri boʻlsa kerak

Anchadan beri bu tomonlarga yoʻlim tushmayotgandi, deyarli hamma xaridorgir, mashhur kitob doʻkonlari bir joyda jamlanib qolibti oʻziyam, yaqinda Book_uz, Sarmoya_books ham shu yaqin atroflardan filiallarini ochishsa hayron qolmayman)

Va bu kitobxonlar uchun qulay, juda zoʻr imkoniyat deb oʻylayman, tanlov koʻp, bir doʻkondan izlagani topilmasa, albatta boshqasidan topiladi (lekin men kecha hammasini aylanib chiqib ham, izlaganimni topolmadim, tugab qolgan ekan😒)

Bu doʻkonlar ichidan men (koʻpchilik kitobxonlar ham menimcha) eng avval Qamar, Hilol Nashr, Ildiz va iBook'ni tanlayman

Keng assortiment, xizmat koʻrsatish, sifat, qulaylik, narxlar, doʻkondagi muhitdan tortib sotuvchi/ishchilarning muomalasigacha mana shu ketma-ketlik men uchun bir necha yillardan beri oʻzgarmaydi, chindan juda aʼlo, qayta-qayta borishga va tanlashga arziydi 👌

Hozircha kitob doʻkonlar haqida, kitoblar haqida ham bugun kechroq yozaman)

@muvaqqot - barchasi vaqtincha aslida!

Xotiralarni shunday rasmchalar koʻrinishida saqlab qoʻyiiish - bu yillar oʻtib ularni tomosha qilganda yana oʻsha hislarni his qilishning, oʻsha vaqtdagi quvonchni, oʻsha ajiyb xotiralarni yashab oʻtishning kichik va ajoyib bir yoʻlii 🥰

Yaqinlaringizni shunday kichik narsalar bilan ham bir olam quvonchga toʻldirsangiz boʻladi, imkoniyatdan foydalaning

Chin dildan tavsiya, bir-biringizga shunday eng kichik detallar bilan ham quvonch ulashing)

Tajriba...

Tajribali kishi bir ishni yillar davomida qoyillatib bajaradigan emas, balki bir necha turli ishlarni yillar davomida turli shakllarda bajarib koʻrgan kishidir)

Oʻtkazilgan yillar tajriba emas, ana shu oʻtgan yillar ichida bajara olingan, sinab koʻrilgan, oʻrganilganlar aslida tajriba

Siz bilan sodir boʻlgan voqea-hodisalar qachon tajribaga aylanadi, qachonki ularni sababini tahlil qilib, u haqida oʻylab, mohiyatini anglasangiz va keyingi safar shunday holat kuzatilganda toʻgʻri usul, toʻgʻri yoʻlni qoʻllay olsangiz

Shu sabab ham siz bir ish ustida uzoq vaqt oʻtkazyapsiz degani tajriba olyapsiz degani emas, tajribali boʻlish, tajriba olish boshqa, bir ish ustida shunchaki qayta-qayta bir xil tarzda vaqt oʻtkazish boshqa


P.s: Anchadan beri koʻrishni reja qilib, ortga surib yurganim bir podcastʼdan oʻzimga koʻproq taʼsir qilgan joylarini oʻzim uchun qayd qilib qoʻygandim, yuqorida bir qismi, balki sizga ham foydali boʻlar

* Kim biladi bu qaysi podcastdan ekanini, agar koʻrgan boʻlsangiz osongina topa olasiz)


18-iyun | 22:50 | Toshkent

@muvaqqot - barchasi vaqtincha aslida!