Zerikish belgilab beradi, motivatsiya emas Deyarli hamma “sevgan ishingni qil, kuchayib ketasan” deydi.
Lekin, nega insonlar o’z ishini sevsa ham ko’pincha muvaffaqiyatga erishmaydi?
Muammo motivatsiyada emas. U deyarli hammada bor. Yo’q bo’lsa esa paydo qilish mumkin.
Haqiqiy muammo intizomda. Ba’zilar kuchayib ketib, boshqalar qolib ketishidagi farq ular ishidan zerikkanda bilinadi.
Bo’lajak muvaffaqiyat egalari zerikkanda ham ishini bajaradi. Kerak bo’lsa o’zini majburlaydi. Motivatsiyaga ishonib yurganlar zerikib qolsa tashlab ketadi.
Haqiqiy natija nimadirni boshlaganda kelmaydi. 1 bet o’qib olim bo’lib qolmaysiz, 1 kun zalga borsangiz “kachok” bo’lmaysiz, 1 kun “fast food” yemasangiz sog’lom bo’lib qolmaysiz.
Lekin, zerikkanda ham, o’sha ish/odatni takrorlashni xohlamaganingizda ham uni bajarish sizga haqiqiy natijani beradi. Bugun ko’rinmasligi mumkin, bir yilda ancha farq sezilishi aniq.
@Abdurazzoq_Reads
