Tarix - Muarrix Kutubxonasi

100 ЖИЛДЛИК РУС АДАБИЁТИ ДУРДОНАЛАРИ

“Ўзбекистон” НМИУда нашр қилинган 100 жилдлик "Рус адабиёти дурдоналари"ни кўрган бўлсангиз керак. Уларнинг кўпчилиги ўқув масканларига тарқатилди, айримлари китоб дўконларда ҳам сотувга қўйилди.
Тўпламга қизиқувчилар ва уни излаётганлар учун қуйида тўлиқ рўйхат шакллантирдим. Балки кимгадир фойдаси тегиб қолар деган ниятда.
Рўйхат нашриёт томонидан муаллифларнинг туғилган йилларига қараб - хронология бўйича тузиб чиқилган.

1 Пушкин. Боғчасарой фонтани
2 Пушкин. Капитан қизи
3 Карамзин. Бечора Лиза
4 Фонвизин. Крилов. Грибоедов. Пьесалар. Масаллар
Ақллилик балоси
5 Гоголь. Ўлик жонлар
6 Гоголь. Диканька оқшомлари
7 Гончаров. Замона зайли
8 Некрасов. Фет. Тютчев. Русияда ким яхши яшайди
9 Островский. Сепсиз қиз
10 Лермонтов . Қора кўзлар
11 Гиляровский. Москва ва москваликлар
12 Тургенев . Овчининг хотиралари
13 Тургенев . Арафа
14 Лев Толстой. Уруш ва тинчлик.1-2-жилд
15 Лев Толстой. Уруш ва тинчлик.3-4-жилд
16 Лев Толстой. Анна Каренина-1-китоб
17 Лев Толстой. Анна Каренина-2-китоб
18 Лев Толстой. Тирилиш
19 Лев Толстой. Хатлар
20 Достоевский. Жиноят ва жазо
21 Достоевский. Телба
22 Достоевский. Хўрланганлар ва хақоратланганлар
23 Достоевский. Иблислар
24 Достоевский. Карамазовлар
25 Чехов. Ғилоф бандаси
26 Чехов. Роҳиб қайғуси
27 Чернишевский. Нима қилмоқ керак?
28 С-Шедрин. Головлёвлар
29 Герцен. Кечмиш ва ўйлар
30 Радишев. Петербургдан Москвага саёҳат
31 Короленко. Кўр мусиқачи
32 Бондарев. Қирғоқ
33 Горький. Болалик
34 Горький. Лочин ҳақида қўшиқ
35 Горький. Фома Гордеев
36 Есенин. Қора одам
37 Маяковский. Оқ ва қора
38 Куприн. Тунгги бинафша
39 Паустовский. Денгиздан эсган шабадалар
40 Рождественский. Севги садоси
41 А.Толстой. Буюк Пётр
42 М.Шолохов. 1-жилд
43 М.Шолохов. 2- жилд
44 М.Шолохов. 3- жилд
45 М.Шолохов. 4- жилд
46 Зошченко. Кўнгилли учрашув (ҳажвиялар)
47 Ахматова. Оқ тун
48 Ильф, Петров. 12 стул
49 Ю.Семенов.
Рибаков. Баҳорнинг 17 лаҳзаси.
Арбат болалари
50 Васильев. Рўйхатларда йўқ эди номи
51 Булгаков. Уста ва Маргарита
52 Булгаков. Итюрак
53 Вознесенский. Товуш сояси
54 Евтушенко. Илтижо
55 Пастернак. Доктор Живаго
56 Солженицин. Гулаг архипелаги. 1-китоб
57 Солженицин. Иван Денисовичнинг бир куни
58 Самойлов. Тўлқин ва тош
59 Твардовский. Василий Тёркин
60 Бунин. Хилват хиёбонлар
61 Блок. Булбул чамани
62 Беляев. Романлар
63 Каверин, Светлов. 2 капитан. Сирлар
64 Мамин Сибиряк. Привалов
65 Обручев. Санников ери
66 К.Симонов. Кўришмаймиз энди сен билан
67 Брюсов, Гумилёв. Инсонга олқиш. Орзулар салтанати
68 Арсеньев, Астафьев. Дерсу Узала. Менинг аксим...
69 А.Бек. Волоколамск йўлида
70 Лидия Бат, Тихонов. Ҳаёт бўстони. Вамбери
71 Леонов. Рус ўрмони
72 Лесков. Мсенск уезди
73 Набоков. Қатл маросимига марҳамат
74 Проскурин. Сенинг исминг
75 Пришвин. Оқ камалак
76 Тендряков. Ўрмонлар орасида
77 В.Трифонов. Соҳилдаги уй
78 Цветаева. Денгиз эгизим менинг
79 Окуджава, Висоцкий. Бу менинг қўшиғим. Асов отлар.
80 Абрамов. Прясинлар
81 Пикуль. Шарафли умр
82 Аксёнов. Насрий асарлар
83 Б.Ахмадулина. Шеърлар
84 Мандельштам. Тунгги қуёш
85 Бродский. Кўрфаз ёғдуси
86 Шукшин. Чол, қиз ва офтоб
87 Приставкин. Ухлар эди олтин булутча
88 Нагибин. Тиниқ кўллар
89 Троеполский. Оқ Бим
90 Тинянов. Мухтор Вазирнинг ўлими
91 Тинянов. Пушкин
92 Шишков. Саркаш дарё
93 Шкловский. Лев Толстой
94 В.Ян. Мўғуллар трилогияси
95 Гроссман. Ҳаёт ва қисмат
96 Катаев. Хаёл чечаклари
97 Распутин. Омон бўлсанг унутма
98 Олеша. Уч бақалоқ
99 Виноградов. Паганини скрипкаси
100 Хлебников. Қафасдаги қуш

Toʻliq shaklda hammasi bor. Hammasi birgalikda sotiladi

❤️❤️❤️❤️❤️
Ushbu kitobni xarid qilishni istaganlar @Muarrix_kanali_admini ga murojaat qilishingiz mumkin
📲+998976362102

Бобурийлар салтанати – Иккинчи Панипат жанги


Бобурийлар салтанати ва тамаддуни асосчиси Заҳириддин Муҳаммад Бобур (1483 – 1530) ва Иброҳим Лўди (1526 йили ўлган) ўртасида 1526 йил 20 апрелда юз берган Панипат урушини ким билмайди дейсиз. Томирларида улуғ Амир Темур қони оқиб турган буюк бобомизнинг ўз қўшинидан деярли ўн марта кўп душманни енгани бугун чўпчакдек туюлиши мумкин. Бироқ бу – ишончли манбаларда ўз исботини топган тарихий ҳақиқат!
Орадан ўттиз йил ўтиб, 1556 йил 5 ноябрда худди шу ер – Панипатда шунга ўхшаш яна бир тарихий тўқнашув юз берган. Жуда кўпчилик билмайдиган ушбу воқеа эндигина бобурийлар етакчисига айланган 14 ёшли Акбарнинг (1556 – 1605) Ҳимчандр (1501 – 1556) бошчилигидаги ҳинд қўшинини енггани билан боғлиқдир.
Гап шундаки, Заҳириддин Муҳаммад Бобур ўғли Ҳумоюн (1508 – 1556) орадан кетгани шароитида бобурийлар хонадонида туғилган бир қадар бошбодоқликдан фойдаланиб қолган Ҳимчандр отни қамчилаб, ҳатто Деҳлини ҳам босиб олишга эришади ва ўзини олий ҳукмдор деб эълон қилади.
Ушбу шароитда ўзини йўқотмаган Акбар оталиғи Байрамхон (1501 – 1561) ёрдамида барча имкониятни ишга солиб, қўлдан кетиши муқаррар ҳокимиятни қайтариб олишга отланади.
1556 йил 7 октябрда Деҳли яқинидаги Туғлуқобод шаҳрида юз берган Ҳимчандр билан биринчи тўқнашувда Ҳимчандр ихтиёрида 50 000 отлиқ, 1000 та фил, 51 та тўп бўлган. Олдинига бобурийлар қўшинининг ўнг ва чап қанотлари душманга ҳужум қилиб, уларни чекинтириб, таъқиб қилган. 3000 аксарини ўлдириб, 400 та филни қўлга олган. Илк муваффақиятдан руҳланиб кетган қўшин ғаним қароргоҳини талашга киришиб кетиб, ҳушёрликни қўлдан берган шароитда Ҳимчандр 300 фил ва қолган аскарлари билан ҳужумга ўтади. Ушбу ҳужумга дош беролмаган бобурийлар қўшинининг ортга чекинишдан ўзга иложи қолмайди. Оқибатда, Ҳимчандр Деҳлини эгаллайди.
Деҳлини қайтариб олиш мақсади билан ёнган Акбаршоҳ қайтадан қўшин тузишга киришади. Бобурийлар ҳарбий кучининг бош устунлиги отлиқ қўшин ва ёйчилар гуруҳининг борлиги билан боғлиқ эди. Шунингдек, жанг пайтида майдондаги вазиятни бошқариш, жумладан, душман ҳужумини қайтара олмаган ёки душман сафи ортиб кетган ҳолатларда, ўша томонга ёрдамчи кучлар жўнатиб турилганлиги ҳам уларга кўпинча қўл келарди.
Ҳал қилувчи уруш 1556 йил 5 ноябрда Панипатда содир бўлган. Ҳимчандрда 500 фил ва 30 000 аскар, Акбаршоҳда эса 10 000 қўшин бор эди.  
Асосан фил, от, қилич, ёй, найзалар ишга солинган тўқнашув қиличлар билан жангдан бошланган. Сўнг душман филларни ўнг ва чап қанотдан ҳужумга ташлаб, улардан жонли девор сифатида фойдаланмоқчи бўлган. Акбаршоҳ қўшини эса филларни айланиб ўтиб, уларнинг оёғини кесиб ташлайди. Ҳимчандрнинг икки энг яхши саркардаси Шодихон Кўкар ва Бҳагван Дас ўлдирилади.
Жангда 5000 киши ўлгани, филлар ўлжа сифатида олингани маълум. Ҳимчандрнинг бутун хазинаси ҳам Акбаршоҳ қўлига тушади. Улуғ ғалабадан сўнг Деҳлига кириб борган Акбаршоҳ тахтга ўтиради, унинг номидан хутба ўқилиб, танга босилади. Шу тариқа, у бобоси Заҳириддин Муҳаммад Бобур асос солган салтанатни йўқ бўлиб кетишдан сақлаб, Ҳиндистон тарихининг энг самарали ва гўзал босқичларидан бири ўлароқ тан олинган қирқ йиллик ҳукмронлик даврини бошлайди.

✍Фарида Султонова

Reaksiya bosish yodizdan chiqmasin😉

@muarrix_kutubxonasi — ishonchingizni oqlash uchun doim harakatdamiz