"MILLIY TIKLANISH" TOSHKENT SHAHAR RASMIY SAHIFA

Yangi yil kattayu-kichik uchun birdek sevimli bayram. Ushbu bayramda bolajonlarimiz shirinliklar solingan sovg'alarni o'zgacha qiziqish va ishtiyoq bilan kutadilar. Bayram arafasida Xalq deputatlari Toshkent shahar Kengashi deputati Otabek Jiyanbayev o'zi saylangan hududdagi “Sharof Rashidov” mahallasi mas’ullari bilan uchrashib mahalladagi koʻmakka muhtoj oila farzandlari uchun hozirlangan yangi yil sovg‘alarini mahalla raisiga topshirdi.

BATAFSIL👈

Bizni ijtimoiy tarmoqlarda kuzating:👇
Instagram| Facebook |Telegram

☑️Bektemir tumanida Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan qator masalalar ko‘rib chiqildi.

Yig‘ilishda Xalq deputatlari Bektemir tuman Kengashiga "Milliy tiklanish" DP dan saylangan deputat Tyu Yelena Gennadevna ham o‘z fikr va mulohazalari bilan faol qatnashdi.

Yig‘ilishda Bektemir tumanida 2025 yilda yuridik va jismoniy shaxslarning ayrim soliqlariga qo‘llaniladigan kamaytiruvchi va oshiruvchi koeffitsiyentlar to‘g‘risida, Bektemir tumani mahalliy budjetining 2024 yil 3 chorak yakuni va ijrosi to‘g‘risida, Bektemir tumani hokimligining “Bektemir tuman mahalliy budjetining qo‘shimcha manbaalari hisobidan amalga oshiriladigan tadbirlarni umumlashtiruvchi komissiya”ning tuman mahalliy 2024 yil 3-chorak daromadlar rejasining orttirib bajarilgan qismi mablag‘larini harajatlarga yo‘naltirish kabi masalalar ko‘rib chiqildi.

Xalq deputatlari Yunusobod tuman Kengashi deputati Yem Aleksandr Vissarionovich tashabbusi bilan "Kitob - maʼnaviyat sarchashmasi" shiori ostida o'zi saylan hududda joylashgan "Uvaysiy", "Yunusobod" mahallalarida mo'jazgina kutubxona tashkil etildi. Tadbirda Xalq deputatlari Mirobod tuman Kengashi deputati Qulmatova Gulbaxor Baratovna, Yunusobod tuman Kengashi faoli Li Olesiyalar ishtirok etdilar.

Uchrashuv so‘ngida deputat yangi yil munosabati bilan mahalla hududida istiqomat qiluvchi ijtimoiy himoyaga muhtoj yoshi ulug' keksalar uchun hozirlangan foydali vitaminlarga boy turli - tuman me'valarni mahalla raisiga topshirdi.

BATAFSIL👈
ijtimoiy tarmoqlarda kuzating:
Instagram| Facebook | Telegram

📚Xalq deputatlari Mirobod tuman Kengashi deputati Rixsiyeva Gulchexra Shovkatovna tomonidan Toshkent davlat sharqshunoslik universitetiga “Ma’rifat ulashib” loyihasi tashkil etildi. Tadbirda taniqli ijodkorlar – Faxriddin Hayit, Farogʻat Xudoyqulova va Bobur Hamroyevlar ishtirok etdilar.

"Bu loyiha talaba-yoshlarni kitobxonlik mutolaasiga jalb qilish, badiiy tafakkurini o'stirish orqali ularni vatanparvarlik va yurtimiz kelajagiga daxldorlik ruhida tarbiyalashga qaratilgan. Ushbu uchrashuv talaba-yoshlar uchun ma’naviy boylik va ijodiy ilhom manbai bo‘ldi", -deydi deputat.

Ijodkorlar talabalarga yozuvchilik san’ati, badiiy asar yaratish jarayoni haqida qimmatli ma’lumotlar ulashib, o’z she’riy namunalaridan o’qib berdilar. Tadbirda universitetning ijodkor talabalari ham she’riy mashqlari va tarjimalarini bo’lishib, o’zlarini qiziqtirgan savollariga taniqli ijodkorlardan javob oldilar.

ijtimoiy tarmoqlarda kuzating:
Instagram| Facebook | Telegram