Mirzobek's page

O'smirlik muammolari, qaysi yo'lni tanlashdagi ikkilanishlar, depressiya.

Yana yetmaganiga Instagramda bir vaqtning o'zida kulishga, bir sekunddan keyin siqilishga majbur qiladigan videolar.

Ikki story'ni birida o'zingizni tengdoshlaring bilan taqqoslashga to'g'ri keluvchi xabarlar.

Ustiga esa Chumolini hissiyotga teguvchi kontentlari.

Iloji boricha ijtimoiy tarmoqlar bilan bog'liq kasb tanlamang. Baribir bozorga mos kontentni ko'rishga va qilishga majbur bo'lasiz.

Intizom Podkastdagi Aziz Rahimovning fikrlari ilhomlantirdi.

Rostanam 3 bahoga o‘qiydiganlarni ikki xil turi bor.

3 olishni tanlov qilganlar bor. Bu yerdagi baho qiziqmas, hayotda foydasi yo‘q. Undan ko‘ra hayotda va karyerada zarur bo‘lgan ko‘nikmalar bilan band bo‘lganim ma’qul deganlar bor. Esimda bor, birinchi kursda jahon tarixidan 5 olish uchun Misr tarixidagi 32 ta sulolani davrlari bilan yodlash kerak bo‘lgan.

ikkinchi toifa esa o‘qishga talanti bo‘lmagan 3 olganlar. Ularni iste’dodi va diqqati boshqa narsada bo‘lgan. Bularda tanlov emas bu bahoni olish.

Yomon o‘qiganlardan muvaffaqiyatli shaxslar chiqadi degan stereotip birinchi toifaning hisobiga kelib chiqqan deb o‘ylayman.

Bozordagi tendensiyalarni bilib turish uchun zamonaviy kasblar bo‘yicha vakansiyalar joylanadi kanallarni doimiy ravishda kuzatib boraman.

Yaqinda ko‘pchilik kanallarda online ravishda ishlaydigan P2P mentor bo‘yicha vakansiya ko‘rib qoldim. Uch-to‘rt kun qayta aylantirishdi. Qiziqib qoldim.

P2P atamasi jismoniy shaxsning kartasidan jismoniy shaxsning kartasiga pul o‘tkazishni bildirishini chatgpt’dan bilib oldim. Keyin bu uchun alohida xodimga pul to‘lash nima uchun kerak bo‘lishi juda o‘ylantirdi. Murojaat qilib ko‘rdim.

Xullas, bu uddaburonlar turli firibgarlik yoki aldov yo‘llari bilan topilgan pullarni meni kartamga o‘tkazishmoqchi. Keyin, men ular ko‘rsatgan kripto-manzillarga, har xil kripto valyuta sifatida jo‘natib berishim kerak ekan.

Odatda, fishing‘ga uchragan odamlarni pullari to‘g‘ri kripto-manzillarga jo‘natilar edi. Ularni izini topish deyarli imkonsiz.

Bular esa barcha javobgarlikni P2P mentor’larni bo‘yniga ilishmoqchi. Lekin, puxta o‘ylashibdi. Fishingga uchragan kartani tarixi kuzatilsa shu vakansiyada ishlagan kishini nomi chiqib turaveradi. Bu xodimni hech nimadan xabari yo‘q, hech nimani isbot ham qilolmaydi.

Ehtiyot bo‘lamiz. Oson pul topish yo‘llarini izlab vaqt yo‘qotmasdan, @xodimagency kanalidan o‘zingizga mos ishni toping. Agar yosh bo‘lsangiz, bizda shogird tushib hunar o‘rganishingiz ham mumkin. Bo‘sh ish o‘rinlari bu yerda.

Muvaffaqqiyatli tadbirkor sizni yangi biznes boshlaganiz uchun tanqid qilmaydi. Xatolaringiz ustidan kulmaydi. Yo’l ko’rsatishi mumkin.

Professional shug’ullanuvchilar zalga yangi chiqqanlarni ishlaridan kulmaydi.

Musiqachi sizni musiqa chalganingiz uchun tanqid qilmaydi.

Lekin hayotda hech narsaga erishmayotgan, divandan tura olmayotgan insonlar, doim ruhingizni tushirish uchun sabab topadi.

Birinchi taassurotni ikkinchi marta qoldirib bo'lmaydi

E'lonni ko'rdingiz, talablari va takliflari ma'qul keldi. Telegramdan aloqaga chiqmoqchisiz. Nimalarga e'tibor berish kerak.

Siz yozgan xabar, profildagi rasmlar va postlar ish beruvchi/rekruterda birinchi taassurotni hosil qiladi. Oddiygina "Assalomu alaykum" degan so'zni to'g'ri yozish birinchi plyusingiz bo'ladi.

Bir murojaat qilgan kishini foydalanuvchi nomini o'zgarishsiz joylayman "Ortidan Tikilishga Emas Tupirishga Organganman"

Ovozli xabarlar shu darajaga yetdiki, Telegram premium foydalanuvchilarga ularni qabul qilmaslik imkoniyatini yaratdi.

Suhbat chaqirildingiz. Aytilgan vaqtdan ertaroq, hech bo'lmaganda vaqtida borishga harakat qilish kerak.

Agar sizga bog'liq bo'lmagan sabablar bilan kechga qolayotgan bo'lsangiz, ogohlantirib qo'yish zarur.

Oxirgi vaqtlarda bizda hamma jarayonlardan yaxshi o'tgan nomzodlar, birinchi ish kunida kech borgani, yoki umuman bormagani uchun, qanday yaxshi nomzod bo'lmasin voz kechilishi holati 3 marta kuzatildi.

Rekruting agetligimizda 2 oy ichida eng ko'p grafik dizayner vakansiyasi bo'yicha ishladik.

Asosan, "natyajnoy patalok" ishlab chiqaruvchilar, reklama agentligi va marketing jamoa uchun grafik dizaynelar topib berdik.

Zo'r portfolioga ega nomzodlar esa online ishlashni ma'qul ko'rmoqda.

Hozir ham 4 ta grafik dizayner vakansiyasi mavjud. Oflaynda esa, kadr yo'q. Rostan, kadr yo'q. Photoshop va Corel Draw'ni o'rgangan, ozgina ish qilib ko'rgan mutaxassislarga 3 mln fiksa va KPI bilan 6 mlngacha oylik takif qilinyapti. Toshkent sharoiti uchun kamdir, ammo bizda o'rtachadan yuqori deb o'ylayman.

Eng qizig'i bu dasturlarni, Youtube'da bepul tarzda o'zbek tilida o'rganish mumkin. Qat'iyatni o'zi yetarli.

Grafik dizayner tanishlar, shaxsiydan portfolio jo'natishsa aloqaga chiqamiz

Ish suhbati davomida nomzodlarga "qo‘shimcha savollaringiz bormi" degan ma’noda savol beriladi. Shu paytda aksariyat nomzodlar yo‘q hamma narsani gaplashdik deb javob berishadi.

Bu jarayonda kichik bo‘lsa ham savol bergan nomzodlar qadrlanadi. Lekin, o‘zi nima ish qilasizlar degan savolni aslo bera ko‘rmang. Bunday nomzodlar kompaniya bilan qiziqmagan, vaqtincha ishlash niyatida deb ro‘yxatdan chiqariladi. Iloji boricha suhbatga kompaniyaning nima ish qilishini, ijtimoiy tarmoqlarini o‘rganib borishga harakat qiling.

Bu vaziyatda esa, kompaniyangizda KPI va bonuslar qanday tuzilgan, karyerada o‘sish imkoniyatlari qanday, kompaniyaning asosiy qadriyatlari nima va shunga o‘xshash savollarni berish maqsadga muvofiq bo‘ladi.

Aziz obunachilarim menga maslahat kerak. Briket va implant o’rnatadigan tish shifokorining instagram sahifasi uchun 10 kunlik kontent-reja qilishim kerak.

Kimni tish shifokoriga ishi tushgan, qanday holatlar bo’lgan, tish shifokoridan kutuvlaringiz qanday bo’lgan.

Har bitta fikr muhim. Oldindan rahmat)

Universitet bahslar tugamaydigan mavzu.

Men Urdu’ga Tarix fakultetiga kirganman. Bir yil kunduzgi shaklda o’qiganman. Keyin shaxsiy sabablar bilan sirtqiga o’tdim. O’zbekiston sharoitida universitetga 4 yil yo’qotishga qarshiman. Lekin, shifokorlik, yuristlik mavzularini chetga surib turamiz.

Nega unda o’zim kirganman?

Kutuvlarim juda oz bo’lgan. Lekin shuni ham topa olmaganman. Menga universitet uyimdan 4 yil ruxsat olish uchun kerak bo’lgan. 4 yil menga tegishmasa o’zim istagan sohada karyera quraman deb o’ylaganman.

Kursdoshlarim ham kanalda bor. Ahvoldan xabarlari bor. Hech narsaga qaramay o’qiyman degan kursdoshimizni ham “yugurib borayotgan otni manglayidan tepishgan”. Hamma yer men uchun krinj bo’lib ketgan.

Mendan oldin bitirgan avlod vakillari ham kanalda bor. Ular ham shu fikrda. Tizimni ahvolini kimlar stipendiyalarni olib yurganidan ham bilish mumkin.

Va yana aytaman, men shunchaki Navoiy stipendiyasini olgan talabalarni ich-ichimdan ko’ra olmayotgandirman.

Brandface bo’lish, kamera oldida zo’r gapirish bu — katta mahorat deb bilaman. Hamma bunday qila olmaydi.

Bu keysda menga ma’qul kelmagan qismi professional darajaga yetmay kimgadir pul evaziga o’rgataman degani.

Yoki mendan kichkina qizni dars bera boshlayman deganini ich-ichimdan ko’ra olmagandirman)

2008 yil 3-4 dona proekti bor brandface qiz o’zina shogird olishni boshlabdi))

Siz esa hali karyera davomida umuman foydalanmaydigan bilim uchun universitetga qatnayapsiz

Shu oy boshidan rekruting sohasida ish boshlaganmiz

Bizneslar uchun kerakli xodimlarni topib berish bilan shug’ullanamiz.

Ish beruvchining talablarini o’rganib, mos nomzodlarni aniqlab, suhbatdan o’tirib, eng yaxshilarini ishga yo’naltiramiz.

E’lon beramiz. 20 yaqin nomzod murojaat qiladi. Yarmi “rezyume yuboring” xabaridan keyin yo’q bo’lib ketadi.

Rezyume yuborganlar ham belgilangan vaqtga suhbatga kelmaydi. O’rtacha 30 minut kechga qolishadi. Hammasi ham emas. Vaqtida kelganlar va talablarga mos kelganlar ishli bo’lishdi.

Suhbatga vaqtida kelishni o’zi ishga kirishda katta plyus bo’lyapti 🥲.

Maslahatim, rezyume nima ekanligini ishga beruvchi yoki rekruterdan so’ramang. Birinchi taassuroti yomon qolishi mumkin.

Suhbat belgilansa iloji boricha 10-15 daqiqa oldinroq borib, xabar berib mas’uliyatli ekanligingizni bildirib qo’ying.

Kutuvlarni minimal darajada qilish kerak ekan

Kimdandir nimanidir bajarishini iltimos qilsam, umuman olganda barcha vaziyatlarda maksimal yordam bermasligini, o’xshamasligini kuta boshladim (we say “ baribir yo’q didiqu, shundam bir so’rab go’ravarin qani 😁).

Avval do’stim, ustozim, tanishim, “menga yo’q demaydi” deb ish qilardim.

Keyin o’xshamasa shu ishdan ham tanishimdan ham ko’nglim sovib, kayfiyatimga ta’sir qilardi. Har kimning o’z muammolari, ishlari, o’ylari borligi qiziqtirmasdi.

Hozir esa kutuvlarim minimal darajada. Qaytangga o’xshasa, yanada motivatsiyam ortib, maqsadim sari yangi g’oyalar paydo bo’lmoqda.

Bizda insonning bilimi qadrlanadi, lekin oʻz oʻzini nazorat qilib bilish qobiliyati yetarlicha baholanmaydi.

Oʻz oʻzini, hissiyotlarini nazorat qilib bilgan odamlar tashqaridan sovuqqon yoki kam kirishimli, hatto zerikarli yoki kiborli koʻrinishi mumkin.

Bunaqa odamlarni eng koʻp hissizlikda ayblashadi.

Bizda biznes olamida bunaqa insonlardan koʻra xarakteri "tez" boʻlgan, oʻta emotsional qaror qabul qiladiganlarni "liderlar" deb bilishadi.

Ulardagi his hayajonni xarizma va shaxsiyat belgilari sifatida koʻrishadi. Lekin, kuzatishlarim oʻsha "xarizmali liderlar" aslida yomon rahbar ekanligini, ulardagi shoshqaloqlik va emotsional qaror qabul qilishi biznesning ham, jamoaning ham zarariga ishlashini koʻrsatdi.

Firuz Allayev