Mirjalol Urinboev

@mirjalolurinboev

Гео и язык канала: Узбекистан, Узбекский

Категория: Блоги

O'rganayotgan bilim va tajribalarimni ulashib boraman.
Instagram: https://www.instagram.com/mirjalolurinboev
Bog'lanish uchun: @mirjalol_urinboev

Связанные каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Mirjalol Urinboev

14 Jan, 10:27

Marketing sohasidagilar diqqatiga!

Loyihalar bilan ishlashda har doim ham natija olib kelish oson emas.

Ayniqsa qayerda xato qilayotganingizni ya'ni muammo nimadaligini bilmasangiz deyarli imkonsiz.

Tasavvur qiling siz doktorga borib boshim og'riyapti deb aytdingiz.

Doktorni holatingizni o'rganmasdan shu dori iching deyapti. Foydasi bo'lmagandan keyin unda bu dori iching deyapti.

Siz bu doktorga qaytib borasizmi? Biz ham doktormiz faqat biznesdagi muammolarni davolaydigan.

Biz ham muammoni aniqlamasak yuqoridagi doktorga o'xshab qolamiz.

Muammolarni aniqlash uchun sotuv voronkasini tuzib, biznesni raqamlarda ko'rishimiz kerak.

Shundagina aniq nima qilishimiz kerakligi oydinlashadi. Eng katta yutuq ham aslida muammoni aniqlash.

Muammoni aniq topdingizni unda marra sizniki, yechim topishga harakat qilasiz, o'zingiz qila olmagan taqdirda ham boshqa mutaxassislardan maslahat olasiz.

Shu muammolarni aniqlashda yordam beradigan sotuv voronka shabloni bor va uni sizga bermoqchiman.

Faqat kichik bir so'rovnoma bor shuni to'ldirgandan keyin olishingiz mumkin.

So'rovnoma

To'ldirganingizdan so'ng forma oxirida link bor shu orqali kirib shablonni yuklab olishingiz mumkin.

Raqamlarni seving, ular gapiradi.

@mirjalolurinboev

118 0 2 6

Mirjalol Urinboev

10 Jan, 18:40

Репост из: Parallel Muhit

93 0 1 3 3

Mirjalol Urinboev

9 Jan, 18:24

Qiziq bir iqtibos eshitib qoldim

Qadim zamonlarda odamlar o'zlarini rivojlantirish uchun o'rganishardi, hozir odamlar birovlarga yoqish uchun o'rganishmoqda

Konfutsiy

Bu gaplar 2000 yil oldin aytilgan. Faqat bu emas minglab yillar oldingi juda ko'p aytilgan gaplar hozir ham aktual.

Diplom uchun o'qiyotganlar qancha?

Biron kursni bitirsa hamma joyda sertifikatini ko'z-ko'z qiladiganlar qancha?

O'qigan kitoblari stories'da ko'rsatmaslik qiyin ish bo'lib qoldi.

Mayli, ilm ulashish yo'lida targ'ib qilsa tushunaman lekin shu kitobdan biron nima so'rangiz eslay olmaydi)

Aytmoqchimanki sertifikat, diplom oldim deyish bu hali hech narsa emas.

Birin yangi bilim oldi degani ham bu hali hech narsa emas.

Qachonki uni bir joyda to'g'ri qo'llay olish bu endi nimadir.

Kimlargadir ko'rsatish uchun emas, o'zimizni rivojlantirish uchun o'rganaylik.

@mirjalolurinboev

104 0 1 10

Mirjalol Urinboev

4 Jan, 19:39

Savollar bermay qo'ydik

Inson yoshi kattalashgani sari savollar bermay qo'yadi.

Ko'p narsani bilib borgani uchun emas, boshqalar shuni ham bilmas ekan deb o'ylamasligi uchun.

Siz bitta narsa o'rgansangiz yana qo'shimcha 2-3 ta savol tug'ilishi kerak.

3-4 yoshlik bolaga qarang soatiga 50+ savol beradi juda qiziquvchan bo'ladi.

Shuning uchun ham dunyo haqida umumiy tushunchasini 70 foizini 5 yoshgacha olib bo'ladi.

Biz esa savol bermay qo'ydik. O'sha yuqoridagi gap.

To'g'ri savol berish bu 50% javob topildi degani.

Inson qanday savol berayotganiga qarab uning darajasini bilish mumkin.

Yaxshi savollar berish uchun esa ozgina ilm bo'lishi kerak.

Savol ham ilmdan, javob ham ilmdan.

Jaloliddin Rumiy

Savollar bo'lsa izohga yozing)

@mirjalolurinboev

160 0 0 9 12

Mirjalol Urinboev

31 Dec 2024, 16:27

Репост из: Mirzo Qodirov | Blog

1 yilda 3x o‘sish. 45 000 kishidan oshdi…

2024-yil sarhisobini qilayotganimizda mana shu son yanada oshmasligi uchun, bunday kunlar insonlar boshiga kelmasligi uchun qanday xissa qo‘shdik, uni ham bir hisob-kitob qilishimiz kerak. Agar 0 bo‘lsa, demak biz nimanidir noto‘g‘ri qilyapmiz.

To‘g‘ri, balki juda balandparvoz gapdek eshitilar, lekin har kim o‘z himmatidan kelib chiqib oliy maqsadlarga xizmat qiladi. Kimdir minbar yasaydi, kimdir uni olib borib joyiga o‘rnatadi, yana kimdir ana shu minbar yasaydigan odam uchun bolg‘a yasaydi.

Nima ish qilish muhim emas, u qaysi oliy maqsad uchun xizmat qilishi muhim. Agar ishlashdan maqsadimiz faqatgina pul topish, mashina yoki uy olish bo‘lsa, bu tarzda o‘tgan yillarning na o‘zimizga, na boshqalarga foydasi bor. Bu xuddi “sliv” qilingan byudjetga o‘xshaydi.

“Xo‘p, bir o‘zim nima ham qila olaman?” degan odamlar uchun – qo‘lingizdan kelganini loyig‘icha qiling, o‘zingiz ustingizda ishlang, ilm oling, ilm tarqating, tajriba orttiring, tajriba bilan bo‘lishing va boshqalarning ham o‘sishiga yordam bering. Qolgani boshqalarning ishi. Siz marketing sohasidagi inson sifatida qancha ko‘p biznesga foyda keltirsangiz, bu bizneslar shuncha ko‘p insonlarga foyda beradi. Bizneslar o‘sgani sari iqtisod o‘sadi, iqtisod o‘sgani sari kuch ortib boradi.

Agar biz o‘z ishimizda sustkashlikka yo‘l qo‘ysak, “ha, bo‘laveradi shu ham” qabilida ish tutaversak, “o‘rtacha qatlam” vakillari (professionalizm jihatidan) bo‘lib yuraversak, buni uddalashimiz qiyin.

Agar o‘qituvchilar o‘z ishini zo‘r qilsa, zo‘r nasl yetishadi, agar muxandislar o‘z ishini zo‘r qilsa, hayot sifati ortadi, agar davlat boshqaruvidagilar o‘z ishini zo‘r qilsa, davlat rivojlanadi. Ha, bularning bari bir insonning umriga sig‘gudek narsalar emas, lekin kimdir mas’uliyatni zimmasiga olib boshlashi kerak…

Bizdan himmat va harakat, Undan natija va barakat…

165 0 0 10

Mirjalol Urinboev

25 Dec 2024, 06:57

Natijasi nima bo'ldi?

Kun tartibimda tizim paydo bo'ldi. Ertalab o'zingiz uchun vaqt ajratish sport yoki shaxsiy rivojlanish.

Kuni bo'yi 8 soat ishlagandan ko'ra kunning birinchi qismida ya'ni energiya to'la vaqtda 4 soat "deep work" qilish 2 barobar samaraliroq.

Kunning ikkinchi qismida uchrashuvlar, suhbatlar belgilash. Bu ham samarali chuqur ishlashdan keyin miyaga dam.

Shomdan keyin oila yoki do'stlar uchun vaqt ajratish bir kunda hamma kerakli ishlarga vaqt topa olish imkonini beryapti.

Har kuni ham qila olmadim lekin aksariyat kunlarimni shu bo'yicha qilishga maksimum harakat qilyapman.

Bu videoni erkin grafikda ishlaydigan hammaga tavsiya qilaman.

@mirjalolurinboev

200 0 0 11

Mirjalol Urinboev

14 Dec 2024, 13:19

Sotuvdagi oltin qoida!

Siz unga qancha ko'p sotishga harakat qilsangiz shuncha sizdan uzoqlashadi. Sotuvda kim ko'proq xohlasa o'sha yutqazadi.

Qanday qilib ko'proq sotish mumkin? Buni oddiy misol bilan tushuntirib beraman.

1-holat

Tasavvur qiling siz bir do'konga noutbuk olish uchun kirdingiz. Sotuvchi sizga noutbuklar haqida sizga ma'lumot berishni boshlab ketdi.

2-holat

Boshqa bir do'konga kirdingiz. Sotuvchi maslahatchi sizga:
- Qanday ishlar uchun noutbuk qidiryapsiz?
- Quvvati necha soatga yetishi kerak?
- Narxi taxminan qanchalar atrofida bo'lsin?

Shunday savollar berib sizni ehtiyojingizni aniqladi va sizga haqiqatdan ham to'g'ri keladigan noutbukni tavsiya qilyapti.

Siz qaysi holatda xarid qilgan bo'lar edingiz? Bir o'ylab ko'ring.

Sotuvchining vazifasi yordam berish bo'lishi kerak. Ya'ni mijozga eng to'g'ri yo'lni ko'rsatish.

Agar mijozga kerakli noutbuk unda bo'lmasa boshqa do'konni tavsiya qilgani ma'qul.

Sotuvchini vazifani mijozga yordam berish. Uni muammosiga yechim bera olish.

Mijoz ham unga yordam bermoqchiligini ko'rib o'zini olib qochmaydi aksincha o'zi xohlab sotib oladi.

Sotuvdagi oltin qoida: Sotishga emas, yordam berishga harakat qilish kerak

@mirjalolurinboev

269 0 2 12

Mirjalol Urinboev

7 Dec 2024, 09:14

O'rganishni eng zo'r yo'li bu - o'rgatish

Siz kimgadir nimanidir o'rgatar ekansiz, o'zingiz yaxshiroq tushunishni boshlaysiz.

Yangi insyatlar chiqishni, g'oyalar kelishni boshlaydi.

Ko'p ustozlar o'rganganingizni boshqalarga o'rgata olsangiz demak yaxshi o'rganibsiz deyishadi.

Man ham o'rganayotganlarimni boshqalarga o'rgatish orqali yaxshiroq o'rganmoqchiman.

Shuning uchun alohida yopiq kanal ochdim bu kanalda nimalar bo'ladi:

- Kunlik o'rgangan bilimlarim
- Tadbir yoki uchrashuvlardan insaytlar
- Ba'zi holatlarga fikrlarim
- Oyda bir marta voisechat
- Savollarga javoblar ham bo'ladi

Hozircha shu yana nimadirlar qo'shsak bo'ladi. Maqsad maksimum ikkala tomonga ham qiymatli bo'lishi.

Qo'shilish uchun pastdagi havolaga bosing👇

https://t.me/+F0V_-4vigwJjOTky

Bu kanalga qo'shilish bepul hozircha

@mirjalolurinboev

244 0 2 14

Mirjalol Urinboev

6 Dec 2024, 17:38

Tadbirkor - haftasiga 40 soat ishlamaslik uchun 80 soat ham ishlashga tayyor bo’lgan odam.

@mirjalolurinboev

200 1 1 11

Mirjalol Urinboev

26 Nov 2024, 10:43

Xohlaganini qila olgan kuchli emas,
Xohishlarini boshqara olgan kuchli.

@mirjalolurinboev

253 0 1 1 22

Mirjalol Urinboev

10 Nov 2024, 16:02

Endi man instagramga kirmayman.

30 kunlik challange yoqib qolganidan 42 kungacha davom etdi. Nimalar bo'ldi hozir aytib beraman.

Nima uchun boshlagan edim o'zi, shundan boshlasam.

Birinchidan vaqtimni olayotgan edi, ikkinchidan biron foyda olganimni eslolmayman. Yana hamma o'zni yaxshiroq qilib ko'rsatadi.

Bularni har kuni ko'rish odamni zeriktirdi.

Yosh bola sizni aldasa buni bilib bilasiz-ku. Qo'yinglare-e-e degingiz keladi)

Agarda kimdir o'zini baxtli qilib ko'rsatyaptimi demak u baxtsiz.

Agarda kimdir aqlli ko'rinishga urinyaptimi u odam ahmoq.

Agarda kimdir pullari bilan maqtanyaptimi u aslida kambag'al.

Axir o'zingiz o'ylab ko'ring haqiqiy boy inson pulini ko'z-ko'z qiladimi? Unga bu ishdan foyda yo'q.

Baxtli odam baxtiga ko'z tegmasin deb uni asrab-avaylaydi.

Aqlli odam esa o'zini hali hech narsani bilmasligini yaxshi biladi.

Challange natijasiga qaytsam. Biron marta xohish bo'lmadi instagramga kirishga (ish yuzasida bir-ikki marta brauzerdan kirdim).

- Bo'sh vaqtim ko'paydi;
- Chalg'ituvchi omil bo'lmagani uchun fikrlar tiniqlashdi;
- Ishimda 2x samaradorlik oshdi;

Hammaga tavsiya qilaman. Biron nimani o'tkazib yuboraman deb o'ylayotgan bo'lsangiz havotir olmang. Juda muhim xabarlarni odamlar o'zi sizga aytishadi.

Manga bu yoqib qoldi, shuning uchun yana davom ettiraman.
Qancha davom etishini aniq bilmayman. Kerak bo'lganda qaytishim mumkin.

Biz vaqtdan iboratmiz. Vaqtimiz tugasa biz ham tugaymiz.

Vaqtingizni qadrlang.

@mirjalolurinboev

425 0 2 4 14

Mirjalol Urinboev

3 Nov 2024, 16:27

Hayotdagi 7 oltin qoida!

7 ta oltin qoidaga kelishib oling va bu qoidalarni hech qachon buzmaslikka ahdlashing.

1. Uyingizda uch narsani taqiqlang.

-Gʻiybatni
-Bahslashishni
-Araz va ginani

2. Uyingizda uch narsaga meʼyor belgilang.

-Telefonga
-Internetga
-Televizorga

3. Uyingizda uch narsani davomli qiling.

-Qurʼon tilovatini
-Ilmiy suhbatni
-Jamoat boʻlib namoz oʻqishni

4. Uyingizda uch narsani koʻpaytiring.

-Duoni
-Zikrni
-Tavbani

5. Uyingizda uch narsani kamaytiring.

-Koʻp yeyishni
-Koʻp uxlashni
-Koʻp gapirishni (lag’u gaplarni)

6. Uyingizda uch narsaga be eʼtibor boʻlmang.

-Uzr soʻrashga
-Hurmat qilishga
-Tashakkur bildirishga

7. Uyingizga uch narsani kirgizmang.

-Foiz
-Harom rizq
-Birovning haqqi

Bular avvalo o’zimga nasihat.

P.S. Qayerdadir o'qib, saqlab qo'ygan ekanman. Sizlarga ham ilindim.

@mirjalolurinboev

548 0 11 4 14

Mirjalol Urinboev

18 Oct 2024, 17:15

Eng muhim hayotiy ko'nikma!

Ish beruvchiga qanday xodim kerak? Biron bir ish aytilsa uni qanaqa qilib bo'lsa ham hal qilib kela oladigan xodim bo'lishini xohlaydi.

Chunki, ish aytilsa uni boshidan oxirigacha o'zingiz nima qilish aytib tursangiz, unaqa xodim nimaga kerak. Baribir hamma ishni o'zingiz qilyapsiz-ku to'g'rimi?

Ishda kutilmagan holatlar bo'lishi tabiiy hol. Har doim biz xohlaganday ketmaydi. Shu holatlarda muammoga yechim topib, uni amalga oshira olish bu - muammoni hal qila olish ko'nikmasi ya'ni problem solving skills deyiladi.

Bu soft skill har qanday sohada muhim deb o'ylayman. Sababi, siz hayotda, ishda doim muammolar, qiyinchiliklarga duch kelasiz. Bu holatda uni hal qila olish esa hammani ham qo'lidan kelmaydi.

Shuning uchun ham bunaqa kadrlar biznes uchun juda qadrli hisoblanadi. Agar eng yaxshi xodim bo'lmoqchi bo'lsangiz shu ko'nikmani shakllantirishni boshlang.

@mirjalolurinboev

396 0 2 2 6

Mirjalol Urinboev

3 Oct 2024, 16:28

Репост из: 20 yoshimda tushunganimda edi

Tanlov

Telefonni ko'tarmaslik noqulay suhbat olib borishdan oson.

Reels ko’rish kitob o’qishdan oson.

Muammolarni unutish uchun seriallarga ko'milib yotish muammolarni qog'ozga yozib tahlil qilishdan oson.

O’yin o’ynash do’stlar bilan ko’rishishdan oson.

Hamma qiladigan oson qarorlarni qilyapmizmi? Hamma bilan bir xil yashashga rozi bo'laylik.

Oson tanlovlar qiyin hayot, qiyin tanlovlar esa oson hayotga yetaklashini esda tutaylik.

@mashrabov_aa

481 0 0 13

Mirjalol Urinboev

3 Oct 2024, 11:19

Ba'zida savollar javoblardan muhimroq.

Hozir javoblar qadrini yo'qotyapti. ChatGPT va boshqa sun'iy idroklar ham javob bera oladi.

Ana endi to'g'ri savol bera olish muhimroq. Hozir javoblar juda ko'p, qayerga qarasangiz ma'lumotlar.

Ana endi to'g'ri savollar berib, ularni "filtr" qilib olish muhim.

@mirjalolurinboev

423 0 3 1 8

Mirjalol Urinboev

2 Oct 2024, 04:33

Aytgancha challange boshladim, instagramsiz 30 kun.

Bugun 4-kun hozirdan natijasi sezilyapti, miya dam olyapti, fikrlar tiniqlashdi va eng asosiysi vaqtim ko'paydi.

Challange'ni 1 oydan keyin yana davom ettirishim mumkin, ko'ramiz.

Qila olsangiz qo'shiling!

@mirjalolurinboev

420 0 0 4 6

Mirjalol Urinboev

1 Oct 2024, 16:02

Hech qaysi produkt qimmat emas.

Mijoz qimmat dedimi, biz uni qiymatini to'liq ochib bera olmadik.

Uning muammolariga yechim bo'lishi ko'rsatib bera olmadik.

O'sha gap ayb o'zimizda mijozda emas)

@mirjalolurinboev