#live

Musiqa va sanʼat maktablari holati tahlil qilinmoqda

Xabar qilinganidek, “Bolalar musiqa va sanʼat maktablarida taʼlim sifati” mavzusida jamoatchilik eshituvi davom etmoqda. Tadbirda bunday maktablarning moddiy-texnik taʼminoti, o‘quv qo‘llanmalar bilan taʼminlash, pedagoglar va moliyalashtirish bilan bog‘liq muammolar Qoraqalpog‘iston Respublikasi hamda Andijon viloyati misolida tahlil qilinmoqda.

Qoraqalpog‘istonda musiqa va sanʼat maktablari faoliyatini o‘rgangan ishchi guruh rahbari Tojibay Romanovning taʼkidlashicha, ayrim maktablarda cholg‘u asboblari yetishmaydi, binolar taʼmirtalab, moliyaviy muammolar sabab o‘quvchilar nafaqat xalqaro, hatto O‘zbekiston miqyosidagi tanlovlarda ham qatnasha olmayapti.

Ayni paytda mamlakatimizda 320 tadan ortiq bolalar musiqa va sanʼat maktablari bor bo'lib, ularda 100 ming atrofida o‘g‘il-qiz xalq cholg‘ulari va estrada yo‘nalishida tahsil olmoqda.

MTDP | Telegram