MIB QASHQADARYO VILOYAT BOSHQARMASI

Қамалмаслик учун суд залида 82 млн. сўм алимент тўлаган ота...

Бугунги жамиятимизда афсуски, аксарият ҳолларда эр-хотин ўртасидаги оилавий низолар сабаб фарзандлар жабр кўрмоқда. Оилавий ажримлардан сўнг, ота ўз фарзандларини моддий таъминлаш тугул, хабар ҳам олмайдиган ҳолатларга дуч келяпмиз.

Бюронинг Шаҳрисабз шаҳар бўлими иш юритувида ҳозирда алимент ва моддий таъминот ундириш билан боғлиқ 1 420 та ижро ҳужжатлари мавжуд. Шулардан 753 нафар қарздорлар интизомли тўловчи сифатида ўз вақтида алимент пулларини тўлаб келмоқ

да.

Алимент тўлашдан қасддан бўйин товлаб келаётган қарздорларга нисбатан тегишли қонуний чоралар кўрилмоқда.

Жумладан, жорий йилнинг ўтган даврида 63 нафар қарздорларга нисбатан Маъмурий жавобгарлик тўғрисидаги Кодекснинг 47/4 моддасига асосан маъмурий қамоқ жазо чораси берилган бўлса, 2 нафарига нисбатан жиноят иши қўзғатилди.

Ана шундай жазолардан бирини шаҳрисабз Ғ.Хга ҳам қўллаш учун Бюронинг Шаҳрисабз шаҳар бўлими томонидан барча ҳужжатлар тайёрланган ва судга юборилган эди.

Сабаби, қарздор Ғ.Х. Фуқаролик ишлари бўйича Бекобод туманлараро суднинг қарорига асосан 2 нафар фарзанди учун алимент тўлаши белгиланган эди. Мазкур ҳужжат 16.12.2020 йилда Бюронинг Шаҳрисабз шаҳар бўлими иш юритувига келиб тушган. Огоҳлантиришларга қарамасдан қарздор алимент пулларини бир неча ой кам миқдорда тўлаб юрган ва кейинчалик номаълум манзилга кетган.

Қидирув тадбирлари натижасида топилган қарздор жорий йилнинг 21 октябрь куни Жиноят ишлари бўйича Шаҳрисабз шаҳар суди биносида бўлиб ўтаётган суд мажлиси жараёнида 82 млн. сўм алимент қарздорлигини тўлиқ тўлаб берди.

Шу сабабли жавобгарликдан озод қилинди.

Суд қарори билан ижро ҳаракатлари олиб борилмоқда

Жиноят ишлари бўйича Чироқчи туман судининг 26.08.2024 йилдаги ижро варақасига асосан қарздор З.Хужамиёровадан Чироқчи туман Электр таъминоти корхонаси фойдасига 4 млн. 974 минг 585 сўм ундириш белгиланган.

Маълум бўлишича, З.Хужамиёрованинг тумандаги “Яшнобад” МФЙ ҳудудида жойлашган яшаш уйида 2024 йил 26 апрель куни ўтказилган текширишда электр энергиясига ўзбошимчалик билан тўғридан тўғри уланиб, ноқонуний равишда фойдаланиб келаётганлиги аниқланган.

Фуқаро бу хатти-ҳаракатлари билан Вазирлар Маҳкамасининг 12.12.2018 йилдаги 22-сонли қарори билан тасдиқланган “Электр энергиясидан фойдаланиш қоидалари” талабларини бузганлиги оқибатида Ўзбекистон Республикаси Маъмурий жавобгарлик тўғрисидаги Кодекснинг 101-моддаси 1-қисмида назарда тутилган ҳуқуқбузарликни содир этган.

Мазкур ижро ҳужжати Бюронинг Чироқчи туман бўлими иш юритувига 24.10.2024 йилда келиб тушган ҳамда шу куннинг ўзида Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 23-моддасига асосан ижро иш қўзғатилган.

Қарздорга бу ҳақида SMS-хабарнома юборилиб, қарздорликни 15 кунлик ихтиёрий муддатда тўлаб бериши юзасидан огоҳлантирилган.

З.Хужамиёровага келгусида мазкур суд қароридан норози бўлган тақдирда юқори турувчи судга мурожаат қилиши мақсадга мувофиқ бўлади.

Фуқарога нисбатан қидирув эълон қилинган

“Адолат кўзгуси” газетасининг жорий йил 26-сентябр сонида фуқаро Ш.Эшпўлатованинг алимент пуллари ундириб бреилмаётганлиги юзасидан йўллаган мурожаати жойлаштирилди. Мурожаат Бюронинг Қашқадарё вилоят бошқармаси томонидан ўрганилди.

Аниқланишича, фуқаролик ишлари бўйича Шаҳрисабз туманлараро судининг ижро ҳужжатига асосан қарздор Ф.Тўраевдан ундирувчи Ш.Эшпулатованинг фойдасига бир нафар фарзандининг моддий таъминоти учун то у вояга етгунига қадар жами даромадининг ¼ қисм миқдорида алимент ундириш тўғрисидаги ижро ҳужжати бўлим иш юритувига 17.12.2020 йилда келиб тушган ҳамда ижро ҳаракатларига киришилган.

Қарздорнинг хорижга чиқиш ҳуқуқи вақтинча чекланган.

Қарздор 2022 йил март ойига қадар алимент пулларини тўлашдан бош тортиб келганлиги сабабли, суднинг қарорига кўра Ўз.Р.МЖтКнинг 47/4-моддаси 1-қисмига асосан 15 сутка маъмурий қамоқ жазосига тортилган.

Ижро ҳаракатлари даврида, қарздорнинг яшаш уйига борилганда, Ф.Тўраевнинг яқин қариндошлари томонидан у уйида йўқлигини маълум қилишган ҳамда унинг номида мол-мулки йўқлиги аниқланди.

Шу сабабли, 11.07.2024 йилда қарздорга нисбатан қидирув эълон қилинган.

Ота фарзанди учун бир йўла 60 млн. сўм алимент тўлади

Фуқаролик ишлари бўйича Яккабоғ туманлараро судининг 2016 йил 02 февраль кунидаги суд буйруғига асосан қарздор Ж.Эралиевдан ундирувчи М.Улашованинг фойдасига тарбиясидаги бир нафар фарзандининг моддий таъминоти учун у вояга етгунига қадар алимент ундириш белгиланган.

Мазкур ижро ҳужжати Мажбурий ижро бюроси Яккабоғ туман бўлими иш юритувига келиб тушган ва бўлим томонидан ижро ҳаракатларига киришилган.

Жумладан, бўлим давлат ижрочиси томонидан Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 42/1-моддасига асосан, қарздорнинг мамлакат ҳудудидан чиқиш ҳуқуқлари вақтинча чекланган.

Ж.Эралиев алимент пулларини шу кунга қадар тўлаб келган.
Жорий йилнинг октябрь ойида қарздор ўзига нисбатан ўрнатилган таъқиқларни олиб ташланиши учун бўлим давлат ижрочисига мурожаат қилди. Ҳуқуқий тушунтиришлар натижасида, қарздор фарзанди вояга етгунга қадар бўлган алимент пулларини бир йўла олдиндан тўлиқ тўламоқчилигини билдирди.

Томонларнинг ўзаро келишувига асосан Ж.Эралиев собиқ турмуш ўртоғи М.Улашовага 60 млн. сўм алимент пулларини бир йўла тўлаб берди.