2024-yil kitoblari 9/10

Bu kitob yoz o'rtalarida meni kuchli ekzistensial inqirozga olib keldi desam bo'ladi, shukurki hozir holatim ancha yaxshi!

Fromm "Ozodlikdan qochish" asarida odamning tashqi hokimiyatga, shohlarga, fashizmga bo'lgan tarixiy moyilligini o'rganadi.

Uning fikriga ko'ra, odamning jamiyatdan ajralib, o'zining individualitetini erkin ta'minlash jarayoni erkinlikning ijobiy va salbiy versiyalarini yaratadi.

Menga Frommning zamonaviy demokratik jamiyatlarda erkinlik muammosini muhokama qilgan bandlari juda yoqdi.

Zamonaviy demokratiyada bizni erkin bo'lishga undashadi, ammo bu erkinlik allaqachon biz uchun belgilab qo'yilgan va hech kimning fikrlari, g'oyalari yoki maqsadlari jamiyatdan kamida mustaqil bo'lgan emas.

Fromm anarxiyani tavsiya qilmaydi, lekin jamiyat maqsadlari kapitalni emas, balki bilim va individuallarni rivojlantirishga yo'naltirilishi kerakligini ta'kidlaydi.

Xullas bir o'tirishda o'qiladigan, lekin yillar davomida tushuniladigan kitobcha!

*Ushbu asar falsafa, psixologiya, jamiyatshunoslik fanlariga qiziqishi bor o'quvchilar uchun yaxshi tavsiya!

Hurmat ila,
@matbuotraisi