20 yoshimda tushunganimda edi

500 yil oldin yozilgan asar meni yig’latdi, shu paytgacha tushunmagan narsalarni tushuntirib berdi.

100 yil oldin aytilgan iqtibos hayotimni o’zgartirdi.

1,000 yil oldin yozilgan rivoyatdan ko’p hikmat oldim.

Louis Vuitton, Cartier, Rolls-Royce - bular barchasi eski brendlar, kamida 100 yillik tarixi bor.

Eski brendlarga kelganda ularni yangilardan ustun ko’ramiz,

Eski kitob va iqtiboslarga kelganda ham shunday qilaylik,

Chunki,

Bizgacha yetib kelishni o’zi bo’lmagan.

-

Kanalda yozilgan biror bir mavzu bo'yicha chuqurroq izoh yoki maslahat olmoqchi bo'lsangiz men bilan pullik nonushta yoki tushlikga yozilishingiz mumkin.

@mashrabov_aa

Ancha yil avval,

Hayotingiz davomida qilgan eng katta xato to'g'risida so'zlab bering deb so'rashdi, tilim ojiz bo'ldi.

Otangiz sizga nimalarni o'rgatgan deb so'rashdi, hech o'ylab ko'rmagan ekanman, javob bera olmadim.

3ta yomon xislatingiz haqida gapirib bering deb so'rashdi, javob bera olmagan edim.

Yangiliklarni qoldirmasdan o'qigan ekanman-ku,

Dunyoni yaxshiroq tushunish uchun ilmiy kitoblar o'qigan ekanman-ku,

Lekin,

O'zim haqimda deyarli hech narsa bilmas ekanligim o'ylantirib qo'ydi.

Hayotimdagi katta o'zgarishlar o'zligimni o'rganishdan boshlandi.

Mishel de Montel bejizga aytmagan ekan,

Eng buyuk sayohat - ichimizga bo'lgan sayohat, deb.

-

Kanalda yozilgan biror bir mavzu bo'yicha chuqurroq izoh yoki maslahat olmoqchi bo'lsangiz men bilan pullik nonushta yoki tushlikga yozilishingiz mumkin.

@mashrabov_aa

Morgenshtern (millioner, qo'shiqchi) "og'ir depressiya qiynayapti" deb yozdi.

Avici (millioner, DJ) o'z joniga qasd qildi.

Zappos asoschisi (milliarder, tadbirkor), vafot aytishidan oldin u depressiyadan aziyat chekkan ekan, do'stlarining aytishlari bo'yicha.

Muvaffaqiyatni pul bilan o'lchashni o'rgatishadi.

Baxtni pul bilan o'lchashni o'rgatishadi.

Agar shu rost bo'lganida million va milliardlab do'llar puli bor odamlar o'z joniga qasd qilisharmidi?

Pul muhim, o'ta muhim,

Lekin,

Ruhan yetuk bo'lmasak u tomog'imizni qirib o'tadi. Kayf bermaydi.

@mashrabov_aa

Shokoladli to'rt

Ko'rgazmada yangi tanishlar orttirdim. 70% vaqt men gapirdim. Ular bilan boshqa ko'rishmadim.

Mijoz bilan muzokara qilgani bordim. 70% vaqt men gapirdim. Sotuv qila olmadim.

Ko'p gapirish miyamizni mukofot (dofamin) markazlarini faollashtirar ekan.

O'zimiz haqimizda gapirish shokoladli to'rt bo'lagi yeyish bilan deyarli bir xil narsa ekan.

Shuning uchun ham ko'p gapiramiz.

Lekin,

Bizni eshitayotgan odam ham shokoladli to'rt yeyishni xohlaydi, shuni unutmaylik.

Munosabatlarimiz yaxshilanishini xohlasak,

Ko'proq gapirishga beraylik.

@mashrabov_aa

1 milliard pulimiz bor. Sahroda uyg'onib qoldik. 50-60 gradus issiqda sarson bo'lip yuripmiz. Qattiq charchadik, holimizda hol qolmadi.

Yo'limizdan chol chiqib 1 stakan suv uchun 1 milliard pul so'radi, majbur berdik, aks holda o'lar edik suvsizlikdan.

Xudoning roziligi, hissiyotlar, e'tirof, boshqa odamlarning og'irini yengil qilish yoki o'zimizdan keyin nomoddiy meros qoldirish uchun ishlaylik,

Faqat pul uchun emas,

Chunki

Butun boshli yig'gan boyligimiz 1 stakan suvchalik turar ekan xolos.

@mashrabov_aa

Hammaga maqtab yurgan do’stim 2 kundan keyin ko’nglimni ranjituvchi ish qildi.

Hammaga maqtab yurgan xodimim 5 kundan keyin juda katta «parot» qildi.

«Hissiyotlarga berilib xaridlar qilma» deb tanbeh berdim shogirdimga. Ertasi kuni tanishimni yangi mashinasiga o’tirib, mashinamni yangilagim kelib qoldi.

«Juda ahmoqona ish qilyapsan» deb so’kib berdim ukamni. Biroz vaqt o’tib menga ham shunday deyishdi.

Kimnidir maqtadikmi? So’kdikmi? Maslahat berdikmi? Tanbeh berdikmi?

Shu narsalar bilan sinalishga tayyor turaylik.

Sinalishga tayyor bo’lmasak jim yuraylik, ortiqcha gapirmasdan.

@mashrabov_aa

Uyini maqtanyaptimi?

Mashinasini maqtanyaptimi?

Qimmatbaho xaridlarini ko’z ko’z qilyaptimi?

U yoki yoshligida yetarlicha e’tirof olmagan,

Yoki,

U bizga nimadir sotmoqchi.

Katta ehtimol bilan shunday hayotga erishish bo’yicha kurs.

Havas uyg’otib narsa sotish oson.

Hammamiz tez boy bo’lib ketgimiz keladi. Nafs bilan kurashish oson emas.

Bilimni «ko’z-ko’z» qilib narsa sotish ancha qiyin.

Qiyin yo’lni tanlaganlarni kuzataylik, ko’proq qiymat olamiz.

@mashrabov_aa

Chalg'imaymiz

Suhbat paytida suhbatdan chalg'imaymiz.

Uyqu paytida uyqudan chalg'imaymiz.

O'qish paytida o'qishdan chalg'imaymiz.

Mashg'ulot paytida mashg'ulotdan chalg'imaymiz.

Rulda yo'ldan chalg'imaymiz.

Ish paytida esa ishdan chalg'imaymiz.

Telefonimiz xabarnomalarini o'chirib qo'yaylik. Chalg'imaymiz.

Chalg'itishga arzigulik xabarlar deyarli kelmaydi, ishonavering.

@mashrabov_Aa

Maqsad

Maqsad qo’ymasak xotirjam yuramiz.

Maqsad qo’ymasak asabiylashmaymiz,
kayfiyatimiz buzilmaydi.

Maqsad qo’ymasak og’riqsiz yashaymiz.

Maqsad qo’ymasak yutqazmaymiz.

Chunki «yutqazdim» deyish uchun, o’yinda bo’lishimiz kerak, maqsad kerak.

Yutqazishdan qo’rqib maqsad ham qo’ymaymiz. O’yinda qatnashmaymiz.

Lekin shuni yodimizda tutaylik,

O’yinda qatnashmadikmi? Yutqazdik.

Garchi mag’lubiyatni tan olmasak ham.

@mashrabov_aa

Ish safari

Dubayga yoki Baliga 7 kunlik tur sotib olamiz.

5 yulduzli mehmonxonada yotamiz. Mehmonxonani ichida akvaparkdan tortib diskotekagacha bor. Chiqishni hojati yo'q. Asosan o'zimizga o'xshagan turistlar bilan gaplashamiz. Suhbatlarimiz "sayoz" bo'ladi ,mavzular esa jiddiy emas va asosan "ob-havo" haqida.

Safardan qaytib "dunyoqarash kengayish uchun ko'proq qilib turish kerak ekan" deb qo'yamiz o'zimizga.

Lekin,

Dunyoqarash 5 yulduzli mehmonxonada dam olish yoki turistlar orasida mashhur bo'lgan joylarga borib rasmga tushish bilan kengaymaydi.

Dunyoqarash ish bilan ketilgan safarlarda kengayadi.

Ishimizni mahalliy aholi bilan "chuqur" gaplashmasdan hal qila olmaymiz.

Chuqur suhbatlar oqibatida bu joylarda ijtimoiy muammolarga, biznes olib borishga, ta'limga yoki farzand tarbiyasiga qanday ko'z bilan qaralishini ko'ramiz.

Narsalarni boshqaga rakursda ko'rishni boshlaymiz, bu esa dunyoqarash kengaytirish uchun asosiy masalliq.

Dunyoqarashni kengaytirmoqchi bo'lsak ish yoki izlanish safarlariga ko'proq chiqib turaylik,

2 kunga qo'shni viloyatga ish uchun qilingan safar orqali 14 kun Maldivga dam olish uchun qilingan safardan ko'proq dunyoqarashimizni kengaytiradi.

@mashrabov_aa

Bandlik

Qizlar bilan gaplashib zino qilishni tashlayman dedi. Eplay olmadi.

O’yin o’ynashni tashlayman dedi. 2 kundan keyin yana yuklab oldi.

Instagram’da behuda vaqt sarflashni tashlayman dedi. Uzog’i 5 kun chidadi.

Seriallarni deb umrim o’tib ketyapti, tashlayman dedi. 1 haftaga ham bormadi.

Bo’sh vaqtimiz ko’p bo’lar ekan, nafsimiz doim irodamiz ustidan g’alaba qozonadi.

Tirik ekanmiz, umrimizni oxirigacha nafsimiz bilan kurashamiz.

Nafsimizni yengishning yagona yo’li hayolimizni band qilish,

Hayolimizni band qilishni yagona yo’li qo’limizni ish bilan band qilish.

@mashrabov_aa

Kulgimiz kelishi kerak

Dostoyevskiy va Tolstoy adabiyot olamidan,

Bezos va Mask biznes olamidan,

Billi Aylish va Jastin Biber shou-biznes olamidan,

Salvador Dali va Endi Uorxol san'at olamidan,

Bularning barchasi vaqt o'tib o'zlari qo'l urgan ishlarni yomonlab va kulib chiqishgan. Kimdir 1-2 yildan keyin, kimdir esa 5-6 yildan keyin.

1 yil oldin yozgan postlarimni o'qisam kulgim keladi, shunchalik ham "sayoz" yozamanmi deb.

2 yil oldin qilgan ishlarimni tahlil qilsam kulgim keladi, shunaqa ham kalta o'ylaymanmi deb.

3 yil oldin qilgan biznes prezentatsiyalarimni ko'rib dumalab tushay dedim.

Vaqt o'tgach, qo'l urgan ishlarimizni sifatiga qarab kulgimiz qistamadimi? Demak o'smadik.

@mashrabov_aa

O'lchash

Har hafta taroziga chiqmasak vaznimizni pasaytira olmaymiz.

Har oy korxona daromadini tahlil qilmasak sof foydani oshira olmaymiz.

Vazifalarimizmi yozib bajarishni o'rganmasak ishimiz samaradorligini oshira olmaymiz.

Sekundomer bilan yugurmasak yugurishimiz tezligini oshira olmaymiz.

Biror narsani o'stirmoqchimizmi? O'lchashni boshlaylik.

Chunki,

O'lchagan narsani nazorat qila olamiz. Nazorat qila olgan narsani o'stira olamiz.

@mashrabov_aa

Kapitan ishi

1. Ronaldo Marchester United murabbiysi Ten Xag bilan chiqisha olmadi.

Ten Xag’ni Ronaldochalik butun dunyoda tanishmaydi, uni xattoki instagram sahifasi ham yo’q. Ronaldoni fanatlari ancha ko’p.

Lekin oxir oqibat Manchester United’ni Ronaldo tark etdi.

Ko’pchilikka, ayniqsa MU muxlislariga bu qaror yoqmadi.

2. Ilya Sutskever Sam Altman bilan chiqisha olmay qoldi.

Sutskever kompaniyada bosh muhandis edi, kompaniya «yuragi» edi.

Lekin baribir kompaniyani u tark etdi.

Ko’pchilikka bu qaror yoqmadi.

Ikkala holat ham juda o’xshash. Biri sport, ikkinchisi esa texnologiya dunyosidan.

Ikkala holat ham 1 narsani o’rgatadi,

Har qanday kema kapitani matrosni ishini qila oladi (kamida matros yollay oladi).

Lekin, har qanday matros kema kapitanini ishini qila olmaydi.

Shuning uchun kapitan doim matrosdan ustun turadi.

@mashrabov_aa

5 yildan keyin ham shunday deymiz

Bir loyihamiz uchun ijaraga joy ko’rgani Vodiyga bordik.

10 yil oldin suv tekinga gektar-gektar yer sotib olgan akalarni joyini ko’rdik. Hozir u yerlar narxi x1,000 gacha ko’tarilgan. Akalar multi millioner bo’lishgan.

Sherigim «Abror aka 10 yil oldin biz ham shu joylardan yer sotib olganimizda millioner bo’lar ekanmiz» dedi.

5 yildan keyin «2025 yilda X ishni qilganimizda millioner bo’lib ketar edik» deymiz, 100% ehtimol bilan.

10 yildan keyin esa 2035 haqida shunday deymiz. Va buni oxiri bo’lmaydi.

Unutmaylik,

Multi millioner bo’lib ketish uchun katta omad kerak.

Katta omad uchun esa tayyor bo’lishimiz kerak.

@mashrabov_aa

Chempionlardan mag’lub bo’lish

Jamoasida Ronaldo o’ynaydigan jamoaga futbolda yutqizsak uyat bo’lmaydi.

Roy Jones bilan 1:1 jangga chiqib kaltak yesak uyat bo’lmaydi.

Garri Kasparov bilan shaxmat o’ynab beshinchi yurishni o’zida mot bo’lsak uyat bo’lmaydi.

Chunki,

Bular bilan raqib bo’lishga rozi bo’lishni o’zi katta gap.

Mag’lub bo’lsak ham katta jasorat ko’rsatgan bo’lamiz. Agar yutsak qahramon bo’lamiz.

Ikkala holatda ham yutug’imiz bor.

Mag’lub bo’lsak ham chempionlarga mag’lub bo’lgan yaxshi.

Bu degani,

Katta loyihalardan (chempionlardan) qo’rqmaylik. Kaltak yesak Taysondan kaltak yeylik.

@mashrabov_aa

Bahs

Kimdir mening qarorimga qo‘shilmasa yoqtirmas edim. Suhbat bahslashishgacha yetib kelganida asabim buzilar edi. Turib ketar edim. Chunki bahslashishni yomon deb bilar edim.

Hech qanday e’tirozlarsiz va bahslarsiz qabul qilgan moliyaviy qarorlarimni tahlil qilganimda ba’zilar to‘g‘ri bo‘lib chiqqan ekan. Aksariyati esa noto‘g‘ri. Oqibatda ko‘p asab va pul yo‘qotdim.

Hozir bir loyiha ustida ishlayapmiz. Moliyachidan pul olish qiyin. Bahslashish kerak, isbotlash kerak. Ba’zida kunlar ketadi. Ba’zida beradi, ba’zida esa yo‘q. Natijada halokat bizdan uzoq yuradi.

Venchur kapitalistlar "agar xonada hamma X loyihaga sarmoya qilishga rozi bo‘lishsa, demak bu yomon sarmoya" deb aytishadi. Bu gaplarni aytishdan oldin ular milliardlab $ yo‘qotishgan.

Quloq solaylik.

Kimdir bizni gapimizga qarshi gap aytib bahslashmoqchimi? Halokat uzoq.

Hech kim bahslashmay qo‘ydimi? Halokat yaqin.

@mashrabov_aa

Chiroyli gaplar

Mussolini juda chiroyli gapirar edi. Uni ketidan butun Italiya ergashdi. Lekin Italiya vayron bo’ldi.

Gebbels juda chiroyli gapirar edi. Uning gaplariga butun Germaniya quloq solar edi. Lekin Germaniya vayron bo’ldi.

Elizabet Xolms juda chiroyli prezentatsiyalar qilar edi. Investorlar lol qolishar edi. Lekin barcha investorlar pullariga kuydi.

Kecha 2 kishining 3 soatli debatini ko’rib tugatdim.

Orada buri ikkisiga juda ham o’rinli argumentlar va «tupikga» tiqadigan savollar berdi. Lekin, savollarni qabul qilgan odam juda ham kuchli ritorik edi.

Uning javoblari noto’g’ri bo’lsa-da u gaplarini juda ham katta ishonch bilan va chiroyli gapirdi. Oqibatda debatni yutdi.

Chiroyli gaplarga ergashganlarni holi voy bo’lishi tepada ko’rdik.

Shuning uchun,

Chiroyli gaplarga aldanib qolmaslik uchun har bir gapni tagiga yetaylik.

@mashrabov_aa

Noqulay ishlar

Moliyaviy tahlil menga zerikarli va noqulay ishdek tuyular edi. Qilmas edim. Oqibatida loyiham bankrot bo’ldi.

Sabzavotli va oqsilga boy ovqat menga bemaza tuyular edi. Yemas edim. Oqibatda barcha analizlarim yomon chiqdi.

Ishlar ko’payib ketganida sport bilan shug’ullanish noqulay edi. Shug’ullanmas edim. Oqibatda haddan ortiq jahldor bo’lib qoldim va quvvat kamayganini sezdim.

Biror bir ishni qilish bizga noqulaymi? Demak u muhim.

Faqat qulay ishlarni qilish noqulay oqibatlarga olib kelar ekan.

Noqulay ishlarni qilish uchun kuch tilab qolaman. Yangi yil muborak.

@mashrabov_aa

Gravitatsiya

Raketa 90% yoqilg’isini 1% masofa uchun sarflar ekan, gravitatsiyani yengib o’tish uchun.

Marshrutning 1% ni bosib o'tgandan so'ng, inertsiya tufayli u harakatni davom ettiradi va qolgan 10% yoqilg'i bilan umumiy masofaning 99% ni bosib o'tar ekan.

Kibrimizni yo’qotish uchun 90% «yoqilg’imizni» sarflaylik,

Qo’rquvlarimizni yo’qotish uchun 90% «yoqilg’imizni» sarflaylik,

Va fikrlashimizni kengaytirish uchun uchun 90% «yoqilg’imizni» sarflaylik.

Kibr, qo’rquvlar, fikrlashimiz - shular yer «gravitatsiyasini» yengib o’tishga to’sqinlik qilyapti.

Chunki ular,

Qarorlarimizga,

Qarorlarimiz harakatlarimizga,

Harakatlarimiz esa natijalarimizga ta’sir qiladi.

@mashrabov_aa