Ma'rufjon Blogi

Irvin Yalomning “Nitshe yig‘laganda” (Когда Ницше плакал)

Kimdir baxtni va xotirjamlikni xohlaydi, shu sabab ishonadi, amal qiladi, butun umr xotirjam yashaydi. Yana kimdir esa haqiqatni topishni xohlaydi, shuning uchun umrini izlash bilan o‘tkazadi.

Bu kitob mizantroplarga (odamlardan uzoqlashib yashaydigan, ular bilan murosa qilolmaydigan) foydali bo‘lishi mumkin. Nitshe hayotdagi umidini yo‘qotib qo‘yadi. Unga esa Breyer (ha,ha, aynan Zigmund Freydning do‘sti va ustozi, psixoanaliz asoschilaridan biri) yordamga keladi. Ikkalasining suhbatlari... To‘g‘risi, bu kitob bir martalik emas, yana qayta murojaat qilinadigan kitob.

Tasavvur qiling, Nitshe va Breyer hayotda ham uchrashganda (ha, ular hayotda umuman uchrashmagan). Qanday yoqimli suhbatlar qoldirilgan bo‘lardi bizga. Ikki xil dunyo, ikki xil buyuklik. Undan tashqari Zigmund Freyd ham ishtirok etgani, kitobni o‘qishimga sabablardan biri bo‘ldi.

Kitobga sizni yanada qiziqtirish uchun quyidagi iqtiboslarni qoldiraman:

- Hayotimda qancha narsalarni qaramasdan o‘tkazib yubordim, balki qaradim, lekin ko‘rmadim;

- Sen o‘zingni yoqishga tayyor bo‘lishing kerak, qanday qilib kulga aylanmasdan yangilanish mumkin?

- Agar sen o‘z hayoting rejasiga ega bo‘lmasang, unda hayotning tasodiflar zanjiriga bog‘lanib qolishingga to‘g‘ri keladi;

- Har bir inson hayotida bir marta bo‘lsa ham quyosh chiqishini tomosha qilishi, ajoyib imkoniyatlarni izlashi, jasurlik va qalb boyligini sevishi lozim — har bir inson hech bo‘lmaganda hayotida bir marta...

@marufjonblogi

Yil oxiriga kelib, kitob borasida “ishtaham ochildi” shekilli. Oxirgi 5 kun ichida allaqachon 3-kitobni boshladim.

Oldingi 2 tasini aytolmayman (ular asosida video qilyapman), lekin 3-boshlagan kitobim Remarkning “Uch og‘ayni” romani. O‘qiganlar bormi? Kamida “G‘arbiy frontda o‘zgarish yo‘q” kabi hissiyotlar ololamanmi?

@marufjonblogi

Ishoning, mana shuni ichidagi kanallarga kirsangiz, eng a'lo, bitmas xazina - bilimlar bazasiga ega bo'lasiz:

https://t.me/addlist/ac7BAnxWEHYwM2I6

Ha, bu qahramonimiz Grinch edi. O‘tgan asrning 50-yillarida yaratilgan qahramon. Yashil terili, doimiy ravishda ma’yus va yolg‘izlikni yaxshi ko‘ruvchi Grinch Whoville qishlog‘ining shovqinli Rojdestvo bayramini yomon ko‘radi.

Grinch hikoyasini ko‘pchilik yaxshi biladi. U odamlardan uzoqda, cho‘qqining yuqori qismida yashashni yaxshi ko‘radi. Bi ijtimoiy ajralishning o‘ziga xoz mevasi.

Jim Kerri ijrosidagi filmda uning bolalikdagi holati ochib berilgan. Maktabdagi tengdoshlari tomonidan rad etilishi va mazax qilinishi uning jamiyatdan uzoqlashishiga sabab bo‘lgan. Grinch o‘z his-tuyg‘ularini boshqarishda qiyinchilikka uchraydi. U nafaqat Rojdestvoga, balki baxt va mehr-oqibatni ifodalovchi har qanday hodisaga nisbatan nafrat bilan munosabatda bo‘ladi.

Grinchning keskin munosabatlari uning o‘z-o‘zini himoya qilish mexanizmi sifatida ishlaydi. U nafrat va istehzo orqali o‘zini zaiflikdan himoya qiladi. Bu esa agressiyani tashqariga yo‘naltirish orqali namoyon bo‘ladi. U qishloqdagilarning unga bo‘lgan muhabbati, ochiq munosabatlari orqali o‘zgarishga erishadi.

Grinchning hikoyasi – bu nafaqat bayramlar haqida, balki insoniy hissiyotlarning murakkabligi va sevgi orqali qayta tiklanish imkoniyati haqida hamdir.

@marufjonblogi