"Markaziy Farg'ona" gazetasi | Rasmiy kanal

ИНСОФ САРИ БАРАКА!

Таассуф (Коса оқариши мавзусида).

Яқинда ҳаммамиз энди одатланиб қолган каттакон супермаркетдан қадоқланган ширинлик олиб, кассага борганимда, хизматчи йигит: "Амаки, бу сизга бўлмайди" деб қолди. "Нега энди, қутининг устида бугунги санаку", десам. "Барибир бўлмайди", деб туриб олди. Кейин шаффоф қадоқ қутининг ичига қарадим. Дарҳақиқат, ширинликнинг бир чеккасида моғор борийди. Йигитчага миннатдорчилик билдириб, ташқарига чиқдим. Бу воқеага 3 ойча бўлди. Куни кеча интернетда "Майиз (магиз) га краска сепилади" деган хабарни эшитиб, ишонмадим. Бозорга кирдим. Магиз сотаётган йигитдан "Краска сепилмаганми?" деб сўрадим. У ҳайрон ҳам бўлмади, жаҳли ҳам чиқмади. "Одатда ўта йирик магизларга,қиммат сортларга сепилади, амаки", деди. Ювсангиз, краскаси чиқади".
Хулоса: Эшшакнинг гўштидан таом тайёрлаб, юртдошларимига едирар эканмиз, сутга сув, қаймоққа қатиқ қўшиб сотар эканмиз, бозорда ҳам, дўконда ҳам ҳам бўйидан, ҳам эгнидан ураверар эканмиз, бензин, гуруч, шакар, мош, ун (ҳамма нарсага паст сортларни аралаштирар эканмиз), ўзбекларнинг, мусулмонларнинг биринчи фазилати ва вазифаси озодалик. саришталик эканини унутиб қўяр эканмиз, зино, сотқинлик. хиёнат, фирибгарлик каби иллатларга одатий ҳол деб қарашни тўхтатмас эканмиз, китобдан узоқлашар эканмиз, қариялар ва ёш болаларга муносиб ҳурмат кўрсатмас эканмиз, косамиз оқармайди. "Инсоф сари барака" эканини унутмайлик азизлар.

Шоазим МИННОВАРОВ.
Фейсбук.

БОР БЎЛИНГ!

Аввалдан, гап пойлаб, бировга етказиб юрадиганлар учун "қулоқ" деган ибора ишлатилади. "Фалончидан эҳтиёт бўл, у фалончиларни "қулоғи", дейилади

Замон ўзгариб, бу термин ёнига "кўзлар" деган иборани қўшишга эҳтиёж пайдо бўлмоқда

"Кўзлар" бу ижтимоий тармоқларда дўстлар сафида бор ёки телеграмда гуруҳларда бор. Лекин борлигини билдирмай, лайк босмай, гапга аралашмай кузатиб ўтирувчилардир.

Уларни борлигиниям билмайсиз, лекин улар сизни кузатишади. Бор бўлишсин!

Ассалому алайкум,
якшанба тонгига етказганига шукр!

Фёдор Достоевскийдан 22 иқтибос:

1. Фақат сенга муҳтож бўлганлар учун яшаш керак... Фақат ишончли инсонлар билан дўст бўлиш шарт… Фақат самимий одамлар билан мулоқот қилиш лозим… Ва фақат сени қадрлайдиганлардан миннатдор бўлишинг мумкин.
2. Ҳеч ким эр ва хотин ўртасидаги муносабатлар ҳақида, улар бир- бирларини севадиларми ёки йўқми , билиши шарт эмас. Улар нима сабаб тортишиб қолишган бўлмасин, ҳатто оналарини ҳам ўртада ҳакамликка чақирмасликлари, бу ҳақда бошқаларга гапирмасликлари шарт. Улар ўзларининг ягона ҳакамларидир. Муҳаббат — илоҳий сирдир ва у нима бўлса ҳам бегона кўзлардан панада бўлиши лозим.
3. Хотирангизни гина - кудурат билан тўлдирманг, акс ҳолда у ерда гўзал дақиқалар учун жой қолмайди.
4. Инсон ҳамма нарсага, агар чин дилдан истаса, албатта вақт топади.
5. Биргина қуёш нури инсоннинг қалбида мўъжиза ярата олиши ажабланарли.
6. Болалар ёнида инсоннинг руҳи шифо топади.
7. Сен учун ҳамма нарсага тайёр бўлган инсонни ҳеч қачон оғритма.
8. Вақт ўтиши билан сен томон бир одим отмаган одамларга қўл узатишдан ҳам чарчайсан.
9. Ҳаётда ҳамма нарса вақтинчадир. Агар ишларинг яхши бўлса — қувон, чунки у абадий давом этмайди. Агар ҳаммаси ёмон бўлса — ғам чекма, чунки, у ҳам абадий эмас.
10. Бир куни ҳаётингда янги инсон пайдо бўлади ва у олдингиларни ғуборга айлантиради.
11. Ҳаётни ҳаёт моҳиятидан ҳам кўпроқ севиш керак.
12. Ҳамма гап шунда: агар совуққон бўлсанг — одамларни яралайсан. Агар кўнгилчан бўлсанг — одамлар сенга азоб беради.
13. Аксарият одамлар қўрқадиган учта нарса бор: ишониш, ҳақиқатни айтиш ва ўзингни борича кўрсатиш.
14. Инсон ақлли бўлиши мумкин, лекин оқилона ҳаракат қилиш учун фақат ақлнинг ўзи кифоя эмас.
15. Инсонни йўқ қилиш учун кўп нарса керак эмас: бунинг учун у амалга ошираётган ишлар ҳеч кимга керак эмаслигини айтиш кифоя.
16. Ҳеч ким биринчи бўлиб қадам ташламайди, чунки, аксар одамлар олдин бошқалар юришини кутади.
17. Ҳар нарсанинг босиб ўтиш хавфли бўлган чегараси бор; агар чегарадан ўтдингми, орқага қайтиш мумкин бўлмайди.
18. Ҳаётда мақсадсиз яшаш қийин.
19. Бирор фойдали иш қилмоқчи бўлган инсон, гарчи қўллари боғлаб ташланган бўлса ҳам кўп эзгуликлар қилиши мумкин.
20. Агар мақсад сари йўл олсанг-у, йўлда сенга ҳуруб чиққан ҳар бир итга тош отиш учун тўхтасанг, манзилга ҳеч қачон етиб боролмайсан.
21. Ҳар биримиз кимгадир ёки нимагадир содиқмиз.
22. Катталар билмайдиларки, ҳатто, энг оғир ишда ҳам болалар муҳим маслаҳат бера олишади.

Русчадан Юсуф Расул ўгирган.

Ёзёвон туман 1- политехникумида миллий қадриятлар ойлиги доирасида “Миллий қадриятлар – миллат маънавиятининг кўзгуси” мавзусида маънавий-маърифий тадбир ўтказилди. Таълим муассасасининг ходимлари ва ўқувчилари миллийликни либосларида уйғунлаштирган ҳолда ўз иш фаолиятларини олиб боришди. Шу билан бирга миллий ўқув гуруҳлари ҳам ташкил этилди.