Magistrate _zdf⚖️

⚡️Yana oltita kodeks ishlab chiqiladi

Yaqin yillarda mamlakatimizda oltita muhim yo‘nalishda yangi kodekslar ishlab chiqilishi va qabul qilinishi kutilmoqda

1. Ijtimoiy himoya kodeksi. Fuqarolarning ijtimoiy huquqlarini tizimlashtirish, ijtimoiy ta’minotga oid barcha normalarni yagona hujjatda jamlash, muhtoj oilalarni qo‘llab-quvvatlash va farovonlik indeksini joriy etish ko‘zda tutilgan.

2. Ta’lim kodeksi. Ta’lim sohasidagi qonunchilikni tizimlashtirish, pedagoglar maqomini mustahkamlash, ularning huquq va imtiyozlarini belgilash, inson huquqlari madaniyatiga asoslangan muhit yaratish maqsadida ishlab chiqiladi.

3. Ekologiya kodeksi.Ekologik huquqlarni ta’minlash, atrof-muhitni muhofaza qilishda davlat va jamoatchilik nazoratini kuchaytirish, ekologik nazorat va ekspertiza tartiblarini belgilaydi.

4.Aholi sog‘lig‘ini saqlash kodeksi.Tibbiy xizmatlardan samarali foydalanish, sog‘liqni saqlash tizimidagi qonunlarni izchil va qulay qilish, sifatli dori vositalari hamda emlash xizmatlarini ta’minlashni ko‘zda tutadi.

5.Tadbirkorlik kodeksi. Tadbirkorlik faoliyatini yengillashtirish, huquqiy barqarorlikni ta’minlash, tadbirkorlarning huquqlari va manfaatlarini samarali himoya qilishga qaratilgan muhim huquqiy asos bo‘ladi.

6.Bola huquqlari kodeksi.
Bola huquqlariga oid barcha qonunlarni tizimlashtirish, BMTning Bola huquqlari to‘g‘risidagi konvensiyasi va uning Fakultativ protokollarini milliy qonunchilikka to‘liq va izchil tatbiq etish maqsad qilinadi.

Yuristlarga esa sabr tilaymiz, yana qancha kodekslarni o‘qish, tahlil qilish va tushuntirish turibdi oldinda!

👉@magistratem👈

Принести с собой телефон на процесс невозможно, но я поделился этим с вами, потому что это интересно.😅✅

⚡️Yoshlar daftariga kiritilgan talabalarning 18 mln 750 ming so‘mgacha bo‘lgan to‘lov-kontrakt pullari to‘lab beriladi

Ariza berish uchun mahalla yoshlar yetakchisiga murojaat qilish, yoshlardaftari.uz sayti orqali onlayn ariza yoki 1093 raqami orqali bogʻlanish mumkin.

Vazirlar Mahkamasining 312-sonli (7.06.2022) qarori 35-bandi va mazkur nizomning 8-ilovasiga ko‘ra, quyidagi toifalar:

➖ Temir daftarga kiritilgan oila farzandi;
➖ Ayollar daftariga kiritilgan ayollar farzandi;
➖ Ijtimoiy himoya yagona reestri ATga kiritilgan oilaning professional yoki OTM da taʼlim olayotgan farzandi;
➖ Mehribonlik uyi yoki Bolalar shaharchasida tarbiyalangan o‘quvchi-talaba;
➖ Ota-ona qaramog‘idan mahrum bo‘lgan, vasiylikka olingan kam taʼminlagan o‘quvchi-talaba;
➖ Oila aʼzolarining kamida bittasi I guruh yoki har ikkisi II guruh nogironligi bo‘lgan kam taʼminlagn oilaning professional yoki OTM da taʼlim olayotgan farzandi;
➖ Nogironligi yoki salomatligida nuqsoni bo‘lgan o‘quvchi-talaba;
➖ Oilasi kam taʼminlangan talabaga to‘lab berilishi nazarda tutilgan.

Respublikamizdagi professional taʼlim tashkilotlarida taʼlim olayotgan, shuningdek, O‘zbekiston Respublikasida faoliyat olib borayotgan davlat, nodavlat oliy taʼlim tashkilotlari va xorijiy oliy taʼlim tashkilotlarining filiallarida:

➡️ bakalavriatning kunduzgi, sirtqi va kechki shaklida;
➡️ magistraturaning kunduzgi yo‘nalishida taʼlim olayotgan talablarga to‘lov-kontrakt asosida o‘qish bo‘yicha yillik xarajatlarining bir qismi to‘lab beriladi.

✔️ Ushbu xarajatlarni to‘lab berish yoshlar yetakchisining ijobiy tavsiyasi asosida to‘lov-kontraktining 50 foizigacha, biroq BHM ning 50 baravari (18.750.000 so‘m) dan oshmagan miqdorda sxemaga muvofiq amalga oshiriladi.

❌ To‘lov-kontrakt xarajatlarining bir qismini qoplab berish quyidagilar toifalarga amal qilmaydi:

➖ ikkinchi va undan keyingi mutaxassislik;
➖ qo‘shma taʼlim dasturlari;
➖ tabaqalashtirilgan to‘lov-kontrakt asosida taʼlim olayotganlarga nisbatan tadbiq etilmaydi.

@magistratem

Qonunchilik palatasining Kengashi va Devoni.

35 ta Qonun hujjatlarini oʻqir ekansiz, juda koʻplab qonunlarda Qonunchilik platasining Kengashi va Devoniga koʻzingiz tushadi.

Bular aslida koʻringanidek murakkab tuzilmalar emas. Ammo muhimligi aniq. Shu sababli bilib qoʻyish zarar qilmaydi. Hozir bularni oddiy va qisqa tushuntiraman.

1️⃣ Qonunchilik palatasi Kengashi.

Bu Oliy Majlis Qonunchilik palatasining ichki faoliyatini muvofiqlashtiruvchi organ bo‘lib, uning tarkibiga spiker (rais), o‘rinbosarlar, qo‘mitalar raislari va fraksiya rahbarlari kiradi xolos. Qonunchilik palatasidagi «rahbarlarning guruhi» desak ham boʻladi.

Kengashning asosiy vazifalari:

Palataning ish rejasini belgilash.

Qonun loyihalarini muhokama qilish va kun tartibini shakllantirish.

Parlament faoliyatining tashkil etilishi bo‘yicha muhim qarorlar qabul qilish.

Deputatlarning faoliyatini muvofiqlashtirish.

Hukumat va boshqa organlar bilan hamkorlikni yo‘lga qo‘yish.


Kengash, asosan, Qonunchilik palatasining spikeri rahbarligida faoliyat yuritadi.

2️⃣ Qonunchilik palatasi Devoni

Bu palataning ish yuritish, hujjatlar bilan ishlash va tashkiliy-texnik qo‘llab-quvvatlash bilan shug‘ullanuvchi ijro etuvchi organidir. Xullas asosan tashkiliy ishlar bilan shugʻullanadi.

Devonning asosiy vazifalari:

Qonunchilik palatasi yig‘ilishlarini tashkillashtirish.

Hujjatlar tayyorlash va yuritish.

Deputatlarni ma’muriy va texnik jihatdan qo‘llab-quvvatlash.

Axborot va matbuot xizmati faoliyatini olib borish.

Xalqaro aloqalar va tashriflarni tashkil qilish.

Oddiy qilib aytganda:

Kengash – rahbarlardan tashkil topgan va muhim qarorlar qabul qiluvchi organ.

Devon – tashkiliy va ish yuritish bilan shug‘ullanuvchi ijro organi.

👉@magistratem👈

❗️МАЪМУРИЙ ЖАРИМАГА ТУШГАН ҲАЙДОВЧИГА ҚАНДАЙ ҲОЛЛАРДА 30 ЁКИ 50 ФОИЗЛИК ИМТИЁЗ ҚЎЛЛАНИЛМАЙДИ ?

⚡️САВОЛ;
Мен яқинда автомашинамда жаримага тушган эдим. Мен менга қўлланган жаримани 15 кун ўтмасдан ярмини тўладим, лекин менга 50 фоизлик чегирма берилмади. Энди яна қолган ярмини тўлашим керакми. Ўзи қандай ҳолларда бундай бўлиши мумкин ?

⚡️ЖАВОБ;
МЖтКнинг 332-прим 1-моддасига асосан, жарима солиш тўғрисидаги қарорни ижро этишнинг соддалаштирилган (Яъни, жаримани 15 кунда тўласа 50, ўттиз кунда тўланса 30 фоизлик чегирма билан тўлаш)тартиби қуйидаги ҳолларда қўлланилмайди:

➖ 1) транспорт воситасини алкоголли ичимлик, гиёванд модда ёки ўзгача тарзда маст ҳолда бошқарганда;

➖ 2) Кема ҳайдовчилари кичик ҳажмдаги кемаларни алкоголли ичимлик ёки гиёванд модда таъсиридан маст ҳолдаги шахсларга топширганда ёки унинг ўзи шундай ҳолатда бошқарганда;

➖ 3) Транспорт воситалари ҳайдовчилари алкоголли ичимлик ёки гиёванд модда таъсиридан маст ёки маст эмаслигини белгиланган тартибда аниқлаш учун текширувдан ўтишдан бўйин товлаганда;

➖ 4) Алкоголли ичимлик ёки гиёванд модда таъсиридан маст бўлган ҳайдовчиларнинг ёки транспорт воситаларини бошқариш ҳуқуқи бўлмаган шахсларнинг транспорт воситаларини бошқаришига йўл қўйилганда;

➖ 5) жарима солиш тўғрисидаги қарор устидан шикоят қилинганда ёки протест билдирилганда;

➖ 6) худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилганда.

✏️ Кўрсатиб ўтилган манашу ҳолатлардан бири Сизда кузатилган бўлса, демак шу сабаб билан Сизга 50 фоизлик чегирма қўлланмаган бўлиши мумкин.


👉@magistratem👈

Vazirlik, qo‘mita, agentlik va inspeksiya hukumat tuzilmasidagi turli darajadagi tashkilotlar bo‘lib, ularning funksiyalari, vakolatlari va tuzilishi bir-biridan farq qiladi

.

Prezidentning maʼmuriy islohotlarga oid PF-269-sonli farmonida ushbu tashkilotlarning aniq taʼrifi alohida keltirilgan:

1.Vazirlik — boshqaradi va siyosat yuritadi. Bu eng yirik tashkilot. Vazirlik biror soha bo‘yicha davlat siyosatini ishlab chiqadi, uni hayotga tatbiq qiladi, soha ichidagi boshqa tashkilotlarga boshchilik qiladi.

Misol uchun, Adliya vazirligi yuridik sohadagi davlat siyosatini ishlab chiqadi, qonun ijodkorligini muvofiqlashtiradi, yuridik xizmatlarni tartibga soladi, fuqarolarga huquqiy yordam ko‘rsatish tizimini boshqaradi.

2. Qo‘mita — soha ichida muvofiqlashtiradi va tartibga soladi. Qo‘mita biror tarmoqning ishini tartibga soladi, lekin u vazirlikdan kichikroq. Asosan qarorlarni birgalikda (kollegial tarzda) qabul qiladi.

Misol uchun, Davlat soliq qo‘mitasi soliq yig‘ish, nazorat qilish, qoidalarni tushuntirish bilan shug‘ullanadi. Korxonalarning qanday soliq to‘lashi kerakligini belgilaydi va tekshiradi.

3. Agentlik — xizmat ko‘rsatadi.
Agentlikning asosiy vazifasi aholiga yoki tadbirkorlarga davlat xizmatlarini ko‘rsatish. Masalan, litsenziya berish, ro‘yxatdan o‘tkazish, yordam dasturlarini amalga oshirish va hokazo.

Misol uchun, Yoshlar ishlari agentligi yoshlarga imtiyozlar yaratish, grantlar ajratish, loyihalarni moliyalashtirish, turli dasturlarni amalga oshirish bilan shug‘ullanadi.

4. Inspeksiya — tekshiradi va nazorat qiladi. Inspeksiya kimdir qonunni buzdimi yo‘qmi, belgilangan tartibga amal qilinayaptimi — shularni tekshiradi. Ular nazorat organi hisoblanadi.

Misol uchun, Mehnat inspeksiyasi ishchilarga ish haqi o‘z vaqtida berilayaptimi, majburiy ishlatish holatlari bormi, xavfsizlik choralari ko‘rilganmi shularni tekshiradi.

Prezident farmoniga ko‘ra, ayrim qo‘mita, agentlik yoki inspeksiyalar alohida maqomga ega bo‘lib, to‘g‘ridan-to‘g‘ri Prezident yoki Vazirlar Mahkamasiga bo‘ysunishi mumkin. Masalan, Antikorrupsiya agentligi yoki Statistika agentligi.

👉@magistratem👈