Қиз бола онанинг такрори дейишади. Ҳозир бир -бир ўзимни кузатиб туриб, онамни қилиқларини қилаётганимни кўраман.

Бекорга қилиқлар демадим.)).

Агар бизга кимнидир озгина фойдаси тегиб қолганини билсалар, “воой болам ўша ўртоғинг тоза ажойиб яхшида бечора, шу қизга бир кийимлик нарса бор, шуни мени номимдан бериб қўйгин”, дейдилар).

Шу одатларини ҳечам ташламаганлар. Вой онам-а, нима қиласиз. Ҳаа мениям фойдан теккани учун қиладида , дерканман.

Ҳаа менгина қиз бўлмай қолай. Онам ўзини боласига қилинган яхшиликка-да яхшилик қайтаришга мажбуриятим бор деркан, мен бўлсам нима керак депман..

Бугун набираларимни боғчаси бўлмай қолгани сабаб, уларга қараб туришга қўшни келинни чақиришга тўғри келди. Чунки келинимни ўқиши бор, ўғлим сафарда бўлган.

Узоқни иши экан.. Оёғим ва қўлим етсада боролмайман.. Жажжиларим ширин уйқуда, бомдод маҳали. Биздан икки соат фарқли.
Келиним “қўшни тушди”-, мен ўқишга кеттим дегунча худди ёлғиз қолишаётгандек жоним халак бўлди. Қўшни келин болаларимга яхши қараб ўтирганини кўриб , “Болам ўртоғингизни аёли барака топсин, ўғли нечи ойлик бўлда, у бу нарса бервораман”, десам ўғлим “ҳаа она нима кераги бор”.

Ана Мадина сен энди онангсан, боланг энди сен🥲.

Онажонингни энди тушунгандирсан, ило сенинг болангни боласига қилинган эътибор, гўё сенга қилинган иззат каби эди.

Шунчун энди “ҳаа оная” дема, онанг Бу Сендир!