Qishloqda tug'ildim, qishloqda o'sdim
Qishloqda tanidim oq-u qorani.
Qishloq edi mening eng yaqin do'stim,
Ochiq qilib ketar bo'ldim orani.
...Olisdan ko'zida yoshlar ko'rindi,
Bu ham bir ayriliq saboqlari-da!
Kentman, deb kerilgan toshlar ko'rindi
Orzumning olis bir adoqlarida.
So'nggi bor qaradim ortimga nogoh,
Yo'llar o'z holicha - yo'lday turardi.
Ikki qir yon bag'ri joylashgan qishloq -
Duoga ochilgan qo'lday turardi!
Orif To'xtash
🍃 Yozgi ta'tilda qishloqqa qaytishni sog'indi odam.
@madinaazam