Liverpool.asia

​​#statspack #review

"Vulverhempton"ga qarshi o'yindan keyin statistika va faktlarda qanday o'zgarishlar bo'ldi?

★ "Liverpul" barcha musobaqalar doirasida "Enfild"da ketma-ket 17 o'yinda 2+ gol kiritdi. Bu klubning yangi rekordiga aylandi.

★ Arne Slot APLdagi o'zining dastlabki 25 o'yinida 60 ochko to'pladi va dastlabki 25 o'yinida eng ko'p ochko jamg'arish bo'yicha Antonio Kontening natijasini takrorladi. Rekord Joze Mourinyo (64 ochko) ga tegishli.

★ Trent Aleksandr-Arnold 26 yosh 132 kunligida APLda o'zining 250-o'yinini o'tkazdi va bu marrani zabt etgan Emlin Hyuz (25 yosh 236 kun), Tommi Smit (25 yosh 300 kun) va Fil Tompson (26 yosh 71 kun) dan keyin "qizillar"ning eng yosh 4-futbolchisiga aylandi.

★ Luis Dias klub uchun 50-samarali harakatini amalga oshirdi (37 gol, 13 assist).

★ Muhammad Salah APLning "Enfild"dagi o'yinlarida o'zining 101 golini kiritdi va bir stadionda eng ko'p gol kiritish bo'yicha Ueyn Runi bilan tenglashdi. U faqatgina Serxio Aguero (106 gol) va Tyerri Anri (114 gol) dan ortda.

★ Shuningdek, Salah APLda penaltidan 32-golini kiritdi va bu borada klubning eng yaxshi futbolchisi Stiven Jerrard bilan tenglashdi. U penaltidan eng ko'p gol kiritishda faqatgina Alan Shirer (56 ta), Frenk Lempard (43 ta) va Harri Keyn (33 ta) ortda qolmoqda.

👉 @liverpoolasia