Laziz Hamidov

Yaxshi xabar. O‘zbekiston va Germaniya migratsiya sohasida keng qamrovli hamkorlik bitimi tasdiqlandi. Bu kelishuv O‘zbekiston fuqarolarining Germaniyada ishga joylashish imkoniyatlarini yanada yaxshilaydi.

Bundan avval yozganimdek, Germaniya hukumati afg‘on qochqinlarini qabul qilish masalasida O‘zbekiston bilan kelishuvga erishgan edi. Ushbu kelishuvga ko‘ra, O‘zbekiston afg‘on qochqinlarini Yevropa mamlakatlaridan o'z mamlakatiga yetkazish uchun tranzit davlat vazifasini bajarishi evaziga, o‘zbekistonlik mehnat migrantlariga Yevropada ishlash va yashash bo‘yicha muayyan imtiyozlar taqdim etilishi nazarda tutilgan. Shunga o‘xshash shartnomani Gollandiya bilan ham imzolashimiz kutilmoqda.

O‘zim ham o‘tgan hafta Germaniyadan 1 yilga multiviza olgan edim)

@lazizhamidov

Ertaga soat 09:00 dan boshlab metan zapravkalar faoliyatiga qo‘yilgan cheklovlar bosqichma-bosqich olib tashlanadi ekan.

@lazizhamidov

Kecha rasman bloklanishi e’lon qilingan Temu platformasining yana O‘zbekistonda ishlash uchun ikki yo‘li bor: yoki sho‘ba korxona ochadi, yoki QQS to‘lovchisi bo‘ladi. Hukumat qarori qat’iy va bekor qilinmaydi.

Hozirgi taxminiy hisob-kitoblarga ko‘ra Temu O‘zbekistonda oyiga 2-3 million dollarlik savdo qilmoqda. Agar bozor istiqbolli deb hisoblansa, u talablarni bajarib, qaytadi. Aks holda, bloklangancha qoladi.

Agar qaytsa, biznes modeli o‘zgarishi va xarajatlar ortishi sababli narxlar oshishi mumkin.

Temu qisqa vaqt ichida bozorga katta ta’sir o‘tkazdi:

- Importchilarga past ustama bilan katta hajmda savdo qilish foydaliroq ekanini ko‘rsatdi.

- O‘zbekistonliklarga hozirgi assortiment yetarli emasligini isbotladi.

Va endi, Temu yo‘q bo‘lgach, bu odamlarning ehtiyojlarini qondirish boshqa kompaniyalar uchun yaxshi imkoniyatga aylanishi mumkin.

@lazizhamidov

AQShni Rossiya bosib olgandek. Bu borada Uzbekonomics yaxshi post yozibdi.

AQSH administratsiyadan chiqayotgan kundalik yangiliklarni ko'rib AQShni tashqi dushman bosib olib ichkaridan hamma narsani buzishni boshlagandek. Boshqachasiga talqin qilib bo'lmaydi. Aytaylik, misol uchun Rossiya AQShni bosib olganda u nima qilgan bo'lar edi?

- AQSh iqtisodiyotini cho'ktiradigan barcha harakatlar, shu jumladan tariflarni oshirardi (Meksika va Kanadaga ahmoqona tariflar), arzon ishchi kuchlarini mamlakat ish bozoridan quvib chiqarardi (immigrantlar), davlat xizmatlarini va ijtimoiy nafaqani qisqartirgan bo'lar edi (DOGE qilayotgan ishlar)

- Do'stona mamlakatlar bilan orani uzar edi, Yevropadan uzoqlashar edi

- Rossiaga AQSh qo'ygan iqtisodiy sanksiyalarni bekor qilar edi (bugungi yangiliklarga ko'ra AQSh shu sanksiyalarni bekor qilish harakatida - mutlaqo absurd yangilik)

- AQShni BMT, NATO va boshqa xalqaro tashkilotlardan chiqarib tashlar edi (jarayonda)

- Ukraina o'zi urushni boshladi deb yolg'on tarqatar, uning prezidentini kamsitish uchun urinar va Ukrainaga AQSh yuboradigan (Kongress tasdiqlagan) harbiy yordamni tugatar edi (bugun Tramp shunday qaror chiqaribdi)

- Kabinetga pro-Rossiya bo'lgan amaldorlarni tayinlar edi (masalan, Tulsi Gabbardni razvedka boshlg'i qilib tayinlagani Putinning ham tushiga kirmagan menimcha)

- Dollarga qarshi qandaydir alternativa chiqarishga urinar edi (Oq Uy hozir kriptoning eng katta promouteri)

- ...

- va hokazo. Bu ro'yxatni har kuni to'ldirib borsa bo'ladi

Keyingisi nima, Alyaskani Rossiyaga berib yuboraylik deydimi? Yolg'on tarqatishga usta maslahatchisi Mask orqali Alyaskada saylov o'tqazaylik, bir paytlar Alyaska bizga adashib o'tib qolgan deydimi?

@lazizhamidov

Mart oyidan boshlab O’zbekistonda turli xil huquqiy hujjatlar kuchga kirdi. Natijada qanday o’zgarishlar yuz berganiga qiziqib ko'rdim:

— “Uzcard” milliy to‘lov tizimidan (5800) kiruvchi SMS-xabarnoma xizmati narxi 2 baravarga oshiriladi.

— Ipoteka subsidiyalari uchun arizalar qabuli boshlanadi. Arizalarni 3-mart kuni soat 09:00 dan boshlab Davlat xizmatlari markazlari yoki Yagona portal orqali jo‘natish mumkin.

— 60 yoshga yetgan erkaklarga va 55 yoshga yetgan ayollarga yoshga doir pensiyani ularning murojaatisiz bir kunda hech qanday hujjatlarsiz avtomatik tayinlanadi.

— Nogironligi bo‘lgan bolalar uchun kunduzgi parvarish xizmati yo‘lga qo‘yiladi.

— Ayrim fuqarolarga farzandlarining bog‘cha xarajatlari uchun moddiy yordam beriladi. Yolg‘iz ona yoki otaga bir nafar farzandi uchun bolalari 3 yoshga to‘lguniga qadar maktabgacha ta’lim xizmatidan foydalanishga BHMning 1,5 baravari ya’ni 562 ming so‘mgacha miqdorda moddiy yordam ajratiladi.

@lazizhamidov

payme’da shaxsingizni tasdiqlang va 7 kunlik payme plus obunasiga ega bo‘ling 🔥

Endi yangi akkaunt ochishda, parolni tiklashda yoki bank va to‘lov ilovalarida smartfonni almashtirganingizda shaxsingizni tasdiqlashingiz kerak. Buning uchun pasport ma’lumotlarini kiritib, yuzingizni skanerlashingiz lozim. Agar pasportingiz yoningizda bo‘lmasa, ma’lumotlarni MySoliq, MyID yoki MyGov xizmatlaridan topishingiz mumkin.

✅ Buni amalga oshirganlar uchun esa bonus: 7 kunlik payme plus obunasi bilan 5 million so‘mgacha komissiyasiz pul o‘tkazmalar, Setanta’ga kirish imkoniyati, to‘lovni kechiktirish va monitoring xizmati taqdim etiladi.

Sinov muddati tugaganidan so‘ng obuna pullik bo‘ladi, ammo uni istalgan paytingizda bekor qila olasiz.

Ilovani yuklab olish

Reklama

Zelimxon Haydarov O‘zbekiston tennis federatsiyasi raisi o‘rinbosari etib tayinlanibdi. Avvalroq O‘zbekiston tennis federatsiyasiga rais etib Kapitalbank” asoschisi, “Paxtakor” futbol klubining sobiq prezidenti Botir Rahimov saylangan edi.

@lazizhamidov