CA 15-3 va CA 50 onkomarkerlar nima haqida maʼlumot beradi.
Onkomarkerlar – organizmda o‘sma (saraton) borligini aniqlashga yordam beruvchi moddalar bo‘lib, ularni qon yoki boshqa biologik suyuqliklarda aniqlash mumkin. CA 15-3 va CA 50 onkomarkerlari turli o‘sma turlarini aniqlash uchun qo‘llaniladi.
CA 15-3 (Cancer Antigen 15-3)
CA 15-3 – ko‘krak bezi saratonini aniqlash va kasallikni kuzatish uchun qo‘llaniladigan onkomarker. U asosan saraton hujayralari tomonidan ishlab chiqariladi va qonga ajralib chiqadi.
➢ CA 15-3 normasi
• Sog‘lom odamlarda: < 30 U/ml
• Shubhali daraja: 30-50 U/ml
• Yuqori daraja: > 50 U/ml (ko‘krak bezi saratoni yoki boshqa patologiyalarni ko‘rsatishi mumkin)
🔺 CA 15-3 oshishining mumkin bo‘lgan sabablari
➢ Onkologik kasalliklar:
• Ko‘krak bezi saratoni (ayniqsa kechki bosqichlarda)
• O‘pka saratoni
• Jigar saratoni
• Oshqozonosti bezi saratoni
• Tuxumdon saratoni
➢ Boshqa sabablar:
• Mastopatiya
• Jigar sirrozi
• Yallig‘lanish kasalliklari
➢ CA 15-3 oshgan bo‘lsa, nima qilish kerak?
• Onkolog bilan maslahatlashish kerak.
• Mamografiya, UTT, MRT kabi qo‘shimcha tekshiruvlar o‘tkazilishi lozim.
• Saratonni tasdiqlash uchun biopsiya talab qilinishi mumkin.
CA 50 (Cancer Antigen 50)
CA 50 – oshqozon-ichak yo‘li va me’da osti bezi saratonini aniqlash uchun ishlatiladigan marker bo‘lib, sialil-glikolipid tabiatiga ega modda hisoblanadi.
➢ CA 50 normasi
• Sog‘lom odamlarda: < 20 U/ml
• Shubhali daraja: 20-25 U/ml
• Yuqori daraja: > 25 U/ml (saraton ehtimolini bildirishi mumkin)
🔺 CA 50 oshishining mumkin bo‘lgan sabablari
➢ Onkologik kasalliklar:
• Me’da osti bezi saratoni
• Me’da va ichak saratoni
• Jigar va o't pufagi saratoni
• O‘pka saratoni
• Yo‘g‘on ichak saratoni
➢ Boshqa sabablar:
• Pankreatit (oshqozonosti bezi yallig‘lanishi)
• Gepatit va jigar sirrozi
• Oshqozon va ichak kasalliklari (yallig‘lanishli jarayonlar).
➢ CA 50 oshgan bo‘lsa, nima qilish kerak?
• Gastroenterolog yoki onkolog bilan maslahatlashish kerak.
• UTT, KT, MRT kabi tasviriy tekshiruvlar o‘tkazilishi lozim.
• Oshqozonosti bezining biopsiyasi talab qilinishi mumkin.
📌 CA 15-3 – ko‘krak bezi saratonining diagnostikasi va kuzatuvi uchun ishlatiladi.
📌 CA 50 – oshqozonosti bezi, oshqozon va yo‘g‘on ichak saratonini aniqlashda muhimdir.
Bizni kuzatib boring:
Telegram | Instagram