#talabadan
Bugun suhbatga koreyaga yangi kelgan 17 yoshlik vatandoshimiz kirib savol beryaptila: Koreyaga moslasha olmayapman, ish topa olmayapman. O'zbekistonga qaytib ketmoqchiman. Universitet meni qo'yib yuboradimi? Muammo bo'lmaydimi?

Koreys tilini bilmas ekanlar, koreyaga kelganlariga 4oy bo'lgan holos. Men ham va men bilgan hamma ham koreyaga yangi kelgan vaqti uyini sog'inib, ish topa olmay qiynalgan, kerak bo'lsa yig'lagan. Bu 3~6 oydan keyin o'tib ketadigan narsa, bu vaqt davomida sabr qilish kerak.
Menda ham birinchi 3 oylik ko'nikish davri uyni sog'inib qiyin o'tgan) lekin Alhamdulillah biroz o'tib ko'p tanishlar orttirib huddi O'zbekiston kabi qulay davlat bo'lib qoldi.

U kishiga mayli O'zbekistonga qayting ham deya olmadik sababi koreyaga kelish uchun ham qarz olgan ekanlar.
Keyin suhbatimizni eshitib turgan bir kishi "shu bola menga yozsinlar, ish topishda yordam beraman"deb yozib qoldilar.

Koreyaga yangi keldingizmi? Tanishingiz yo'qmi? Tilni bilmaysizmi? Bu degani uydan chiqmay faqat stress olish kerak degani emas, bu yechim emas. Koreyada ishlar tashlanadigan guruhlar bor. Ularni toping, vaziyatingizni tushuntirib yozing. Inshaa alloh biz bir-birini yordam berishga qodir bo'la turib tashlab qo'yadigan millat emasmiz. Ish topishda yordam beradiganlar topilishi aniq!

Va koreyaga koreys tilini o'rganmay faqat IELTS bilan kelayotganlar uchun doim aytadigan gapim "Do'stim koreys tilini o'rganib keling!"