RESPUBLIKALÍQ BILIMLENDIRIW ORAYÍ

🔔 Dástúriy «Dóretiwshi oqıtıwshılar olimpiadası»na ONLAYN dizimnen ótiw baslandı!

📜 1-oktyabr «Muģallimler hám ustazlar kúni» bayramı aldınan ulıwma orta bilim beriw mektepleriniń pedagog xızmetkerler ushın «IV dóretiwshi oqıtıwshılar olimpiadası»nıń Qaraqalpaqstan Respublikası basqıshı 2024-jıldıń sentyabr ayınıń úshinshi on kúnliginde ótkeriw rejelestirilmekte.

📜«IV dóretiwshi oqıtıwshılar olimpiadası»na 5 adamnan ibarat 1 komanda bolıp qatnasadı. Komanda quramına óz iqtıyarı menen mektep direktorı, direktor orınbasarı, psixolog, pán muǵallimleri kiritiliwi múmkin. Bunda aymaqlıq mekteplerden jámlengen saylandı komanda yamasa bir mektepten jámlengen saylandı komanda qatnasıwı múmkin.

📜 Komandalar ushın https://kkbilimlendiriw.blogspot.com/p/ijodkor-oqituvchilar-olimpiadasi-anketa_9.html platforması arqalı onlayn dizimnen ótiw 2024-jıldıń 10-sentyabr saat 09:00 de baslanadı hám 20-sentyabr kúni saat 22:00 de toqtatıladı;

📜Onlayn dizimnen ótken komandalar sanı artıp ketken jaǵdayda Shólkemlestiriw komitetiniń sheshimi menen rayon (qala)lıq basqıshın ótkeriwge ruqsat beriledi.

Maģlıwmat ushın:
❇️ Komanda quramında bir pánnen 2 muǵallim qatnasıwına ruqsat etilmeydi;

💢 Olimpiadanıń Qaraqalpaqstan Respublikası basqıshın ótkeriw shártleri:
✅ 1-tur: hár bir qatnasıwshılarǵa qaraqalpaq hám ózbek tillerinde tayarlanǵan 30 test sorawları beriledi hám hár bir test 1 balldan maksimal 30 ball menen bahalanadı.
✅ 2-tur: qatnasıwshılar óz qálewı menen qaraqalpaq hám ózbek tillerinde tayarlanǵan 60 sózden ibarat diktant jazadı
✅ 3-tur final 4 basqıshta ótkeriledi:
3.1-basqish: Komanda sárdarı 2024-jılı rayon (qala)da erisilgen jetiskenlikler boyınsha prezentaciya ótkeredi. Bul tur maksimal 10 ball menen bahalanadı.
Prezentaciyanıń mazmunına - 5 ball;
kiyiniw mádeniyatına - 1 ball;
ózin tutıwına - 1 ball;
sóylew mádeniyatına - 1 ball;
qarsılas komanda tárepinen berilgen sorawģa - 2 ball.
3.2-basqısh: Este saqlap qalıw qábileti. Komandadan bir qatnasıwshıǵa shólkemlestiriw komiteti tárepinen bilimlendiriw sistemasına baylanıslı tayarlanǵan 10 sóz oqıp beriledi, qatnasıwshı bul sózlerdi yadlap aladı hám taxtaģa jazıp beredi. Hárbir sóz 0,5 balldan jámi 5 ball menen bahalanadı.
3.3-basqısh: CASE usılında metodikalıq soraw-juwap. Qura taslaw jolı menen qatnasıwshı komandalardıń tártip nomeri anıqlanadı. Bunda hárbir topar ózi menen 3 soraw tayarlap keledi. Hárbir soraw 10 balldan jámi 30 ball menen bahalanadı. Reglament 5 minut. Sorawǵa sabaq procesinde, mektepte, muģallim hám ata-analar yamasa muģallim hám oqıwshı arasında tosattan ushırasatuģın qolaysız jaǵdaylardan metodikalıq sheberligi menen shıǵıp ketiwi bahalanadı.
3.4-basqısh: Еrkin dóretiwshilik. Reglament 4 minut. Maksimal 5 ball

☎️ Qosımsha maģlıwmat ushın 97 349-83-83 telefonı (Usenova Zaxida) arqalı qońıraw etseńiz boladı.

Kanalģa aģza bolıń: https://t.me/kk_omr

✅ Tiykarǵı pán olimpiadasınıń I (mektep) basqıshına start berilmekte!

✅ 2024-2025-oqıw jılındaǵı ulıwma bilim beriw boyınsha tiykarǵı olimpiada mámleketlik hám mámleketlik emes ulıwma orta bilim beriw mákemeleriniń 9-11-klass oqıwshıları, akademiyalıq licey hám kásip-óner mektepleriniń 1-2-kurs oqıwshıları arasında 2024-jıldıń 16-30-sentyabr kúnleri aralıǵında ótkeriledi.

✅ Тiykarǵı pán olimpiadasınıń birinshi basqıshın ótkeriwde:

✅ tiykarǵı pán olimpiadası birinshi hám ekinshi topar pánlerinen jámlengen jámi 17 pánnen ótkeriledi;

✅ olimpiada pánler boyınsha test sorawları, jazba hám ámeliy jumıslar kórinisinde shólkemlestiriwi múmkin. Qadaǵalaw materialları oqıwshılardıń bilim, kónlikpelerin standart hám standart emes máselelerde, ámeliy shınıǵıwlarda qollay alıw uqıplılıqların hám kompetenciyaların bahalawǵa qaratılǵan bolıwı kerek;

✅ olimpiada nátiyjelerin bahalaw pánler boyınsha bilimlendiriw mákemesiniń pedagogikalıq keńesi tárepinen tastıyıqlanǵan bahalaw kriteriyaları tiykarında ámelge asırıladı;

✅ birinshi basqısh juwmaǵı boyınsha maǵlıwmatlardı (oqıwshılar hám olardıń ustazları haqqında) olimpiada ótkerilgennen soń bir kún múddette ministrliktiń olympiad.uzedu.uz maǵlıwmatlar bazasına kiritiliwi kerek

☎️ Qosımsha maǵlıwmat ushın 97 347-83-83 telefonına (Usenova Zaxida) qońıraw etseńiz boladı.
Kanalģa aģza bolıń: https://t.me/kk_omr

# Nızamshılıqtaǵı jańalıqlar

⚖️ Huqıq páni ustazları ushın quwanıshlı jańalıq...

Prezident (https://lex.uz/uz/pdfs/6937312) Pármanı (PF-80-sanlı, 24.05.2024-j.) qabıl etildi.

🏫 mekteplerde 2024/2025-oqıw jılınan:(https://lex.uz/uz/pdfs/6937312)

🌐Ádillik ministrliginiń arnawlı elektron platforması arqalı huqıq páni oqıtıwshılarınıń kásiplik bilim hám kónlikpelerin úzliksiz arttırıp barıw jáne olardı metodikalıq támiyinlew sisteması jolǵa qoyıladı;

🔹 oqıwshılar arasında "Huqıq bilimdani" pán olimpiadası, huqıq páni muǵallimleri arasında "Eń jaqsı huqıq muǵallimi" tańlawı ótkerilip barıladı;

🔹 mektep oqıwshılarınıń huqıqıy bilimlerdi erkin ózlestiriwine qaratılǵan kórgizbeli oqıw qollanbaları, videorolikler, kompyuter oyınları hám mobil qosımshalar jaratıladı;

🔹 mekteplerde "Huqıq klası" hám huqıq pánlerin tereńlestirilgen halda oqıtıwdı shólkemlestiriw arqalı yuridikalıq kadrlardı tayarlawda "mektep-litsey-texnikum-universitet" sistemasın engiziw.
Derek: https://t.me/rtmedu_news
Kanalģa aģza bolıń:👇👇👇 https://t.me/kk_omr