Kitob tumani hokimligi| RASMIY

Kitob tumanida maktab o`quvchilari o`rtasida Al-Xorazmiy nomidagi aniq va tabiiy fanlar (Science) olimpiadasining hududiy  bosqichi bo‘lib o‘tmoqda

Al-Xorazmiy nomidagi aniq va tabiiy fanlar (Science) olimpiadasi umumiy o‘rta taʼlim maktablarining 7-8-sinf o‘quvchilari o‘rtasida Maktabgacha va maktab ta’limi vazirligi tomonidan tashkil etilmoqda.

Kitob tumanida ham mazkur olimpiadaning hududiy bosqichi bo‘lib o‘tdi. Ushbu nufuzli tanlov umumiy o‘rta ta’lim maktablari hamda ixtisoslashtirilgan maktablarning 7-8-sinf o‘quvchilari ishtirok etmoqda.

Olimpiadada ishtirokchilar matematika, fizika, kimyo, biologiya kabi fanlar bo‘yicha bilimlarini sinovdan o‘tkazishdi. Har bir ishtirokchi o‘zining mantiqiy fikrlashi, tezkor yechim topish qobiliyati va aniq fanlar bo‘yicha chuqur bilimlarini namoyish etishlar talab etiladi.

G‘oliblikni qo‘lga kiritgan ishtirokchilar keyingi bosqichda ishtirok etish yo`llanmasini qo`lga kiritishadi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

Mahmudxo`ja Behbudiy — jadid ma`rifatparvarlarining otasi!

Kitob tumanida Mahmudxo‘ja Behbudiy tavalludining 150 yilligi keng nishonlanmoqda!

Mahmudxo‘ja Behbudiy – millatimiz ma’rifati va taraqqiyoti yo‘lida jonbozlik ko‘rsatgan buyuk jadid bobolarimizdan biri. Uning o‘zbek matbuoti, teatr san’ati, ma’rifatchilik va milliy uyg‘onish harakatiga qo‘shgan hissasi beqiyos. “Turkiston jadidlik harakatining asoschisi, atoqli adib va jamoat arbobi, noshir va pedagog” sifatida Behbudiy xalqimizning milliy uyg‘onish yo‘lida o‘chmas iz qoldirdi.

Shu munosabat bilan Kitob tumanida Mahmudxo‘ja Behbudiy tavalludining 150 yilligi munosabati bilan adabiy-ma`rifiy tadbir tashkil etildi. Unda tuman hokimligi, Respublika Ma`naviyat va ma’rifat markazi Kitob tumani bo‘linmasi,Maktabgacha va maktab ta’lim bo‘limi, Madaniyat bo‘limi vakillari, “Nuroniy” jamg‘armasi a’zolari, O‘zbekistonda taniqli olimlar va yozuvchilar, Xoja Buxoriy islom bilim yurti talabalari ishtirok etishdi. Unda tuman hokimining Davlat tili masalalari bo`yicha maslahatchisi, shoira, adiba, Yozuvchilar uyushmasi a`zosi Lola O‘roqova o‘z nutqida jadidchilik harakatining otasi bo‘lgan Behbudiy hayoti, uning ta’lim-tarbiya sohasidagi xizmatlari haqida to‘xtaldi. Respublika Ma’naviyat va ma’rifat markazi mutaxassislari esa Behbudiy g‘oyalari yoshlarimizga ibrat bo‘lishi kerakligini ta’kidlashdi.

Tadbir davomida shuningdek, tuman madaniyat bo‘limining “Maqom” ansambli tomonidan mumtoz navolar ijro etildi. Shuningdek, Kitob tumanidagi 62-maktab o‘qituvchi va o‘quvchilari tomonidan sahnalashtirilib, tomoshabinlarga namoyish etilgan adib qalamiga mansub "Padarkush" asari olqishlarga sazovor bo‘ldi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube