" KATTA QANGLI " Jome' Masjidi

​​⁠Тасаввур қил шундай банк борки, ҳар эрта тонгда у сенинг ҳисобингни $86400 билан тўлдиради. У ҳар кунгидан қолган маблағни сақламайди. Ҳар куни кечаси бутун кун мобайнида ишлатилган ва ишлатилмаган пулни нол билан тенг қилади.

Сен нима қилган бўлардинг? Албатта сен ҳаммасини ҳар куни оҳирги суммасигача ишлатишга ҳаракат қиласан!!!

Биласизми ҳар биримизнинг ушбу банкда ўз ҳисобимиз мавжуд?! Бу банк номини биласизми? – Бу ВАҚТ.

Ҳар эрта тонгдан мазкур банк сенинг ҳисобингни 86400 сония билан тўлдиради. Ҳар кечки пайт банк маълумотларни ўчириб ташлайди ва банк қайси қисмини ишлатмаганингни кўради.

Ушбу банк пулни сақламайди ва бошқа ҳисобларга ўтказишга руҳсат ҳам бермайди. Ҳар куни янги ҳисоб очилади. Ҳар кечаси ортиб қолгани ўчирилади. Агарда сен бу пулларни ишлатмасанг – фақатгини сен йўқотасан.

Сен бугунги кунда берилган нарсага яшашинг керак. Соғлиқга, бахтга, ўз устида ишлашга ва муваффақиятга кўпроқ сармоя киритиш керак.

- Бир йил қадрини билиш учун, бир йил ўқишга кира олмаган инсондан сўра.

- Бир ой қадрини билиш учун, туғиб қўйган онадан сўра.

- Бир ҳафта қадрини билиш учун, бу ҳақида нашр чиқарадиганлардан сўра.

- Бир соат қадрини билиш учун, буни бир-бирини кўришга интизор бўлган икки севишганлардан сўра.

- Бир дақиқа қадрини билиш учун, поездга кеч қолган инсондан сўра.

- Бир сония қадрини билиш учун, автоҳалокатдан қочишга улгурган инсондан сўра.

- Бир мил сония қадрини билиш учун, Олимпия ўйинларида кумуш медал ютган ўйинчидан сўра.

Сен яшаётган ҳар бир лаҳзани қадрла!

Кеча? Бу тарих!

Эрта? Бу сир!

Шунинг учун фақат ҲОЗИР мавжуд!!!!

Вақт сени кутиб ўтирмайди! Сен фойдаланган ҳар бир вақтни қадрла. Ҳеч қачон вақтни шошилтирма.

Ҳеч ким ўтмишга қайтиб ва ўз бошини ўзгартиролмайди. Аммо ҳар бир инсон ҳозирдан старт олиб, финишини ўзгартира олади.

Бу дунёда ҳамма нарсанинг ўз тайинланган пайти бор, ҳар бир ишнинг ўз вақти бор.

​​​​❁═════ ❁﷽❁ ═════❁
️️☀️☀️☀️☀️☀️☀️☀️☀️☀️☀️☀️

⏰ Вақт: «Барча нарсани унут, менга эргаш!» дейди.

💰 Мол - мулк:
«Ҳамма нарсани унут, мендан фойдаланиб қол!» дейди.

☀️ Келажак: «Бутун нарсаларни унут, мен учун кураш!».

👆 Аллоҳ таоло:
«Мени зикр қил, ҳамма нарсани ато қиламан», деб айтади.

📿 Баъзида инсон Аллоҳни ЗИКР қилади, лекин кўзлари намланмайди...

📖 Қуръон ўқийди лекин қалби ТАСЛИМ бўлмайди...

🔊 Ваъз, хутба эшитади лекин виждони таъсирланмайди...

📌 Бундай чоғларда у кўпроқ истиғфор айтиши лозим, чунки истиғфор қалбни тозалайди ва гуноҳларни ўчиради!


◢◣◢◣◢◣◢◣◢◣◢◣◢◣
Ассалому Алайкум!!!
◥◤◥◤◥◤◥◤◥◤◥◤◥◤

🌱 Янги кунимиз, янги умидларимиз, янги имкониятларимиз муборак! Аллоҳ бизни Ўзига муқарраб, МУҲСИН бандалардан қилсин! Кунимиз ўтган кунларимиздан кўп хайрли ўтсин!

ПУЛ БЎЛСА ЧАНГАЛДА ШЎРВА(МИ?)

Мўмин, солиҳ деб биладиган бир инсонни танир эдим. Ҳаммамиз ҳам хатодан холи бўлмаганимиз каби бир куни шу инсон ҳам хато қилиб «пул бўлса чангалда шўрва», деб қолди (яъни, ҳар қандай иш ва ҳолатни пул билан ҳал этса бўлади, демоқчи). Бир муддатдан сўнг синовга учради. Унга бир ишда туҳмат қилишди. «Аллоҳ ҳаққи бу ишни қилмаганман», дея менга қасам ичди ва мен бу кимсани ростгўйлигини билар эдим. Ушбу туҳмат натижаси ўлароқ олтмиш тўрт кун бир ўзи ёлғиз қолиб кетди. Бу ўтган олтмиш тўрт кунлик ёлғизлик унга узоқ йиллар каби жуда ҳам оғир ва ўта секин ўтди. Хотирасига эса бот-бот бир нарса келар эди, хўш «пул бўлса чангалда шўрва» бўлармикан? Барча омонликларга муваффақ этувчи Аллоҳдир! Барча хавфу хатарлардан сақловчи Аллоҳдир! Агар мушкулотларга дучор бўлганингда молу дунёга ёки атрофингдаги таниш-билишларингга суянадиган бўлсанг, бу ишончингда алданиб қоласан! Кимки, молига ишонса йўлдан озибди. Кимки, атрофидагиларига ишонса хор бўлибди. Кимки, Аллоҳга ишонса, У Зотга эътимод қилса, асло йўлдан озмайди ва ҳеч қачон хору зор ҳам бўлмайди.

«Шайх Нобулсийдан қиссалар ва ҳиссалар» китобидан.

БИР ҲАФТАЛИК ЁМҒИР

Жума куни Расулуллоҳ соллаллоҳу алайҳи васаллам хутба қилиб турганларида бир одам келиб: «Ёмғир ёғмай қўйди. Роббингизга дуо қилиб ёмғир сўранг», деди. Пайғамбар алайҳиссалом дуо қилдилар.
Осмонга қараганимизда ҳеч қандай булут йўқ эди. Бир пасда булутлар келиб, бир-бирига қўшилиб, шиддатли ёмғир ёға бошлади. Мадинадаги ҳамма ариқда сув оқди. Ёмғир келаси жумагача ёғиб турди. Пайғамбар алайҳиссалом кейинги сафар хутба қилаётган чоғлари ўша одам (ё бошқаси): «Сувга ғарқ бўлай деяпмиз. Роббингизга дуо қилинг, ёмғирни тўхтатсин», деди.
Шунда Расулуллоҳ соллаллоҳу алайҳи васаллам: «Аллоҳим, атрофимизга ёғдиргин, устимизга эмас», деб икки-уч бор айтдилар. Булутлар Мадинадан ўнг ва чап тарафларга тарқалиб, ёмғир тўхтади. Аллоҳ таоло Ўз Пайғамбарининг мўъжизаси ва дуоси ижобатини одамларга кўрсатиб қўйди.

“Расулуллоҳ соллаллоҳу алайҳи васалламнинг ҳаётларидан 101 қисса” китобидан.

Иброҳим ибн Уяйнадан: «Қайси инсоннинг пушаймонлиги кўп чўзилади? – дея сўралди. У айтди: – Яхшиликни билмайдиган кимсага яхшилик қилувчи кишининг пушаймонлиги бу дунёда энг узоқ чўзиладиган пушаймонликдир. Аммо Охиратда энг кўп пушаймон бўладиган инсон – сусткаш, илмига амал қилмайдиган олимдир».

Изоҳ. Инсон барча махлуқот каби меҳрга муҳтож жонзот. У умри давомида бу эҳтиёжни қондиришга сабаблар излайди. Тўғрироғи, шундай сабабларни ўзи қийналиб, риёзат чекиб барпо қилади, токи меҳрга ташна қалби истагига етсин. Аммо умрлар сарфлаб чекилган меҳнат, риёзатлар натижаси гоҳида вафо, гоҳида жафо бўлиб эгасига қайтади. Бировга қилинган яхшиликнинг бу дунёда ҳар доим ҳам қайтмаслигига тайёр бўлиш ихлоси мукаммал инсонларга хос табиат. Бандаликни бўйнига олган ҳар қандай киши «менинг ихлосим мукаммал» деган даъводан қочади.
Тасаввур қилинг: куннинг тиғида йўл юриб, йўл юрсангиз ҳам мўл юриб, манзил томон шошяпсиз, чанқоқдан тилингиз қуриб, лабингиз ёрилиб кетган, атрофда на соя-салқин жой, на ичишга сув бор. Шунда шу ўртада бир пайтлар ўзингиз қазган қудуқ борлиги эсингизга тушди. Қудуқни излаб топдингиз, суви тўлиб-тошган ётган қудуқ сиз унга яқинлашиб, энди сувига лабингиз тегай деганида суви пастлаб кетса, қудуқнинг тубидан сувни чиқариб олишга сизда на бир арқон, на бир челак бўлмаса, қандай ҳолга тушасиз, жуда аянч ҳолат?! Аянчлиги шу даражадаки, яхшиликни билмайдиган кимсага яхшилик қилувчи кишининг пушаймонлиги қадар аччиқ, ични тирнайдиган, асорати узоқ чўзиладиган аянчлик!
Аслида бу аччиқ ва узун пушаймонга яхшилик кўрган кишидан кўра ҳам яхшилик қилувчи кўпроқ сабабчидир.

“Унвонул баён”дан.

Энг яхшиси ҳали олдинда

Бугун тонгда уйғонганингиз сабаби Аллоҳ сизнинг қадарингиздаги ишларни ҳали ниҳоя қилдирмагани учундир. У зот нимадир қилишингизни ихтиёр қилмоқда. Агар ўқитувчи бўлсангиз, ҳали энг яхши дарсингизни ўтмагансиз. Ошпаз бўлсангиз, ҳали энг яхши таомни тайёрламагансиз. Ёзувчи бўлсангиз, демак, ҳали энг яхши асарингизни ёзганингиз йўқ. Бизнесмен бўлсангиз, ҳали энг зўр битимни тузганингиз йўқ. Ҳар куни ҳаётингиздаги энг ажойиб кунни яшаш учун бир қадам яқинлашасиз. Ҳар бир имкониятдан фойдаланинг. Белгиланган вақт - ҳақ, вазиятлар эса бир тартибда кетмоқда. Ҳаётингизда ажойиб бир воқеа содир бўлиш арафасида. Ҳеч ким сизни етарлича яхши эмас, деб айтмасин. Ҳеч кимга сизни жуда ёш ёки жуда катта, деб таърифлашларига қўйиб берманг. Ҳеч кимга сиз қила оладиган ишлар шулардангина иборат, деб айтишларига йўл қўйманг. Ҳар тонгда уйғонишингиз бу ҳали энг яхши кунлар олдинда эканига ишорадир.

«Аллоҳнинг қадарига таслим бўлиш» китобидан.