O'zbekiston kasaba uyushmalari Federatsiyasining Farg'ona viloyat Kengashi | Rasmiy kanal

BESH YILLIK FAOLIYAT SARHISOB QILINDI

Bu yil kasaba uyushmalari hayotida muhim yil bo‘lib tarixga muhrlanajak. Boisi barcha mehnat jamoalarida o‘tkan 5 yil davomida kasaba uyushmasi tomonidan amalga oshirilgan ishlar sarhisob qilinib, kelgusidagi ustuvor vazifalar belgilab olinadi.

Farg‘ona shahridagi 6-umumiy o‘rta ta’lim maktabida boshlang‘ich kasaba uyushma tashkilotining hisobot-saylov yig‘ilishi bo‘lib o‘tdi.

Unda kasaba uyushma qo‘mitasining o‘tkan yillarda ishchi-xodimlarning huquq va manfaatlarini himoya qilish, ularni moddiy va ma’naviy jihatdan qo‘llab-quvvatlash, ishchi-xodimlarni va ularning farzandlarini sog‘lomlashtirish, qo‘yingki, barcha jabhadagi olib borgan ishi sarhisob qilindi.

Jumladan, hisobot davrida 117 nafar xodimlarga 36 mln. 800 ming so‘m miqdorida kasaba uyushmasi hisobidan moddiy yordamlar berilgan, 48 nafar xodimlar kasaba uyushmasi tomonidan imtiyozli ravishda o‘z salomatliklarini tiklashlari uchun sanatoriylarga yuborilgan. Buning uchun 132 mln. 560 ming so‘m sarflangan. Ishchi-xodimlarning 97 nafar farzandlari kasaba uyushmalari tizimidagi yozgi oromgohlarda maroqli dam olishgan.

Bundan tashqari, xodimlar o‘rtasida milliy g‘oya targ‘iboti va ma’naviy-ma’rifiy ishlar samaradorligini oshirish bo‘yicha “Ma’naviyat soatlari”, “Otam, onam va men — sportchilar oilasi”, “Sport – salomatlik garovi”, “Sog‘lom oila” shiorlari ostida sport musobaqalari hamda sportning stol tennisi, voleybol, shaxmat-shashka, badminton va suzish turi bo‘yicha musobaqalar, shuningdek, milliy bayramlar va muhim sanalar munosabati bilan turli tadbirlar belgilangan reja asosida o‘tkazib kelingan.

Hisobot-saylov yig‘ilishida muzokaraga chiqqanlar bu yil kasaba uyushmalarining 120 yilligi keng nishonlanishi munosabati bilan mehnat jamoasida kasaba uyushma qo‘mitasining ishini yanada jonlantirish bo‘yicha bir qator takliflarni ilgari surdilar.

Kasaba uyushma qo‘mitasining o‘tkan yillarda olib borilgan faoliyati qoniqarli deb topilib, kasaba uyushmasi qo‘mitasi raisligiga nomzodlar ko‘rsatildi. Ochiq ovoz berish yo‘li orqali kasaba uyushma qo‘mitasi raisligiga maktab o‘qituvchisi Saidaxon Sharipova saylandi.

Shuningdek, Ta’lim va fan xodimlari kasaba uyushmasi Farg‘ona shahar bo‘linmasi Kengashining konferensiyasiga delegat hamda kasaba uyushma qo‘mitasi a’zolari ham saylandi.

Hisobot saylov yig‘ilishida Ta’lim va fan xodimlari kasaba uyushmasi Farg‘ona shahar bo‘linmasi Kengashi raisi Nozimaxon Mirsalimova ishtirok etdi.

O‘zbekiston kasaba uyushmalari Federatsiyasining Farg‘ona viloyati Kengashi.

Facebook | Telegram | Sayt

Farg‘ona viloyatida Ta’lim va fan xodimlari kasaba uyushmasi tarmog‘i haftaligi doirasida bir qator tadbirlar o‘tkazilmoqda

“Kasaba uyushmalari bilan – kitobxonlik sari!”

Kasaba uyushma faollarining ma’rifat soati kutubxonada o‘tkazildi

Kitob insonning eng yaqin do‘sti, sirdoshi, vaqti kelsa eng og‘ir kunida tashlab ketmaydigan va bu hayot mashaqqatlarini yengib o‘tishda ko‘maklashuvchi chin yo‘ldoshdir. Kitob mutolaa qilgan insonning ma’naviy dunyosi yuksaladi, hayotga teran nigoh bilan qaray boshlaydi.

O‘zbekiston kasaba uyushmalari tomonidan ham ma’naviyat va ma’rifat ishlariga alohida e’tibor qaratiladi. O‘tkazilayotgan ma’rifat soatlarida kishini komillikka eltuvchi bir-biridan qiziqarli mavzular yuzasida so‘z boradi.

Farg‘ona viloyatidagi Ta’lim va fan xodimlari kasaba uyushmasi tarmog‘i faollari ishtirokida o‘tkazilgan navbatdagi ma’rifat soatida kitoblarning kishi hayotida tutgan o‘rni haqida so‘z bordi.

O‘zbekiston kasaba uyushmalari Federatsiyasining Farg‘ona viloyati Kengashi raisi o‘rinbosari Lolaxon Ahmedova ziyo maskaniga kirgan kishining ko‘zi quvonishi, ko‘ngli to‘lishi, tafakkuri yuksalishi aniqligini ta’kidlab, bu galgi ma’rifat soatini Ahmad Farg‘oniy nomidagi viloyat axborot-kutubxona markazida o‘tkazilganida ham ma’joziy ma’no borligiga urg‘u berdi.

Aytish o‘rinliki, ushbu ziyo maskani mukammal ta’mirdan chiqarilib, yaqinda foydalanishga topshirildi. Ayni paytda kutubxona 350 mingdan ortiq axborot-resurs fondiga ega bo‘lib, bir vaqtning o‘zida 300 nafardan ziyod kitobxonga xizmat ko‘rsatadi.

Muhtasham ko‘rinishga ega bo‘lgan binoda bukkafe, 5 ta o‘quv zali, ilmiy-tadqiqot, bolalar va o‘smirlarga xizmat ko‘rsatish, nodir fotosuratlar bo‘limlarida jahon andozalari darajasida sharoitlar yaratildi. Eng nodir kitoblar alohida talablar asosida saqlanishi va ularni mutolaa qilish uchun ham barcha qulaylik mavjud.

Tadbir ishtirokchilari barcha bo‘limlarda bo‘lib, madaniy hordiq olish bilan birga, olam-olam taassurotlarga ega bo‘ldilar. Shuningdek, tadbir ishtirokchisi bo‘lgan 100 nafar kasaba uyushmasi faollari kutubxonaga a’zo bo‘ldilar. Ularga 3 yil davomida mazkur kutubxonadan bepul foydalanish huquqini beruvchi a’zolik guvohnomalari (ID karta) topshirildi.

Ha, internet rivojlangani bilan kitob va gazeta mutolaasiga bo‘lgan talab saqlanib qolaveradi. Shundan ham bilish mumkinki, kitobxonlik madaniyati yuksalaveradi.

O‘zbekiston kasaba uyushmalari Federatsiyasining Farg‘ona viloyati Kengashi.

Facebook | Telegram | Sayt

Yetakchiga bahoni a’zolar beradi

Ma’lumki, bu yil O‘zbekiston kasaba uyushmalari o‘zining 120 yilligini nishonlaydi. Shu bois mehnat jamoalarida kasaba uyushma tarixi, o‘tgan davrda amalga oshirilgan ishlar, erishilgan yutuqlar va kasaba uyushmalarining bugungi kundagi olib borayotgan ishlari keng jamoatchilikka yetkazilmoqda.

Madaniyat, sport va turizm xodimlari kasaba uyushmasi Farg‘ona viloyati birlashgan qo‘mitasi tomonidan o‘tkazilgan tadbirda ham bu haqda yig‘ilganlarga batafsil ma’lumot berib o‘tildi.

Shuningdek, madaniy-ma’rifiy tadbir doirasida boshlang‘ich kasaba uyushmalari tashkilotlarida hisobot-saylov yig‘ilishlarini o‘tkazish yuzasidan o‘quv-seminar bo‘lib o‘tdi. Unda tarmoq tizimidagi boshlang‘ich kasaba uyushma qo‘mita raislari ishtirok etdi.

Darhaqiqat, hisobot-saylov yig‘ilishi boshlang‘ich kasaba uyushma tashkiloti faoliyatida muhim voqelik bo‘lib, har besh yilda bo‘lib o‘tadi. Unda amalga oshirilgan ishlar tahlil qilinib, kasaba uyushma ishiga baho beriladi. Shu bilan birga mavjud muammolar, yo‘l qo‘yilgan kamchiliklar tahlil qilinib, kelgusidagi faoliyatning ustuvor yo‘nalishlari belgilanadi.

Shu bois tadbirda boshlang‘ich kasaba uyushma qo‘mita raislaridan hisobot-saylov yig‘ilishlariga puxta tayyorgarlik ko‘rish va uni o‘tkazish bilan bog‘liq kerakli ma’lumotlar berildi.

O‘zbekiston kasaba uyushmalari Federatsiyasining Farg‘ona viloyati Kengashi.

Facebook | Telegram | Sayt

Farg‘ona viloyatida Ta’lim va fan xodimlari kasaba uyushmasi tarmog‘i haftaligi doirasida bir qator tadbirlar o‘tkazilmoqda

Farg‘onada O‘zbekiston kasaba uyushmalariga 120 yil to‘lishi munosabati bilan ma’naiv-ma’rifiy tadbirlar o‘tkazilmoqda

Mamlakatimizda muhtaram Yurtboshimiz tashabbusi bilan inson manfaatlari yo‘lida keng ko‘lamli islohotlar amalga oshirilmoqda. Inson qadrini ulug‘lash, uning qonuniy manfaatlarini ta’minlash maqsadida olib borilayotgan ushbu izchil islohotlarda kasaba uyushmalari ham faol ishtirok etmoqda.

Bugungi kunda O‘zbekiston kasaba uyushmalari o‘z saflarida 7 milliondan ortiq ishchilarni birlashtirgan bo‘lib, mamlakatdagi eng yirik jamoat tashkiloti hisoblanadi.

Tarixga nazar tashlaydigan bo‘lsak, mamlakatda ilk kasаba uyushma harakati 1905 yillarda boshlanganiga guvoh bo‘lamiz. Demakki, bu O‘zbekiston kasaba uyushmalariga 120 yil to‘lganidan dalolatdir.

Shu bois O‘zbekiston kasaba uyushmalari Federsiyasining Farg‘ona viloyati Kengashi hamda Tarmoq Respublika kasaba uyushmalarining viloyat Kengashlari bilan hamkorlikda bir qator ma’naviy-ma’rifiy tadbirlar o‘tkazib kelinmoqda.

Ahmad Farg‘oniy nomidagi viloyat axborot-kutubxona markazida “Yangi O‘zbekiston – yangi kasaba uyushmalari” shiori ostida o‘tkazilgan tadbirda Ta’lim va fan xodimlari kasaba uyushmasi tarmog‘i faollari ishtirok etdilar.

Tadbirda O‘zbekiston kasaba uyushmalari Federsiyasining Farg‘ona viloyati Kengashi raisi o‘rinbosarlari Lolaxon Ahmedova hamda Abror Otaboyevlar tomonidan kasaba uyushma harakati paydo bo‘lganidan boshlab davrlar osha amalga oshirilgan islohotlar, ayniqsa, so‘nggi yillarda korxona va tashkilotlarda xodimlarning kasbiy, mehnatga oid ijtimoiy-iqtisodiy huquqlarini ta’minlash tizimini yanada kuchaytirish borasida olib borilayotgan ijobiy o‘zgarishlar haqida ma’lumotlar berildi.

Shuningdek, “O‘zbekiston kasaba uyushmalari Federatsiyasi tizimidagi kasaba uyushmalari tashkilotlarida hisobot-saylovlarni o‘tkazish to‘g‘risida Nizom” talablari asosida bu yilgi hisobot-saylovlarga tayyorgarlik ko‘rish, tegishli hujjatlarni rasmiylashtirish, hisobot-saylov yig‘ilishlarini olib borish, boshlang‘ich kasaba uyushmasining saylanma organlarini saylash, byulleten to‘ldirish tartibi, shuningdek sanoq komissiyasining faoliyati, konferensiyalarga delegatlar saylash norma va tartiblari haqida tushuntirishlar berib o‘tildi.

O‘zbekiston kasaba uyushmalari Federatsiyasining Farg‘ona viloyati Kengashi.

Facebook | Telegram | Sayt