TOSHKENT SHAHAR KADASTR

📣📣📣📣 📝📝📝📝

📣 DIQQAT E’LON! 📣

Poytaxtimizning Mirzo Ulug‘bek tumani fuqarolari va tadbirkorlari!

◼️Sizning kadastr sohasi bilan bog‘liq murojaatlaringizni ko‘rib chiqish maqsadida ⭐️Kadastr agentligi va 🌟Davlat kadastrlari palatasi Toshkent shahar boshqarmalari mutasaddilari ishtirokida sayyor qabul o‘tkaziladi.

⚡️ Kadastrga oid masalalaringiz bo‘lsa, sayyor qabulda ishtirok etishingiz mumkin.

🗓 Kuni: 2024-yil, 29-noyabr, soat 11:00 dan.

📍 Manzil: Mirzo Ulug‘bek tumani, Buyuk ipak yo‘li ko‘chasi, 248-uy. Tuman madaniyat markazi binosi.

📞 Qabulga yozilish uchun: (+99871) 286-23-01.

#Kadastr #sayyor_qabul #Mirzo_Ulug_bek

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #huquqiy_asos
HUQUQNI E’TIROF ETISH UCHUN ASOSLAR

Ortiqcha egallangan yer uchastkasiga bo‘lgan ijara huquqini hamda unda qurilgan binolar va inshootlarga bo‘lgan mulk huquqini e’tirof etish asoslari

◾️Yakka tartibda uy-joy qurish uchun fuqarolarga, yashash uchun mo‘ljallanmagan binolar va inshootlar qurish uchun yakka tartibdagi tadbirkorlarga va rezident bo‘lgan yuridik shaxslarga qonunchilik hujjatlariga muvofiq ajratilgan yer uchastkasiga bo‘lgan huquqni tasdiqlovchi hujjatlarda ko‘rsatilgan maydondan 2018-yil 1-mayga qadar ortiqcha egallangan yer uchastkasiga bo‘lgan ijara huquqini hamda unda qurilgan binolar va inshootlarga bo‘lgan mulk huquqini e’tirof etish uchun quyidagi shartlarning barchasiga rioya etilganligi asos bo‘ladi, agar:

▶️ ortiqcha egallangan yer uchastkasi qonunchilik hujjatlariga muvofiq ajratilgan yer uchastkasiga tutashgan bo‘lsa;

▶️ fuqarolarga ajratilgan va ular tomonidan ortiqcha egallangan yer uchastkasining umumiy maydoni ushbu Qonun 12-moddasi uchinchi qismining talablariga muvofiq bo‘lsa;

▶️ mazkur yer uchastkasi ilgari boshqa jismoniy va yuridik shaxslarga ajratilmagan yoki elektron onlayn-auksionga qo‘yilmagan bo‘lsa;

▶️ mazkur yer uchastkasidan foydalanish yuzasidan jismoniy va (yoki) yuridik shaxslar o‘rtasida nizo mavjud bo‘lmasa;

▶️ mazkur yer uchastkasi uchun yer solig‘i bo‘yicha, unda qurilgan binolar va inshootlar uchun esa mol-mulk solig‘i bo‘yicha qarzdorlik mavjud bo‘lmasa.

🌏 “Oʻzboshimchalik bilan egallab olingan yer uchastkalariga hamda ularda qurilgan binolar va inshootlarga boʻlgan huquqlarni eʼtirof etish toʻgʻrisida”gi O‘RQ 937-sonli Qonunning 5-moddasi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #ochiq_muloqot #Yunusobod #Qonun_937
FUQAROLAR BILAN OCHIQ MULOQOT

🌟Davlat kadastrlari palatasi Toshkent shahar boshqarmasining 📍Yunusobod tuman filiali boshlig‘i Sh.Abduvohidov ishtirokida “Anorzor” MFY binosida aholi bilan ochiq muloqot tashkil etildi.

◾️Yig‘ilganlarga 🌏“O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi O‘RQ-937-sonli Qonunning mazmun-mohiyati, tartibi hamda talablari, tasdiqlangan reja-jadval asosida tuman mahallalarida o‘tkazilayotgan xatlov ishlari haqida to‘liq ma’lumot taqdim qilindi.

◾️Shuningdek, fuqarolarning kadastrga oid savol va muammolari tinglanib, tegishli yechim, huquqiy tushunchalar berildi.

Bu kabi ochiq muloqotlar poytaxtimizning barcha tumanlarida o‘tkazilishi rejalashtirilgan.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube

#Kadastr #korrupsiyaga_qarshi_kurash #xatlov #Qonun_937
XATLOV JARAYONLARINING SHAFFOF VA ADOLATLI OLIB BORILISHI TA'MINLANMOQDA

⭐️Kadastr agentligi va 🌟Davlat kadastrlari palatasi Toshkent shahar boshqarmalarining Korrupsiyaga qarshi kurashish bo‘yicha bosh mutaxassislari Sh.Ro‘zmatov, T.Yuldashev tomonidan poytaxt hududida ⭐️Kadastr agentligining tasdiqlangan reja-jadvali asosida olib borilayotgan xatlov jarayonlari o‘rganilib, nazorat qilib borilmoqda.

📍Kuni kecha mas’ullar Sergeli tumanidagi “Madadkor” hamda Chilonzor tumanidagi “Bekto‘pi” MFYdagi xatlovda bevosita ishtirok etib, kadastr xodimlariga o‘z vazifalarini mas’uliyat bilan bajarishlari yuzasidan ko‘rsatma berildi.

◾️Shuningdek, fuqarolar bilan muloqotda “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi 937-sonli Qonunga binoan tashkil etilayotgan xatlov ishlaridan ko‘zlangan maqsad - aholining qonunda belgilangan yer uchastkalari va ko‘chmas mulklariga nisbatan egalik huquqlarini qonuniy e’tirof etilishi ekanligi tushuntirib o‘tildi.

Ijtimoiy tarmoqlar orqali kuzatib boring👇🏼
🚀 Telegram | 🔵Facebook |📷 Instagram | 🎬YouTube