Yer yuzini suv bosib, to'fon boshlangach, Nuh alayhissalom iymon keltirganlar bilan birgalikda kemaga chiqishga buyurildilar. Lekin, u kishining ayollari va bir o'g'illari kibri sababidan kufr keltirganlar bilan birgalikda g'arq bo'ldi. Shunda Nuh alayhissalomning otalik mehrlari jo'shib, Alloh Taolodan o'g'llari uchun mag'firat so'radilar, Alloh Taolo esa,

"Ey Nuh, albatta u ahlingdan emas. Albatta, u yaxshi amal emasdir. O'zingning ilming bo'lmagan narsani zinhor so'ramagin. Men senga johillardan bo'lmasligingni nasihat qilaman", dedi.
"Robbim, men o'zimning ilmim bo'lmagan narsani Sendan so'ramoqdan panoh tilarman. Agar meni mag'firat qilmasang va menga rahm ko'rsatmasang, ziyon ko'rguvchilardan bo'lurman", dedi.
(Hud surasi 46-47-oyatlar).

Darhaqiqat, hayotimiz davomida Alloh Taolodan aqlimiz yetmagan, johillik qilgan holda turli xildagi orzu-istaklarimizni ro'yobga chiqarishligini so'rayveramiz.

Ey Parvardigori olam, Sendan dinimiz, oxiratimiz, avvalimizu oxirimiz uchun bilib-bilmay o'zimiz uchun yomon narsa so'raydigan bo'lsak, bizlarni avf et. Bizlarga istaganimizdanda yaxshirog'ini ber va bizni o'z qadariga rozi bo'lguvchilar qatoridan qil...



©️Ashurova Iroda

💫 Bizni ijtimoiy tarmoqlarda kuzating:
🌐Facebook  | 🪐Juyborikalon.uz 
✨Ижтимоий тармоқларда бизни кузатинг:
🌐You Tube | 🌐Instagram|🌐@juyborikalon