Дадам ҳар доим дуога қўл очганларида қизимни омадини берсин деб дуо қиладилар. Мен ҳам доимо отам-онам, бобо-бувим дуосига интиламан. Ўзбекистонга учиш олдидан ҳам дадам "Уддаладинг Она қизим, омадингни берсин бу ёғига ҳам" дея дуода бўлдилар. Ҳамроҳларим, икки қизни ҳам ўз қизларидек ардоқладилар. Мен истардимки, жамиятимизда қизининг ҳам фикрларини тингловчи, мақсадларига елкадош бўла оладиган оталар сафи кенгайишини.

Ота дуоси ҳақида гап кетганда эса шоира Гулжамол Асқарованинг «Ота дуоси» номли шеъри беихтиёр ёдимга тушади:

Гулзорларим атрингиз сочинг,
Ғам-қайғулар йўлимдан қочинг,
Фаришталар қўлингиз очинг,
Мен отамнинг дуосин олдим.

Эй ортимдан эргашган боғлар,
Эй кўксимга ўрганган доғлар,
Саломлашиб қўяйлик тоғлар.
Мен отамнинг дуосин олдим.

Бахтли бўлар дуо олган қиз.
Бахт йўлида узоқ қолган қиз,
Эй гулларга соя солган қиз,
Мен отамнинг дуосин олдим.

Менга нима энди ғам келса,
Бири ортиқ, бири кам келса,
Чикорадир бари жам келса,
Мен отамнинг дуосин олдим.

...Faнимга бахт кулса, не алам,
Кўзимга ёш тўлса, не алам,
Қиёматлар бўлса, не алам,
Мен отамнинг дуосин олдим.

Борингизга шукур суянган тоғим!!!🤗🤗

2022 Москва/Россия