Монетизация телеграм-каналов

Автоматическая монетизация каналов без новых постов

Продаётся канал l Пошлые истории l

24 754 пдп, 54 000 в месяц, цена 230 000 рублей

Продаётся канал l Психология l

23 890 пдп, доход 48 000 в месяц, цена 59 000 рублей

Статистика Избранное

To’rtinchi hokimiyat🖊️

@jurnalist_4hokimiyat

Гео и язык канала: Узбекистан, Узбекский

Категория: Образование

Assalomu alaykum🎗️
Jurnalistika dunyosiga xush kelibsiz 🎙️
Bu kanalda eng dolzarb, foydali va qiziq ma’lumotlarga ega bo’lasz 📝
Kanal asoschisi: Charos Abdukarimova
🇷🇺🇺🇿🇺🇸🇹🇷
Kitob olami (2-kanal) : https://t.me/harrkunim
🗓️11.12.24

Связанные каналы

Гео и язык канала

Узбекистан, Узбекский

Категория

Образование

Статистика

Избранное

Фильтр публикаций

Скрывать удаленные

Скрывать репосты

To’rtinchi hokimiyat🖊️

11 Jan, 17:03

🏆Jurnalistika sohasiga oid nufuzli mukofotlar:

1. Pulitzer mukofoti
•Dunyoning eng mashhur va nufuzli jurnalistika mukofoti bo’lib, u 1917-yildan beri har yili AQShda beriladi. Pulitzer mukofoti gazeta va onlayn jurnalistika, televideniye, radio, kitob yozish va drama sohalarida yuqori sifatli ishlarni tan olish maqsadida taqdim etiladi.

2. Emmy mukofoti
•Asosan televideniye sohasidagi yuksak yutuqlarni taqdirlash uchun beriladi. Emmy mukofoti ko’plab kategoriyalarni qamrab oladi.

3. George Polk mukofoti
•Bu mukofot 1949-yildan beri berilib kelinadi va jurnalistikada yuqori yutuqlarga erishgan shaxslar va guruhlarga taqdim etiladi. Mukofot, ayniqsa, investigative jurnalistika, xususan hukumat yoki kompaniyalarning korrupsiyasi haqida yozgan jurnalistlarga beriladi.

4. Peabody mukofoti
•Peabody mukofoti jurnalistika va media sanoatidagi eng yuqori mukofotlardan biri bo’lib, u televizion, radio, onlayn va kino ishlaridagi yuksak ijodiy yutuqlarni taqdirlaydi. Mukofot 1940-yildan beri beriladi.

11 0 0 1

To’rtinchi hokimiyat🖊️

11 Jan, 15:56

Репост из: Jurnalist24.uz

🇺🇸 "Агар Камала Харрис ютқазмаганида, у сайловда Трампни мағлуб этган бўларди" - Байден

@Jurnalist24uz | тезкор ва ишончли…

15 0 0 6 1

To’rtinchi hokimiyat🖊️

11 Jan, 11:32

00:48

Видео недоступно для предпросмотра

Смотреть в Telegram

…qanchalik ko’p shim tikkan bo’lsangiz…🧵

Professional jurnalist bo’lish uchun nima qilish kerak?

21 0 0 7 2

To’rtinchi hokimiyat🖊️

11 Jan, 11:08

#45bekat

11-yanvar. Gazetaning navbatdagi sonini sahifaladik. Tahririyatda suyakli gazeta hidi bilan qotganlar qatorida bir-ikkita yangi xodimlar ham bor. Ulardan birini rejaga kirgan materialni yozmagani uchun qattiq koyidim:«Sendan kosmonavt chiqadi deyishsa,ishonishim mumkin, ammo gazetachi chiqishi to’g’risida bir nima deyish qiyin…”
Xonaga Xorazmlik ijodkor-o‘qituvchi Razzoq Ibrohim kirib keldi. «Viloyatda yashaydigan ijodkorlarga e’tibor kam, uch-to‘rt marta she’r yubordim, bittasi ham chiqmadi», deb astoydil tahririyatda kamida o’n haftaga yetadigan she’r borligini, gazetani she’r bilan to‘ldirib bo‘lmasligini aytdim. Shunday bo‘lsa ham, bir o‘qib ko‘ring-chi, deya bir dasta bolalarga atab yozilgan she’rlarini ko‘rsatdi. O‘qidim, original mavzular tanlangan, yumorga moyilligi ko‘rinib turibdi. Ammo tahrirga bo‘lgan misralari kam. Mana, bittasi:

OQSHOM CHIQAR SAYRGA
Ko’rshapalak saqlar jon,
Kunduzi yoriq-teshikda,
Xabari yo‘q, nima hol
Tashqarida, eshikda.
Oqshom tushgach, sayrga
Chiqib olar, der ukam.
Ovi yursa kerak-da,
Kechalari qatnov kam.

Dastlabki to‘rt qatori ancha ravon o‘qiladi. Ammo yakun sust. Ayniqsa, «Chiqib olar,
der ukam», degan satr tushmagan. She’rni quyidagicha tahrir qilib, nashrga tayyorladik:

KO’RSHAPALAK
Ko’rshapalak saqlaydi jon,
Kunduzlari teshikda.
Xabari yo‘q, nima ahvol,
Tashqarida - eshikda.
Kun botguncha komzin ochmay,
Uxlar inga osilib,
Oqshom qo’ngach ovga chiqar,
Ishtahasi ochilib…

Oltinchi sahifa, odatdagidek, xajviy materiallardan iborat bo‘ldi. Shodmon Otabekning yangi «Do’rmon hangomalari»ni,Tursunboy Adashboyevning Anvar Obidjonga qushlar tilidan yozgan to’yxatini qo‘ydik. Soat yettiga yaqinlashib qoldi.
Mas’ul kotib «Sahifa to‘lmadi, yana bir qog‘ozlik material kerak», deb qoldi. Kompyutergа o’tirib, shu latifani tuzdim:

QULOG’IMNI QASHIYOTGAN EDIM…
(Haydovchilar o‘qimasin)
Yangi yilning birinchi kunidan boshlab yangi qonun kuchga kirdi. Haydovchi mashina harakat qilayotgan paytda mobil telefonidan foydalanishi mumkin emas.
Qonunni buzsa, jarimaga tortiladi.
Mamarayim birinchi kuniyoq Qo’lga tushdi. DАN xodimi uni to‘xtatib, «Qoidani buzdingiz, aka, buning ustiga hushtak chalganimga qaramay, to‘xtamadingiz, orqangizdan quvishga to‘g‘ri keldi, marhamat qilib hujjatlaringizni ko‘rsating», dedi qat’iy ohangda.
Mamarayim bo’sh kelmadi:
— O’rtoq komandir, ikki oydan beri qulog‘im zo’riqib og‘riydi, ichgan dorim qolmadi, eshitmay qolibman shekilli-da, uzr, boshqa takrorlanmaydi.
— Ho’p, qulog‘ingiz og‘rigan bo‘lishi mumkin, ammo yangi qonunni qo’pol ravishda buzib, harakat chog‘ida mobil telefonidan foydalanganingizga nima deysiz? — DАN xodimi.
— Mobil telefonidan foydalanganim yo‘q, aka, — e’tiroz bildirdi Mamarayim.
Qu’log’imni qashiyotgan edim…

Bu latifani keltirayotganimning sababi — muharrirning stoli ustida yoki xayolida hamisha bir-ikkita tayyor «xom ashyo» material turishi kerak.

19 0 0 2

To’rtinchi hokimiyat🖊️

11 Jan, 10:52

#45bekat

10-yanvar. Ishni yana «Neksia kerakmi?»ni tahrir qilishdan boshladim. Bir-ikkita xodimlarga o‘qishga bergan edim, ular maqolani yana-da qiziqarli qiladigan takliflar aytishdi.
Tushlikka yaqin Jurnalistika fakultetida birga o‘qigan kursdoshim Sayyor Jumaqulova kelib oldi. Bir shaharda yashab turib, rosa o‘ttiz yildan keyin ko‘rishibmiz. Nabiralariga alla qo‘shiqlari yozgan ekan, bir hafta avval Rustam Musurmon ikkimiz ko‘rib, tahrirdan chiqarib qo‘ygan edik. Sayyora tahrirga, qisqartirilgan joylariga rozi bo‘ldi, ammo qisqartirilgan sakkiz qatorni tiklashimizni qat’iy turib iltimos qildi. Mana, usha, avval qisqarib, keyin tiklangan joyi:

Sut aralash hidlaringga, alla,
To’yib bo‘lmas, to’yib bo‘lmas, alla.
O’n o’g‘ilning o‘rniga ham, alla,
Qo’yib bo‘lmas, qo’yib bo‘lmas, alla.
O’g‘illarning o‘rni boshqa, alla,
Ular mening egalarim, alla.
Tinch osmonim, posbonlarim, alla,
Beminatdir eganlarim, alla…

Gazetachilikda ba’zan yaxshi materiallarni ham qisqartirishga to‘g‘ri keladi. Chunki, mazmun bilan birga hajm ham muhim. Sayyoraning nabiralariga yozgan allalarini hajm nuqtai nazaridan qisqartirgan edik. Shunday bo‘lsa-da, muallifning g‘alabasini inobatga oldik.

16 0 0 2

To’rtinchi hokimiyat🖊️

11 Jan, 10:47

#45bekat

9-yanvar. «Neksia» kerakmi?» degan maqolamni qayta yozib chiqdim. Mavzu o’ta muhim.
Ko‘p qavatli uylaridan biriga mukofot tariqasida bir dona «Neksia» mashinasi ajratiladi.
Uni shu uydagi eng namunali, ibratli xonadon olishi kerak. Mahallaga bu to‘g‘risida xabar kelishi bilan, qo‘shnilar bir-birlariga talashib qoladilar. Hali yo‘q mashinani deb, bir-birlarini haqorat qilishgacha borib yetishadilar. Jumanioz Jabborov asari asosida Milliy Akademik teatrimizda sahnaga qo‘yilgan «Neksia» spektaklini ko‘rib, yonma-yon ming yil yashab ham, inson bir-birini bilmasligi mumkin ekan, degan xulosaga keldim.
2006 yil atrofida «Badiiy adabiyot bozor munosabatlariga moslashadimi?» degan mavzuda bir maqola yozgan edim. Adabiy jamoatchilik uni qiziqish bilan kutib oldi, turli xil fikrlar bildirildi. Shuni hisobga olib, olimlar, adabiyotshunoslar, taniqli yozuvchilar ishtirokida davra suhbatini o‘tkazishga qaror qildik. Xurshid Do’stmuhammad «bozor adabiyoti», «yengil asarlar» degan iboralarga qo‘shilmasligini aytdi. Omon Muxtor sarguzasht, detektiv yo‘nalishdagi asarlar an’anaviy jiddiy adabiyotni inkor etmasligini ta’kidladi. Yo’ldosh Solijonov Ernest Xemingueyning «Nuqul oldi-qochdi, ur-yiqitni ifodalash bilan bozorga chiqib boy bo‘lmoqchi bo‘lganlar xomtama bo‘lmay qoya qolsinlar», degan eslatmasini keltirdi. Abduqayum Yo’ldoshning fikricha, ommaviylik — saviya pasayishining ommaviy ko‘rinishi. Shu fikr menga, ayniqsa, ma’qul bo‘ldi.
Kechgacha xonaga Mahmud Sa’diy kirib keldi. Kecha kechqurun bir-ikkita maqolasi qaytgan mualliflarimizdan biri uyiga qong‘iroq qilib, ancha nordon gapiribdi.
«Mahmudjon, miyangiz aynib qolibdi, nafaqaga chiqing», deganmish. Mahmud aka «Domla, bu endi sizning mening turimdagi fikringiz. Mening ham siz turingizdagi fikrim bor, keling, «Ikki fikr» qilib, gazetaga beraylik», debdi. Domla go’shakni joyiga ilib qo‘yibdi.

14 0 0 2

To’rtinchi hokimiyat🖊️

11 Jan, 10:41

#45bekat

8-yanvar. Dastlab Mixli Safarovning to’yxat maqolasini tahrir qilishga tutindim.
To’yxat Tilab Mahmudov va San’at Mahmudovalarining 70 yilligiga bag‘ishlangan. Har ikki ijodkorlar ham respublikamizda hurmat-e’tiborga sazovor kishilar. San’at opa jurnalistikada sadoqatli hamkasblarimizdan. Tilab akaning san’at estetikasiga oid ilmiy tadqiqotlari ko’pchilikka yaxshi ma’lum. Keyingi yillarda yozgan ba’zi hikoyalarga hatto Shukur Xolmirzayev ham e’tibor bergan edi. Ammo, yubiley munosabati bilan yozilgan har qanday maqolaga ozmi-ko‘pmi, mubolag’a aralashadi. Bu gal ham shunday bo‘lgan. Garchi Mixli aka ustoz maqomidagi jurnalist bo‘lsalar ham, to’yxatni qayta ishladim.
Tushlik arafasida xonaga ayol xodimlarimizdan biri kirdi. Uning boshiga yaqinda musibat tushgan — yakka-yu yolg‘iz ukasi og‘ir kasallikka chaliniib, olamdan o‘tgan edi. Qarangki, shovvoz shifokorlar marhumni kasalxonadan olib chiqishda tamagirlik qilishibdi. Qarindoshlaridan pul olishmaguncha, ko‘ngillari o’rniga tushmasdi. Bu gapni eshitib, dunyo ko‘zimga tor ko‘rinib ketdi. Ota vafotidan keyin, chala bitkazilgan hovlida uchta farzand yetim qolgan. Tamagirlar buni bilisharmikin…
Afsuski, bunday noxushliklar hayotimizda ozayish o‘rniga ko‘payib bormoqda. Maktublardan birida yozilishicha, tunda kasalxonalardan biriga og‘ir bemor yigitni olib kelishibdi. Navbatchi vrach kirib, zudlik bilan operatsiya qilish kerakligini aytibdi. Ammo jarroh bemorning qarindoshlarini kutib o‘tiraveribdi. Ertasi kuni qarindoshlar kelganida, vaqt kech bo‘lgan ekan…
Shu kuni kechqurun «Botanika» sanatoriyasida Guliston Davlat universitetining iqtidorli talabalari bilan uchrashuv bo‘lib o‘tdi. Baland parvozga shaylanib turgan bu yoshlar haqida havasim keldi. Har birida mustaqil fikr-mulohaza bor. Talabalardan biri menga: «Amerikada bo‘lgan ekansiz, u yerda talabalar bilan bizning o‘rtamizda qanday farq bor?» degan savol berdi. Men: «Agar vaqtingizni behuda o‘tkazmasangiz, ilg‘or bo‘lsangiz, ular bilan albatta o‘tip ketasiz», deb javob berdim.

16 0 0 2

To’rtinchi hokimiyat🖊️

11 Jan, 10:31

#45bekat

5-7-yanvar. Bu yil obuna bilan deyarli shug‘ullana olmadik. Natija kutilgandek bo‘lmadi. Jim turaversak, moliyaviy ahvolimiz yomonlashadi. Erta tongda yo‘lovchi mashinada vodiy tomoniga qarab yo‘l oldim. Har yili 500-600 kishi obuna bo‘ladigan Namanganda Shoir Ziyovuddin Mansur bilan birga tumanlarda hayajonli uchrashuvlar o‘tkazdik, bir necha rahbarlarning qabulxonalari bilan bo‘lib, ahvolni bir oz bo‘lsa-da yengillashtirishga erishdik.

17 0 0 1

To’rtinchi hokimiyat🖊️

10 Jan, 18:23

#45-bekat

4-yanvar. Ishni Shodmon Otabekning yangi xangomalarini o‘qishdan boshladim. Boshqa mualliflarga nisbatan Shodmonbekning yaxshi bir fazilati bor – tahrirga rozi bo‘ladi. Bir gal uning original syujetli salmoqli hajviyasini tahrir qilar ekanmiz, hajviyaning yakunini biroz o‘zgartirgan edik. Hajviya e’lon qilingan kuni Shodmonbek tahririyatga xursand kayfiyatda kirib kelib, menga minnatdorchilik bildirdi:
• Qoyil, yakunini zo‘r topibsiz.
Kunning ikkinchi yarmida Aziz Norqulovning badiiy qatralarini ko‘rib chiqdim. Aziz tahririyatimizda tashkil etilgan «Mahorat maktabi»ning bitiruvchisi, durustgina qalami bor. Ammo jumla tuzish, fikrni aniq va lo’nda ifodalash masalasida tajribasi kam. Yordam berish kerak. Shu kuni maktabimizning yana bir talabasi Nargiza Umarova mamlakat Prezidentining stipendiati bo‘lganligi haqida xabar keldi. Xuddi o‘z farzandim mukofot olganiday sevindim.

28 0 0 5

To’rtinchi hokimiyat🖊️

10 Jan, 18:20

#45-bekat

3-yanvar. Bugun ishga atigi uch-to‘rt kishi keldi. Xodimlar hamon yangi yil gashtini surib yotishgan bo‘lishsa kerak. To’lan Nizom uyga «Quyosh qasidasi» nomli yangi dostoni ni tashlab ketgan edi, shu asarni nashrga tayyorladim. Otaulining «Yurak» sarlavhali hikoyasini Ahmad Otaboyev bilan birga qayta ishlash uchun muallifiga bergan edik, shu hikoyani yana bir bor ko‘rib, tahrirdan chiqardim.

23 0 0 5

To’rtinchi hokimiyat🖊️

10 Jan, 17:45

#45-bekat

2-yanvar. Sovuqdan qochib ishxonaga ertaroq keldim. Kun bo‘yi gazeta materiallarini tahrir qildim. «Neksia» kerakmi?» degan maqolaning dastlabki varianti qog‘ozga tushdi. «Yolg‘iz yashab bo‘lmaydi» sarlavhali kitobimning ba’zi boblarini qaytadan ko‘rib chiqdim.
Tahririyat pochtasida mol-mulk mojarlari, meros talashish bilan bog‘liq shikoyat maktublari, taassufki, oz emas. Bizda keyingi besh-o‘n yil ichida mulk munosabati tubdan o‘zgardi, mulkdorlik hissi paydo bo‘ldi. Bu yaxshi, albatta. Ammo ko‘plar mulkka ega bo‘lish uchun eng tuban choralarni ishga solishdan xazar qilmayotgani tashvishli hol.

21 0 0 2 4

To’rtinchi hokimiyat🖊️

10 Jan, 17:34

#45-bekat

I. ALLO, MELIZODAMISIZ?
1-yanvar. Bu yil qish qahrli keldi. Dala hovli tirkishlaridan kirgan sovuq a’zoyi badaniga nayzadek sanchiladi.
Uyda uzzu-kun televizor ko‘rib o‘tirardim. «Oqtosh asirasi» degan film ishlangan ekan, uni nechog‘li tasdiqlashmasin, menga ma’qul bo‘lmadı. Mashhur «Kavkaz asirasi» filmining shunchaki nusxasi, xalq tili bilan aytganda «sho’rvasining sho’rvasi» bo‘libdi. Shu to‘g‘rida «Oqtoshga aylangan Kavkaz yoki Obid Asomovning bajarib bo‘lmaydigan iltimosi» degan achchiqqina maqola yozdim, yilning birinchi choragida yoritiladigan maqolalar mavzularini qog‘ozga tushirdim. Bozor munosabatlari sharoitida badiiy adabiyot muammolari, adabiy ta’lim-tarbiya, ma’naviy meros, xalq og‘zaki tanqidchilik, yoshlar she’riyati mavzulariga jiddiy e’tibor berishimizga to‘g‘ri keladi. Bu mavzularga doir chiqishlarimizni hozirdan o‘ylab qo‘yishimiz kerak.
Avvallari gazetchilikda reja bilan ishlash qat’iy odat edi. Yoziladigan maqolalar, ko‘tariladigan muammolar, uyushtiriladigan sahifalar, viloyatlarga xizmat safarlari avvaldan rejalashtirilib, yuqori tashkilotning tasdig‘idan o‘tkazilib, o’tqazib qo‘yilar edi. Bunda muhimiy: muammo ko‘tarilib, uning hal bo‘lganligi yoki bo‘lmaganligi emas, reja bajarilganligi to‘g‘risida yuqoriga vaqtida axborot berish edi.
Bugun endi jurnalistikada butunlay boshqacha ish uslubi yuzaga keldi. Hayot shiddati har qanday mukammal rejani ham o‘zgartirib yubormoqda. Tez va tasirchan yozish kerak. Hamkasblar tili bilan aytganda, muammoni ko‘ya bilish lozim. Buning uchun birgina jurnalistika fakultetida olingan bilimning o‘zi kifoya qilmaydi. Yoshi oltmishdan oshgan hamkasblarimizdan birining: «Qani endi sharoitim bo‘lsa-yu, iqtisodni, huquqshunoslikni o‘rganishsam», degan fikriga men ham qo‘shilaman. Jurnalistika bugun keng qamrovda fikr olishni talab etmoqda. Bugun aytiladigan gap bugun aytilishi kerak. Ertaga u oddiy axborotga aylanib qoladi.
Yilni yakunlash arafasida, ijodiy antanaga ko‘ra, jamoa bilan shu xususda fikrlashib oldik. Albatta, yil davomida yutuqlar bilan birga ma’lum kamchiliklarga ham yo’l qo‘yiladi. Ba’zi rejalar bajarilmaydi, mualliflar bilan ishlashda yuzaki ishlashga yo‘l qo‘yiladi. To‘g‘risida oshkora munozara qilish kerak.
O‘tkaziladigan madaniy-ma’rifiy tadbirlar, yil davomida mamlakat miqyosida, tadbirlar, umumxalq bayramlaridan kelib chiqib, gazetaning umumiy yo‘nalishini belgilab olish zarur. Chunonchi, bu yil Abdulla Qahhor tavalludining 100 yilligi, Samarqand shahrining 2550, Marg‘ilonning 2000 yilligi nishonlanadi. Samarqandda «Sharq taronalari» xalqaro musiqa festivali birinchi marta o‘tkaziladi. Zomin va Ellikkalada yosh shoir va shoiralarning navbatdagi anjumani, madaniyat sohasida badiiy havaskorlarning qator ko‘rik-tanlovlari bo‘lib o‘tadi. Bunday tadbirlarni yoritish uchun, tabiiyki, avvaldan ma’lum tayyorgarlik ko‘rish lozim bo‘ladi.
Tayyorgarlik nimadan boshlanadi? Muharrir har bir xodimning, faol mualliflarning ijodiy imkoniyatlarini yaxshi bilishi kerak. Topshiriq shunga qarab berilsa, ayni muddao bo‘ladi. Ba’zan jiddiy topshiriq oldida ikkilanib qolgan xodimni bu ish uning qo’lidanoq kelishiga ishontirish ham yaxshi natija beradi.

23 0 0 4

To’rtinchi hokimiyat🖊️

10 Jan, 17:13

SO`ZBOSHI

Muhtaram kitobxon! Uzoq mulohazalardan keyin ushbu kundalikni “Qirq beshinchi bekat” ,deb nomlashga qaror qildim. Viloyat gazetasi tahririyati menga muhbirlik guvohnomasini topshirganiga bu yil roppa-rosa qirq besg yil to`ladi. Xa-xu demay oradan shuncha vaqt o`tib ketibdi. Bu yillarning har biri hayotimda o`ziga yarasha iz qoldirdi. Jurnalistika juda keng, favqulodda murakkab olam ekan, hali-hanuz uning sir-sinoatlarini, yozilgan-yozilmagan qonunlarini o‘rganaman, o‘qishga arzirli, o’qigan odamning ko‘nglida yorug‘lik, umid yoki boshqa bir tuyg‘u paydo qiladigan biror nima yozish ilinjida izlanaman.
Jurnalistik kasbini tanlagan odam bir umr talabaga aylanar ekan. Hayotdagi, inson ong-tafakkuridagi o‘zgarishlar bois, har kuni, har soatda o‘z bilimini yangilab, takomillashtirib borishga majbur bo‘lasan. O‘qisan, kuzatasan, birini ikkinchisiga solishtirasan, xulosa chiqarasan. Bora-bora bunday muttasilik turmush tarziga, manaviy ehtiyojga aylanadi. Qirq besh yil davomida bosmaxona bo’yog’ning hidi dimog’imga uriladi, ammo biror kunimni gazetasiz tasavvur eta olmayman.
Qirq besh yil ichida ko‘ngilda ba’zi fikrlar jamlanib qolgan. Ularni avvalroq aytishga iymandim, bu kasbga qadam qo‘yganimning qirq beshinchi bekatida esa jur’at qilib, kundalik tarzida e’tiboringizga havola etmoqdaman.

MUALLIF

22 0 0 5

To’rtinchi hokimiyat🖊️

10 Jan, 16:59

Ahmadjon Meliboyev

QIRQ BESHINCHI BEKAT

Alisher Navoiy nomidagi O’zbekiston Milliy nashriyoti

Toshkent —2008

Taniqli publitsist Ahmadjon Meliboyevning ushbu to’plami muallifning milliy matbuotimiz muammolari, jamoatchilik fikrlarini shakllantirish o’rni, jurnalist odobi, so’z ma’suliyati, ijodkor mahorati va muharrir malakasi haqidagi fikr-mulohazalari, yillar davomida to’plangan hayotiy tajribalari, o’y-kechinmalari haqida hikoya qiladi.

24 0 0 2 6

To’rtinchi hokimiyat🖊️

10 Jan, 16:48

Aslida asarni 1-yanvardan kanalga joylash niyatim bor edi, ammo yana esimdan chiqarganim tufayli (😅) bugundan boshlab har kun kanalga joylab boraman, o’qishni tavsiya qilaman✅

22 0 0 4

To’rtinchi hokimiyat🖊️

10 Jan, 16:47

Ushbu asar jurnalistning 1 yil davomidagi har kuni haqida hikoya qiladi.

23 0 0 4

To’rtinchi hokimiyat🖊️

10 Jan, 16:46

Mahoratli jurnalist, taniqli publitsist Ahmadjon Meliboyev qalamiga mansub “Qirq beshinchi bekat” asari bilan tanishing🔥

24 0 0 4

To’rtinchi hokimiyat🖊️

10 Jan, 11:19

Oʻzbekiston jurnalistika va ommaviy kommunikatsiyalar universiteti

• Sport jurnalistikasi
• Bosma ommaviy axborot vositalari jurnalistikasi
• Harbiy jurnalistika

• Sayohat jurnalistikasi
• Sanʼat jurnalistikasi
• Teleradio jurnalistikasi
• Xalqaro jurnalistika

• Internet jurnalistika
• Iqtisodiy jurnalistika
• Axborot xizmati va jamoatchilik bilan aloqalar

Oʻzbekiston milliy universiteti

• Bosma ommaviy axborot vositalari jurnalistikasi
• Internet jurnalistika
• Axborot xizmati va jamoatchilik bilan aloqalar

Oʻzbekiston davlat jahon tillari universiteti

• Xalqaro jurnalistika
• Axborot xizmati va jamoatchilik bilan aloqalar

Toshkent davlati sharqshunoslik instituti

• Xalqaro jurnalistika

Qoraqalpoq davlat universiteti

• Axborot xizmati va jamoatchilik bilan aloqalar
• Jurnalistika (faoliyat turlari boʻyicha)

Buxoro davlat universiteti

• Axborot xizmati va jamoatchilik bilan aloqalar
• Bosma ommaviy axborot vositalari jurnalistikasi

Samarqand chet tillari instituti

• Xalqaro jurnalistika

Namangan davlat universiteti

• Teleradio jurnalistikasi
• Internet jurnalistika

26 0 0 11

To’rtinchi hokimiyat🖊️

10 Jan, 10:10

00:54

Видео недоступно для предпросмотра

Смотреть в Telegram

O’zbekiston dunyo bo’yicha nechanchi o’rinda turadi?

24 0 0 10 10

To’rtinchi hokimiyat🖊️

8 Jan, 11:40

Репост из: Xushnudbek.uz

Fanlar majmuasi 2025_2026.pdf

‼️Yangilangan fanlar majmuasi tasdiqlandi
#abituriyent

2025/2026-o‘quv yili uchun bakalavriat ta’lim yo‘nalishlari va ularga mos test sinovi (kasbiy (ijodiy) imtihon) topshiriladigan fanlar majmuasi tasdiqlandi.

Fanlar majmuasida 218 ta yo'nalish ro'yxati tasdiqlangan.

❗️Eslatma: 2025/2026-o‘quv yili qabul parametrlari tasdiqlanganda, yangi tashkil etilgan ta’lim yo‘nalishlari uchun fan majmualari qo‘shimcha tasdiqlanadi.

Shuningdek, taʼlim yoʻnalishlarini optimallashtirish natijasiga koʻra yoʻnalishlar nomi oʻzgarganda yoki yangi yoʻnalishlar tashkil etilganda mos ravishda tegishli oʻzgartirishlar kiritilishi mumkin.

👉 @xushnudbek 👈

34 0 0 4

Показано 20 последних публикаций.

33

подписчиков

Статистика канала

Популярное в канале

Hayotning har sekundidan saboq olishi kerak ekan inson, kecha quvnab yurgan insonlar bugun yonimi...

#jurnalistika #jurnalistika_man Sariq matbuot haqida eshitganmisiz? Sariq matbuot -bu senzatsio...

#jurnalistika “O‘qilgan har bir maqola – inson ongini o‘zgartirishga bir imkoniyatdir.”

#jurnalistika “Mikrofon – jurnalistning quroli, lekin uni adolat uchun ishlatish haqiqiy kuch.”

#jurnalistika “Jurnalistning vazifasi – savollar berish, javoblarni izlash va haqiqatni yoritis...