Ака, ука сингиллар.

Синовларга бойдир бу дунё,
Бир кун келиб сабрим тўлади.
Кетар бўлсам Раббим қошига,
Эслагувчи акам бўлади!

Дуолар-ла, қўллайман уни,
ИншаАллоҳ бахти кулади.
Бирдан изсиз ғойиб бўлсам хам,
Излагувчим укам бўлади!

Чидай-чидай тўкилиб бўлдим,
Дилда не бор Аллоҳ билади.
Бутун дунё унутар бироқ,
Соғингувчим акам бўлади.

Нетай бахтга ортиқча бўлдим,
Гоҳо, чиндан алам қилади.
Хамма мендан чарчар-у, лекин,
Қадрловчим, укам бўлади.

Йўқдур орзу, на бир мақсадим,
Ҳаёт гулим бир кун сўлади.
Ўлсам, бир кун дуолар қилиб,
Йуклагувчи акам булади.

Шу меҳр-ла яшайман абад,
Шукур мени Тангрим қўллади.
Ғамга тўлсам кўз ёшим артган,
Шу меҳрибон акам бўлади!

Гоҳо ота, оғамдек бўлиб,
Баъзан койиб, баъзан қўллади.
Фарзандимдек бағрим тўлдирган,
Шу эркатой укам бўлади!

Яна кўпроқ кўриш учун каналга
обуна бўлинг 👇🏻
https://t.me/+HJvay1IVFe0xNThi