Judo Uz

🇦🇿🛫🇺🇿Baku Grand Slam yakunlandi, navbat Tashkent Grand Slam turniriga!

🇦🇿Uch kun davomida Ozarbayjon poytaxti Boku shahri “Katta Dubulgʻa” turkumiga kiruvchi nufuzli turnirga mezbonlik qildi.

Mukofot jamgʻarmasi 154 000 yevroni tashkil etuvchi musobaqada sayyoramizning 4 qitʼasi 36 davlatidan jami 258 (166 erkak, 92 ayol) nafar dzyudochi medallar hamda jahon reytingi uchun beriladigan qimmatli ochkolar uchun bahs olib bordi.

Yaponiya uchun atalgan musobaqada Oʻzbekiston terma jamoasi dzyudochilari ham oʻz omadlarini sinab koʻrishdi. Turnirda asosan yosh, xalqaro tajribasi kam boʻlgan dzyudochilarimiz ishtirok etishdi. Medal qoʻlga kiritilmagan boʻlsa-da, lekin yoshlar oʻzlari uchun tajriba olishdi. Bronza medali uchun kurashgan Azizbek Ortiqov yakunda beshinchi oʻrinni egalladi. Soʻgʻdiyona Rafkatova, Marjona Nurulloyeva, Azizbek Avazmurodov va Rustam Shorahmatov 7-oʻrinni band etdi.

Medallar jamgʻarmasi boʻyicha dzyudo vatani vakillari mutlaq yetakchi boʻlishdi. Boku “Katta Dubulgʻa” turniri xuddi Yaponiya chempionatiga oʻxshab ketdi. Kunchiqar yurt dzyudochilari 10 ta oltin, 4 ta kumush, 3 ta bronza medali bilan umumjamoa hisobida birinchi oʻrinni egallashdi. Kuchli uchlikka Germaniya va Ozarbayjon terma jamoalari yakun yasab berdi. Jami 22 ta davlat delegatsiyalari oʻz uylariga musobaqaning kamida bitta bronza medali bilan qaytishdi.

Baku Grand Slam yakuniga yetdi, endi navbat Tashkent Grand Slam turniriga! 28-fevral - 2-mart kunlari poytaxtimizdagi “Yunusobod” sport majmuasi “Katta Dubulgʻa” turkumiga kiruvchi nufuzli musobaqaga mezbonlik qiladi. Oʻzbekiston terma jamoasi mezbon sifatida har bir vazn toifasida 4 nafardan dzyudochi bilan qatnashish imkoniyatiga ega. Hozirgacha 3 qitʼaning 25 davlatidan jami 266 (130 erkak, 136 ayol) nafar dzyudochi Toshkentga kelishini tasdiqlagan. Hali bu son ortib boradi.

✍️O‘zbekiston dzyudo federatsiyasi matbuot xizmati

Obuna bo`ling👉 Telegram

🇺🇿🥋🤲Baku Grand Slam. Bugun musobaqaning so`nggi kuni 8 nafar og`ir vaznli dzyudochimizga muxlislik qilamiz

🇦🇿Bugun Ozarbayjon poytaxti Boku shahrida o`tkazilayotgan “Katta Dubulgʻa” turkumiga kiruvchi nufuzli turnir yakiniga yetadi.

So`nggi kungi bellashuvlarda terma jamoamizning 8 nafar dzyudochisi medallar hamda jahon reytingi uchun taqdim etiladigan ballar uchun tatamiga chiqadi.

🇺🇿🥋Dzyudochilarimizning ilk davradagi bellashuvlari:

✅-90 kg: Azizbek Avazmurodov - Yarne Dyuk (Belgiya)

✅-90 kg: Shahzodxoʻja Sharipov - Artur Kaneves (Finlyandiya)

✅-100 kg: Rustam Shorahmatov - Yestay Yermuhan (Qozogʻiston)

✅-100 kg: Rufat Xudakov - Muhammad-Ali Matayev (IJF)

✅+100 kg: Islombek Ravshanqulov - Kanta Nakano (Yaponiya)

✅+100 kg: Bahrom Rajabov - Saba Inaneshvili (Gruziya)

🇺🇿QIZLAR

✅+78 kg: Irisxon Qurbonboyeva - Helena Vukovich (Xorvatiya)

✅+78 kg: Mohlaroyim Toʻxtamisheva - Ruri Takahashi (Yaponiya)

✍️O‘zbekiston dzyudo federatsiyasi matbuot xizmati

Obuna bo`ling👉 Telegram

🎁🎂“O‘zbekiston sport faxriysi” ko‘krak nishoni sohibi Ilhom Adizovni tabriklaymiz!

🇺🇿🥋Bugun O‘zbekiston sport faxriylari kengashi a`zosi, yurtimiz sporti, xususan dzyudosini rivojlantirish yo‘lida xizmat qilib kelayotgan fidoyilarimizdan Ilhom aka Adizov ham o`z tavallud kunlarini nishonlayaptilar.

Bugungi kun qahramoni O‘zbekiston sport faxriylari kengashi qarori bilan “O‘zbekiston sport faxriysi” ko‘krak nishoniga munosib ko`rilganlar. Hozirda ham hakamlik, ham murabbiylik faoliyatini davom ettirib, yosh avlodga ko`p yillik boy tajribalarini ulashib kelyaptilar.

O‘zbekiston dzyudo federatsiyasi tajribali referimiz, ko‘plab shogirdlarning ustozi Ilhom Adizovni bugungi tavallud ayyom bilan muborakbod etadi. Ustozga uzoq umr, sihat-salomatlik, farzandlar, nabiralar rohatini ko`rib yurishlarini tilaymiz.

✍️O‘zbekiston dzyudo federatsiyasi matbuot xizmati

Obuna bo`ling👉 Telegram

🎁🎂Aziz Tashmatov yana bir yoshga ulg`aydi!

🇺🇿🥋Bizda yana bir xursandchilik kun. Bugun dzyudo bo‘yicha O‘zbekiston terma jamoasi murabbiylar shtabi a’zosi, iste’dodli murabbiy Aziz Tashmatov o‘z tavallud ayyomini nishonlamoqda.

Bugungi kun qahramoni terma jamoamiz bilan birga Ozarbayjonda bo`lib turibdi va umid qilamizki, bugun Baku Grand Slam turnirida tatamiga chiquvchi dzyudochilarimiz Aziz Tashmatovga o`zlarining chiroyli g`alabalarini sovg`a qilishadi.

O’zbekiston dzyudo federatsiyasi bugun yana bir yoshga ulg`aygan Aziz Tashmatovni unutilmas kun bilan muborakbod etadi. Unga uzoq va mazmunli umr, sihat-salomatlik tilaymiz.

✍️O‘zbekiston dzyudo federatsiyasi matbuot xizmati

Obuna bo`ling👉 Telegram

🇺🇿🥋🤲Baku Grand Slam. Bugun ikkinchi kungi bahslarda 6 nafar dzyudochimizga muxlislik qilamiz

🇦🇿Ozarbayjon poytaxti Boku shahrida “Katta Dubulgʻa” turkumiga kiruvchi nufuzli turnir davom etmoqda.

Bugun ikkinchi kungi bellashuvlarda terma jamoamizning 6 nafar dzyudochisi medallar hamda jahon reytingi uchun taqdim etiladigan ochkolar uchun tatamiga chiqadi. Kechagi kun doirasida eng yaxshi natijamiz 5-oʻrin boʻldi. Musobaqada asosan yosh dzyudochilarimiz ishtirok etyapti va bu ular uchun katta xalqaro tajriba maktabini o`tayapti.

🇺🇿Dzyudochilarimizning ilk davradagi raqiblari:

✅-63 kg: Marjona Nurulloyeva - Seulmi Heo (Koreya Respublikasi)

✅-70 kg: Shirinjon Yoʻldosheva - Aoife Kulan (Avstraliya)

✅-73 kg: Obidxon Nomonov - Denis Viyeru (Moldova)

✅-73 kg: Inoyat Telmanov - Manuel Parlati (Italiya)

✅-81 kg: Nodirbek Mavlonberdiyev - Fransua Gutyer (Kanada)

✅-81 kg: Arslonbek Tojiyev - Luan Almeyda (Braziliya)

⏰Maʼlumot uchun, musobaqaning ikkinchi kungi saralash bellashuvlari bizning vaqt bilan soat 12:30da boshlanadi.

✍️O‘zbekiston dzyudo federatsiyasi matbuot xizmati

Оbuna bo'ling👉 Telegram

🎁💐🎂Nelli Kiyamovani tabriklaymiz!

🇺🇿🥋Bugun dzyudo bo‘yicha ayollar terma jamoasi murabbiyi, "O‘zbekiston Respublikasida xizmat ko'rsatgan sport ustozi" faxriy unvoni sohibasi Nelli Kiyamova o‘z tavallud ayyomini nishonlamoqda.

Tajribali va shu bilan birga shogirdlariga talabchan mutaxassis bir necha yildan beri O‘zbekiston ayollar terma jamoasi murabbiylar shtabida samarali faoliyat yurityapti. Bugungi qahramonimiz o‘z vaqtida ikki yil davomida Eron ayollar terma jamoasiga ham murabbiylik qilgan.

O‘zbekiston dzyudo federatsiyasi rahbariyati, murabbiylar, dzyudochilar, hakamlar nomidan bugun tavallud kunini nishonlayotgan Nelli Esxakovnani muborakbod etamiz. Ularga oilaviy baxt va sihat-salomatlik tilaymiz.

✍️O‘zbekiston dzyudo federatsiyasi matbuot xizmati

Оbuna bo'ling👉 Telegram

🇺🇿🥋O`tgan yili kattalar o`rtasida O`zbekiston chempioni bo`lgan Azizbek Ortiqov (-66 kg) Baku Grand Slam turniridagi ishtirokini kuchli beshlikda yakunladi. U jahon reytingi uchun 360 ochko ishlab oldi. Yettinchi pog`onadan joy olgan So`g`diyona Rafkatova 260 ballga ega bo`ldi...

Obuna bo`ling👉 Telegram

🇺🇿🥋Baku Grand Slam. Azizbek Ortiqov (-66 kg) kechki dasturda bronza medali uchun tatamiga chiqadi. Uning raqibi ozarbayjonlik Elshan Asadov bo`ladi. Ortiqov o`tish bahsida italiyalik Valerio Assoglidan ustun keldi. Mezbon dzyudochi esa 1/2 finalda yaponiyalik Takeshi Takeokaga yutqazdi...

Obuna bo`ling👉 Telegram

🇺🇿🥋Baku Grand Slam. Azizbek Ortiqov (-66 kg) bronza medali yo`lidagi o`tish bahsida italiyalik Valerio Assogliga qarshi tatamiga chiqadi...

Obuna bo`ling👉 Telegram