Jizzax politexnika institutida shahar va tumanlar hokimi oʻrinbosarlari, tashkiliy-kadrlar guruhi rahbarlari hamda milliy kadrlar zaxirasiga kiritilgan nomzodlar uchun oʻquv-amaliy seminari davom etmoqda.

Oʻquv-amaliy seminarning ikkinchi kunida tinglovchilar uchun bir necha yoʻnalishlarda mashgʻulotlar oʻtildi.

Jumladan, aholi muammolari bilan mahallabay ishlashda sektorlarning Xalq qabulxonalari va davlat organlari bilan oʻzaro hamkorligi masalalari, jamiyatimizdagi ochiqlik va erkinlik muhitini, millatlar va dinlar oʻrtasidagi ahillik va hamjihatlikni mustahkamlash, soʻz va matbuot erkinligi, vijdon erkinligini taʼminlash va “Mahallalarni ishsizlik, kambagʻallik, migratsiya, jinoyatchilik va oilaviy ajrimdan xoli hududga aylantirishda “Mahalla yettiligi” oldida turgan ustuvor vazifalar haqidagi mavzular boʻyicha oliy oʻquv yurtlari rektorlari, professor-oʻqituvchilar va tajribali mutaxassislar tomonidan maʼruzalar qilindi.

Shuningdek, rahbarlarning emotsional toliqish sindromini profilaktikasi, oziq-ovqat xavfsizligini taʼminlash, suv va energiya tejaydigan texnologiyalarni keng joriy qilish, ekinlarni joylashtirish va suv boshqaruvini raqamli tizimga oʻtkazish masalalari, migratsiya jarayonlarini tartibga solish, xorijiy ish beruvchilar talablari asosida fuqarolarni kasb-hunar va chet tillariga oʻqitish ishlarini toʻgʻri tashkil etish, ijtimoiy xizmatlarni mahalla darajasiga tushirish hamda ularning kambagʻallikni qisqartirishdagi roli, shuningdek, nogironligi boʻlgan shaxslarga qulay muhit yaratish choralari hamda yoshlar muammolarini aniqlash va ularni hal etish yoʻllari, hududlarda migratsiyadagi yoshlar bilan ishlash, ishsiz yoshlarning bandligini taʼminlash yuzasidan treninglar ham tashkil etildi.

Semenar ertaga ham davom etadi.