Jizzax.Uz|Rasmiy kanal

Sharof Rashidov tumanidagi “Chaqmoq” fermer xoʻjaligining tashkil etilganiga bu yil 24 yil boʻldi. Yoqub bobo Hakimov (rahmatli) tashabbusi bilan tashkil etilgan fermer xoʻjaligi oʻtgan yillar davomida rivojlanib, qator yutuqlarni qoʻlga kiritdi. Bugun nafaqat tumanda, qoʻshni kent va viloyatlarda ham allaqachon “Chaqmoq” brendi ostidagi mahsulotlar ancha maʼlum va mashxoʻr boʻlib ulgurdi.

Ayni paytda fermer xoʻjaligini Zafar Hakimov boshqarmoqda. Koʻp tarmoqli xoʻjalikning 200 gektar maydoni boʻlib, qishloq xoʻjaligining koʻplab tarmoqlari paxtachilik, gʻallachilik, chorvachilik, parrandachilik, oziq-ovqat, sut, non, qandolat mahsulotlarini qayta ishlash korxonalari faoliyat koʻrsatmoqda.
Fermer xoʻjaligi 80 nafar doimiy, 50 nafar mavsumiy ishchilarning bandligini taʼminlagan. Xoʻjalik hisobida 200 bosh, shundan, 40 bosh zotdor, naslli “Smental” qoramollar, 2000 bosh qoʻy, 500 bosh tovuq, 100 bosh oʻrdak va gʻozlar parvarish qilinayotir.

Chorva va parrandalar uchun ozuqa zaxirasi xoʻjalikning oʻzida tayyorlanadi. 15 ta qishloq xoʻjaligi va boshqa maxsus texnikalar fermer xoʻjaligi aʼzolariga qanot boʻlmoqda. Xitoy texnologiyasi asosida kuniga 4,5-5 tonna sutni qayta ishlovchi liniya orqali yogurt, tvorog, qatiq, ayron, suzma, kefir, qaymoq kabi 12 turga yaqin mahsulotlar idishlarga qadoqlanib, buyurmachilarga yetkazilayotir. Shuningdek, fermer xoʻjaligiga qarashli novvoyxonada sutkasiga 15 qop 2500 ta qolipli non pishirilib, hamkor tashkilotlar, taʼlim tashkilotlari, harbiy qismlar, tibbiyot muassasalariga autsorsing xizmati koʻrsatib kelinayotir.

Fermer xoʻjaligini boshqarishda, ish yuritishda, tashkiliy-moliyaviy va boshqa yumushlarda Zafar Hakimovga turmush oʻrtogʻi Bashorat opa, farzandlari Zohidjon, Vohidjon, Hokimjon, kelinlari Ozoda, Bibixonim, Fotima kamarbastalik qilishadi.

—Joriy yilda ikkita yangi loyihani amalga oshiramiz,—deydi “Chaqmoq” fermer xoʻjaligi rahbari Zafar Hakimov. —Birinchisi, loyiha qiymati 35 milliard soʻmlik zamonaviy chorvachilik kompleksini barpo etsak, ikkinchisi, qiymati 10 milliard soʻmlik loyiha doirasida paxta-toʻqimachilik klasterini (paxtani qayta ishlash korxonasi) joriy yilning avgust oyida tashkil etishni rejalashtirganmiz.

Xalq deputatlari viloyat Kengashining Agrar, suv xo‘jaligi masalalari va ekologiya bo‘yicha doimiy komissiyasining yig‘ilish bo‘lib o‘tdi. Yig‘ilishni doimiy komissiya raisi Erkin Xolmatov olib bordi.

Ma’lumki, joriy yil "Atrof-muhitni asrash va "yashil" iqtisodiyot yili" deb e’lon qilinishi mamlakatimizda ekologik xavfsizlikni ta’minlash, tabiiy resurslardan oqilona foydalanish hamda sanitariya-ekologik holatni yaxshilash bo‘yicha qulay sharoitlar yaratish yo‘lidagi sa’y-harakatlarni yangi bosqichga ko‘taradi. Viloyatimizda ushbu muammolarni tizimli hal etish masalasi Xalq deputatlari viloyat Kengashining Agrar, suv xo‘jaligi masalalalalari va ekologiya bo‘yicha doimiy komissiyasining navbatdagi yig‘ilishining kun tartibidagi asosiy masalalaridan biri bo‘ldi.

Yig‘ilishda davlatimiz rahbarining 2023-yil 31-maydagi PF-81-sonli Farmoni va PQ-171-sonli Qarorlarida belgilangan vazifalarning ijrosini ta’minlash, "Yashil makon umummilliy loyihasi doirasida viloyatda ko‘chat ekish ishlarini samarali tashkil etish, ko‘chat ekish ishlariga "mahalla yettiligi"ni jalb etish, shuningdek, "Yashil energiya" tizimidan foydalanishni yo‘lga qo‘yish, chiqindilar bilan bog‘liq ishlarni muvofiqlashtirish, chiqindi uchun maxsus urna va konteynerlar qo‘yish tizimini hamda jismoniy va yuridik shaxslarning sanitar-tozalash xizmatlari uchun to‘lov qobiliyatini shakllantirish kabi masalalar ko‘rib chiqildi.
Tanqidiy va tahliliy ruhda o‘tkazilgan yig‘ilishda muhokama etilgan masalalar bo‘yicha tegishli qarorlar qabul qilindi. Unga ko‘ra "Atrof-muhitni asrash va "yashil" iqtisodiyot yili"da viloyatda ekologik barqarorlikni ta’minlash maqsadida amalga oshiriladigan ustuvor vazifalarning ijrosini ta’minlash bo‘yicha mutasaddilarga tegishli vazifalar yuklatildi.

Jizzax viloyati Sharof Rashidov tumanida yo‘lovchi tashuvchi avtobus va yo‘llarni tozalovchi maxsus transport vositasi ishtirokida yo‘l-transport hodisasi sodir bo‘ldi, deya xabar bermoqda viloyat IIB.

Qayd etilishicha, holat 30 yanvar kuni soat 13:30 atrofida viloyat hududidan o‘tuvchi M-39 Toshkent-Termiz avtomobil yo‘lining 1000 kilometrida sodir bo‘lgan.

Samarqanddan Toshkent tomon harakatlanayotgan yo‘lovchi tashuvchi avtobus o‘zidan oldinda ketayotgan, yo‘llarni tozalovchi maxsus transport vositasining orqasidan borib urgan.

Hodisa oqibatida haydovchilarga ham, avtobus yo‘lovchilariga ham jiddiy jarohat yetmadi. Faqat uch nafar fuqaroga birinchi tez tibbiy yordam ko‘rsatildi.

«Ko‘rganimdayoq o‘ngga burildim. Bo‘lgan ish shu. Tezligim 70–80 edi chamasi», – deydi avtobus haydovchisi.

Hozirda holat yuzasidan tuman IIB tomonidan dastlabki surishtiruv ishlari olib borilmoqda.

Eski shahardan Olmazor Siti yoki Uchtepa tomon yoʻlingiz tushsa, uzoqdan oʻng tarafdagi oq, yashil rang uygʻunlashgan qoʻp qavatli inshoot eʼtiboringizni tortadi.

Mamlakatimizda uy-joy sohasidagi islohotlarni samarali tashkil etish, “Yangi Oʻzbekiston” massivlari va zamonaviy koʻp kvartirali uylar qurish koʻlamini kengaytirish, ipoteka krediti bozorini yanada rivojlantirish hamda banklar tomonidan oʻz mablagʻlari hisobidan ajratilgan kreditlarni qayta moliyalashtirish mexanizmlarini amaliyotga keng joriy qilish maqsadida Oʻzbekiston Respublikasi Prezidentining 2024-yil 30-apreldagi “2024-yilda ipoteka kreditlarini ajratish mexanizmlarni takomillashtirish va aholining uy-joy sharoitlarini yaxshilashga oid qoʻshimcha chora-tadbirlar toʻgʻrisida”gi Farmoni qabul qilingan edi.

Unga koʻra, Iqtisodiyot va moliya vazirligi, Qurilish va uy-joy kommunal xoʻjaligi vazirligi, Markaziy bank, Kambagʻallikni qisqartirish va bandlik vazirligi hamda Oʻzbekiston Mahallalari uyushmasining bozor tamoyillariga asoslangan ipoteka kreditlari orqali aholini uy-joy bilan taʼminlash dasturi doirasida hududlarda zamonaviy arxitektura koʻrinishiga ega 100 mingta kvartiradan iborat boʻlgan koʻp qavatli uy-joylar qurish, qurilish jarayonlariga “Yashil” uy-joy standartlarini joriy qilish, kambagʻallikdan chiqarish dasturiga kiritilgan va uy-joy sharoitini yaxshilashga muhtoj boʻlgan shaxslarga yakka tartibdagi uy-joy qurish, rekonstruksiya va taʼmirlash uchun 120 million soʻmgacha ipoteka kreditlari ajratilmoqda

Mazkur farmonga asosan viloyatimizda 118 ta 4500 xonadonli koʻp qavatli uy-joylar, shundan, “Yangi Oʻzbekiston” massivlarida 29 ta 1456 xonadonli va boshqa uy-joyga talab yuqori boʻlgan massivlarda 89 ta 3044 xonadonli koʻp qavatli uy-joylar qurilishi belgilangan boʻlib, oʻtgan yili 51 ta 2009 xonadonli koʻp qavatli uy-joylar qurilib, foydalanishga topshirildi.

Eski shahardan Olmazor Siti yoki Uchtepa tomon yoʻlingiz tushsa, uzoqdan oʻng tarafdagi oq, yashil rang uygʻunlashgan qoʻp qavatli inshoot beixtiyor eʼtiboringizni tortadi. “Ishtixon Building” MCHJ quruvchilari tomonidan Sharof Rashidov tumanining “Qahramon” MFY hududida ana shu 9 qavatli, uch va ikki xonali 117 xonadonga moʻljallangan uy qurib bitkazildi. Jamiyat quruvchilari tomonidan shu uyga tutash joyda yana ikkita 9 qavatli 72 xonadonga moʻljallangan uy koʻtarilib, usti yopildi. Ayni paytda jamiyat bunyodkorlari tomonidan qad koʻtargan uyning ichki va tashqi qismlarini pardozlash ishlari olib borilayotir.

Otaxon muzey tomonidan viloyatimizda yangi muzeylar tashkil etilishga koʻmak koʻrsatildi.

Sayyohlar va mahalliy aholi eʼtiborini tortadigan turistik-maʼrifiy maskanlardan biri muzeylardir. Muzeyimizda eksponatlar soni yildan-yilga oshib, muzey fondi boyib borayapti. Birgina oʻtgan yilda “Milliy merosga mening hissam” aksiyasi doirasida aholidan 180 ta tarixiy-madaniy qimmatga ega boʻlgan ashyolar toʻplandi. Ularning koʻpchiligi XVIII-XIX asrlarga tegishli.

Jumladan, paranji, jelakbosh, nimcha kabi ayollar kiyimlari, erkaklarga oid salla, yaktak, hattoki paytava bilan birga saqlangan maxsi-kalishlar vaqt oʻtib moddiy va maʼnaviy mulkka aylanib bormoqda. Shu oʻrinda paytavaning ham oʻzbek xalqi hayotida tutgan oʻrni haqida gapirsak. U paypoq oʻrniga ishlatilib, oyoqni quruq va issiq saqlagan. Tabiiy matodan tayyorlanib, oyoq hidlanishi va turli zambrugʻlarning yuqishidan himoya qilgan. Paypoqlarning muomalaga kirishi va oyoq kiyim turlarining koʻpayishi bilan paytava oʻz-oʻzidan muomaladan chiqarilgan.

Bu kabi maʼlumotlar ayniqsa, xorijlik sayyohlar uchun qiziq. Yaqinda muzeyimizda boʻlgan AQSHning Virjiniya shtatidan sayyoh Benjamin Nori erkaklar liboslariga ahamiyat berib, ularning tabiiy matodan tayyorlanganiga hamda kundalik hayotda qulaylikni taʼminlaganiga eʼtibor qaratdi.

Muzey xodimlari tomonidan yoshlarimizni boy tariximizga qiziqtirish, ularda tasavvur hosil qilish uchun qator targʻibot tadbirlari oʻtkazilmoqda. Maktabgacha taʼlim tashkilotlari, umumtaʼlim maktablarida 40 ga yaqin koʻrgazma va davra suhbatlari oʻtkazish orqali yoshlarni muzeyga jalb qilish, yurtimiz tarixi haqida maʼlumotlarini boyitishni maqsad qildik.

Bundan tashqari joylarda kichik va mahalliy muzeylar tashkil etishga amaliy yordam koʻrsatib kelinmoqda. Oʻtgan yili Forish tumanida mehnat faxriysi Bektemir Toshpolov tomonidan oʻlkashunoslik tarixi muzeyi tashkil etildi. Shuningdek, Jizzax shahar prokuraturasi va viloyat musiqali drama teatri muzeylarining yuzaga kelishiga ham katta hissa qoʻshdik. Bunday hamkorlik yurtimiz va sohalar rivojlanish tarixini koʻrgazmali vositalar yordamida tiklash imkonini beradi.

Yurtdoshlarimiz orasida muzeylarga sayohatga qiziqish ortib borayotgani quvonarli. Oʻtgan yilda viloyatimizning olis tumanlaridan, xorij davlatlaridan 1000 nafardan ziyod tomoshabinlar kelishdi. Bu yil ham ular safini oshirish, yoshlarni keng jalb qilish borasida targʻibot ishlari davom ettirilmoqda.

Jizzax viloyatida 730 ta yer (ko'rish)

Dehqon xo'jaligini yuritish uchun:

➖ Arnasoy tuman — 83 ta
➖ Baxmal tuman — 1 ta
➖ G'allarol tuman — 1 ta
➖ Sh.Rashidov tuman — 40 ta
➖ Do'stlik tuman — 35 ta
➖ Zomin tuman — 161 ta
➖ Zarbdor tuman  — 143 ta
➖ Mirzacho'l tuman — 37 ta
➖ Zafarobod tuman — 165 ta
➖ Paxtakor tuman — 30 ta
➖ Forish tuman — 34 ta

➡️ Savdolarda qatnashish uchun qo‘llanma (ko'rish)

Ma'lumot uchun
+998992072608
+998992073608

Ushbu tadbir doirasida 5 ming qadam ommaviy yurish, mahalla xududagi 6-son maktabda "Armiyam faxrim", "Uch avlod uchrashuvlari", zakovat intellektual o‘yinlari va turli sport musobaqalari tashkil etildi. Tadbir davomida maktab o‘quvchilarining sahna ko‘rinishlari va tuman madaniyat bo‘limi tomonidan ijro etilgan kuy qo‘shiqlar tadbir ishtirokchilariga ko‘tarinki kayfiyat ulashdi.

Bunday tadbirlar tumanning 8 ta mahallarida bo‘lib o‘tishi rejalashtirilgan.

Turizm qo‘mitasi tomonidan yurtimizda faoliyat ko'rsatayotgan turizm sohasi tadbirkorlik subyektlari va ommaviy axborot vositalari vakillari ishtirokida joriy yilning 29-yanvar kuni “Ochiq muloqot” shaklida uchrashuv o'tkazildi. Mazkur uchrashuvda Jizzax viloyat hokimi o'rinbosari S. Shukurullayev Turizm boshqarmasi o'rinbosari A.Egamberdiyev va tadbirkorlar, turkompaniyalar ishtirok etishdi.

Ochiq muloqotda, 2024-yilda turizm sohasida amalga oshirilgan ishlar, erishilgan natijalar hamda 2025-yildagi turizm sohasidagi ustuvor vazifalar va rejalar, xususan, yangi sayyohlik yo‘nalishlarini joriy etish to'g'risida aytildi.

Shuningdek, bugungi kunda tadbirkorlarni qiynab kelayotgan muammolar hamda takliflar eshitildi va kelgusida ushbu masalalar inobatga olinib, chuqurroq o'rganish ishlari olib borilishi ma'lum qilindi.

🔰Bugungi kunda mamlakatimizdagi har bir katta-kichik rahbarning asosiy vazifasi aholi orasiga kirib borish, ular bilan yuzma-yuz muloqot qilish, murojaatlarni tinglash, muammolarni o‘rganish va fuqarolar tomonidan ko‘tarilgan masalalarni joyida hal etishdir.

🔰Xuddi shu maqsadda Jizzax viloyati hokimining o‘rinbosari Akmal Savurbayev va Arnasoy tumani hokimi Odil Musanovlar birgalikda Arnasoy tumani Gulbahor MFYdagi  7-sonli umumta’lim maktabida sayyor qabul o‘tkazdi.

🔰Mazkur sayyor qabulda Jizzax viloyat Sog‘liqni saqlash boshqarmasi boshlig‘i, viloyat Maktabgacha va maktab ta’limi bo‘limi mudirasi, viloyat “Inson” ijtimoiy xizmatlar markazi, O‘zbekiston Respublikasi Prezidentining Arnasoy tumanidagi Xalq qabulxonasi mudiri va tuman tashkilotlar rahbarlari hamda aholi ishtirok etdi.

🔰Aholi farovonligini ta’minlash, yashash sharoitlarini yaxshilash, yangi ish o‘rinlari yaratish, mahallalardagi obodonlashtirish, qurilish, ta’mirlash ishlari, ichimlik suvi, elektr va gaz ta’minoti, yo‘l qurilishi va shu kabi fuqarolarni qiynab kelayotgan muammolarni bartaraf etishda, tumanda sezilarli va keng ko‘lamli ishlar amalga oshirilayotganini ta’kidlash lozim.

🔰Sayyor qabulda davomida Gulbahor mahallasi  markazidagi  stadionni obodonlashtirish, davolanish uchun moddiy yordam, Do‘stlik MFYdagi 2-sonli maktabgacha ta’lim muassasasini ta’mirlash, uy-joy ta’mirlash uchun moddiy, 7-maktabning yaroqsiz  jihozlarini hisobdan chiqarish va yangilari bilan jihozlash, davolanish uchun tibbiy ko‘rikdan o‘tkazish, tez tibbiy yordam mashinasini yangilash, kam ta’minlangan oila sifatida  ssuda ajratish, alimentini undirish bilan bog‘lik 13 ta masalalar bo‘yicha aholi murojaatlari tinglandi.

🔰Sayyor qabulda ko‘tarilgan masalalarning 4 tasi joyida hal etildi. Vaqt va mablag‘ talab etadigan 9 ta murojaatlar ijrosini ta’minlash bo‘yicha “yo‘l xaritasi” ishlab chiqilib, ijrosi nazoratga olindi.

⚡️1587-yilda Angliya qirolichasi Yelizaveta I Meri Styuartning oʻlim haqidagi farmoni imzoladi.

⚡️1709-yilda Robinzon Kruzoning prototipiga aylangan dengizchi Aleksandr Selkirk Tinch okeanidagi Xuan Fernandes arxipelagining odam yashamaydigan orolida topilgan.

⚡️1835-yilda Mavrikiyda qullik bekor qilindi.

⚡️1865-yilda AQSHda qullik bekor qilindi.

⚡️1962-yilda Kuba Amerika Davlatlari Tashkilotidan chiqarib yuborildi.

🕯 BUGUN TAVALLUD TOPGANLAR

⚡️1901-yilda Klark Geybl tug'ildi - amerikalik aktyor ("Shamol bilan o'tgan"), "Oskar" mukofoti sovrindori (1935);

⚡️Boris Yelsin 1931-yilda tugʻilgan — sovet partiya va rus siyosiy va davlat arbobi, Rossiya Federatsiyasining birinchi prezidenti.