istemolchi-info.uz | RASMIY KANAL

Ijtimoiy himoya milliy agentligi viloyat boshqarmasida ochiq muloqot tadbiri o‘tkazildi

Farg'ona viloyat iste'molchilar huquqlarini himoya qilish hududiy birlashmasi tomonidan Ijtimoiy himoya milliy agentligi Farg‘ona viloyat boshqarmasida “O‘zbekiston Respublikasi Vazirlar Mahkamasining 2003-yil 13-fevraldagi 75-sonli qarori bilan tasdiqlangan “O‘zbekiston Respublikasida chakana savdo qoidalari” mazmun-mohiyati va joylarda ijrosi yuzasidan ochiq muloqot tashkil etildi.

Unda boshqarma xodimlari, hududiy birlashma mutaxassislari, NNTlar va ommaviy axborot vositalari vakillari ishtirok etdilar. Tadbirda O‘zbekiston Respublikasining “Iste'molchilarning huquqlarini himoya qilish to‘g‘risida”gi qonuni, xususan, qonunning 9-moddasi ijrosini ta'minlash maqsadida tasdiqlangan “O‘zbekiston Respublikasida chakana savdo qoidalari” qarorining yurtimiz aholisi (iste'molchilari) uchun nechog'lik ahamiyatga egaligi xususida so'z yuritildi.

Ta'kidlandiki, “O‘zbekiston Respublikasida chakana savdo qoidalari” 19 ta bo‘lim va 2 ta ilovadan iboratdir. Qoidalarning 19 bo‘limida oziq-ovqat va nooziq ovqat mahsulotlari ularning turlari bo‘yicha ajratilib, ular bilan savdo qilishning o‘ziga xos xususiyatlari ochib berilgan. Shuningdek, qoidalarga 2 ta ilova, ya'ni “Zarur sifatdagi, qaytarib olinmaydigan yoki shunga o‘xshash tovarga almashtirilmaydigan nooziq-ovqat tovarlari ro‘yxati” (1-ilova) va “Xaridorning ta'mirlash davrida unga tekin berib turish yoki xuddi shunday marka (model', artikul)dagi tovarni almashtirish to‘g‘risidagi talabi tatbiq etilmaydigan uzoq muddat foydalaniladigan tovarlar ro‘yxati” (2-ilova) ham keltirib o‘tilgan bo‘lib, ularning amaldagi iste'molchilar huquqlarini himoya qilish to‘g‘risidagi qonunchilik ijrosini ta'minlash jarayonida tutgan o‘rni va ahamiyati katta hisoblanadi.

Shuni alohida ta'kidlab o‘tish joizki, mazkur Qoidalar O‘zbekiston Respublikasi hududida chakana savdoni tartibga soladi. Qoidalar bilan yaqindan tanishar ekanmiz, biz sotuvchilarga, savdo obyektlariga va tovarlarga qo‘yiladigan asosiy talablardan tortib, oziq-ovqat, alkogol va tamaki, meva va sabzavotlar, qimmatbaho metallar va toshlardan yasalgan buyumlar, avtotransport vositalari, to‘qimachilik, trikotaj, texnik jihatdan murakkab buyumlar, attorlik-pardoz buyumlari va qo‘yingki, kundalik turmush jarayonida keng foydalaniladigan barcha tovarlar bilan chakana savdoni amalga oshirishning o‘ziga xos xususiyatlari bo'yicha kerakli bilim va ko‘nikmalarni olishimiz mumkin.

Federatsiyaning rasmiy sahifalari👇
Telegram | Facebook | YouTube | Istemol.uz

Buxoro viloyat hokimi, O‘zbekiston Respublikasi Oliy Majlis Senati a’zosi B.Zaripov hamda O‘zbekiston iste’molchilar huquqlarini himoya qilish jamiyatlari federatsiyasi raisi J.Sarimsoqov ishtirokida uchrashuv bo‘lib o‘tdi.

Uchrashuvda O‘zbekiston Respublikasi Prezidentining “Fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida”gi 124-sonli Farmonida belgilangan masalalar yuzasidan kelgusidagi rejalar muhokama qilindi.  Buxoro viloyatida iste’molchilar huquqlarini himoya qilish borasida qilinishi zarur bo‘lgan ishlar xususida fikr almashildi.

Viloyat hokimi federatsiya tashabbuslarini qo‘llab-quvvatlab, fuqarolarning muammolarini tizimli o‘rganish va ularni aniq hal etilishida samarali jamoatchilik nazoratini o‘rnatish, fuqarolarning iste’mol madaniyatini oshirish yuzasidan amalga oshiriladigan barcha loyihalarda hamkorlik qilishga tayyor ekanini bildirdi.

Uchrashuv so`ngida O‘zbekiston iste’molchilar huquqlarini himoya qilish jamiyatlari federatsiyasi raisi J.Sarimsoqov iste’molchilar huquqlarini himoya qilish harakatini har tomonlama rivojlantirish, aholining iste’mol madaniyati va huquqiy himoyalanish darajasi oshirilishida federatsiya bilan doimiy hamkorlik uchun viloyat hokimiga minnatdorchilik bildirdi.

Federatsiyaning rasmiy sahifalari👇
Telegram | Facebook | YouTube | Istemol.uz