Luzer bo'lishdan ham qo'rqinchlirog'i bu intelektual luzer bo'lish

Sen iste'dodlisan, potensialing baland, ommadan farqli, keng dunyo qarashga egasan. Yoshligingda oilang va o'zing tomoningdan o'zinga yuqori planka qo'yib berilgan. Sendan kelajakda ma'lum bir yo'nalishda ekspert darajasi kutilgan.

Ammo yillar o'tdi mevalash davring kelgan mahalda sen natija bermading. Vodorod bombang millari 00:00 ko'rsatganda ham u portlamadi.

Hozir sen o'zing xohlagan status, o'zing xohlagan mavqe va makonda emasliging uchun tushkun ruhiyat bilan yashayapsan. Sen bilan bir xil startda boshlagan hamda salohiyati senikicha bo'lganlar tanishlaring tepaga qarab uchib ketyapti. Sen esa ular bilan bir xil parallelda emassan. Sen o'zingdan umuman qoniqmayapsan. O'g'riqli to'g'rimi?

Bu oqibatning turlicha sabablari bo'lishi mumkin: Noto'g'ri qarorlar, dangasalik, kerakli vaqtda kerakli joyda paydo bo'la olmaganliging, qatʼiyating yetishmaganligi yoki laylak seni tashlab ketayotganda mamlakatni xato tanlagani...

Sen shu va shunga o'xshagan sabablar oqibatidagi hayotda yashayapsan. Yetmaganiga bu kundan kun bozorlashib borayotgan yirtqich botqoqdan nafaqat o'zingni balki ota-onang, oilangni ham tortib olib chiqishing kerak. Bu ilohiy va taqdiringa tamg'alangan bir umrlik burch.

Lekin achinarlisi va bir paytning o'zida quvonarlisi hali kichik umid bor senda, yuqoridagi qiz aytgan ichki ziddiyatlar oq bayroq ko'tarishi uchun hali umid bor...

O'n minglab xuddi shunday intellektual ammo o'zini topolmayotgan o'zbek yoshlari ichidagi ozgina umid...

@plossla